Talk:Wp/ppl/Tukat

Nikan nikyektijtuk ne mutajkwilul, Hector

Nikan nemi ne tay titajkwilujtuk. Nikyektij ken tinechtajtan. Kwak tikneki, tiweli tikalaktia tik ne iswat. Su te tikmati ken tikchiwaskia, shinechtajtanili.

• Su tikneki tiktalia se mufotoj, timuneki tiktalia achtu tik ne "Commons" wan naja te nikmati ken weli muchiwa, nemi pal tiktajtanilia se ká kimati,wan su te, ma shikwi se fotoj ne nemia tik ne "Commons".

• Ipal ne clasificacion, tiwelit tikpiat se tablaj, pero tesu nikmati ken tiktaliskiat tik Nawat. Tiawit tikitat nemanha.

Ne tukat se animal ipal ne orden itukay Araneae. Ken muchi ne ijinvertebradoj ipal ne Artropoda (shikita ne clasificacion), tesu kipia ujumit ijtik iweyka. Yaja nemi pal kipata ne iewayu sejsenpa pal weya. Ne iweyka ne tukat kipia semaya ume takutun: ne itzuntekun wan ne iijti; tesu kipia ne tajku takutun ken ne ijinsectoj, nian kipia ajantenaj. Kipia chikwey imetzkuyu, tesu ken ne ijinsectoj ne kipiat chikwasen. Ne tujtukat anka nemit 30,000 clasej tekenhat. ((Sejse yejemet kichiwat se tzawal pal kitzkiat ne intakwal.)) Melka achka muchi ne tujtukat kipiat venenoj, tesu mijmiak ne welit techmiktiat; yejemet nemit tik Australia, Brasil wan Africa, tesu tik Kuskatan. Muajsi nujme wan nusan tik Kuskatan se chikitik tukat, ne Latrodectes, itukay tiltik viudaj, yaja tesajsay ipal ne shujshulut wan ne chuletket wan lamatket. Ne tukat kichiwa sujsul yek inpal ne takamet ika yaja kikwa kwijkwilin wan sejseuk tay welit kikwat ne tatuk. Yajika ne tukat tajpia wan kipalewia ne mil pal ma takati yek. Ne wejwey tukat ken ne tarantula (itukay picacaballoj) sujsul yek tupal, ika kikwa miak chapulin, wan te keman kimiktua ne wey takwalmet ken ne takat u ne turuj.

Clasificación Reino : Animalia Phylum : Artropoda Clasej : Aracnida Orden : Araneae

Foto j (ipal H. Carcamo): Tultik tukat (Nephila) ijpak itzawal te uij ipal Sydney, Australia. --A R King 15:57, 15 September 2011 (UTC)

Ne Kuke o Kuketzpal

[[File:Kuke ]]

Nemit ume generoj ipal ne kujkuke: ne shushuknaj kuke (Iguana iguana) wan ne kuke ipal ne Caribej (Iguana delicatissima). Ini takwal kipia se weyak itentzikaw wan wijwitzti ka ne iteputz hasta ne ne ikwitapil. --Garysqo

Gary, shikelnamiki ka nemi pal tiktaliat tutukay senpa kwak titajkwiluat tik se iswat ken ini... --A R King 07:28, 22 September 2011 (UTC)