Talk:Wp/kus/Sanja Nanja

Sanja Nanja da du’anɛ Na’asaanwadis Ayi la ni daba Atan daar, yʋma tusir kɔbiswai nɛ pisyuobʋ nɛ anii la ni. O anɛ wadmaani tis Atebubu Amantim bɛ Bono East sʋ’ʋlim la dim ka paas Gaana wadmaanib kanɛ paas anii tinamɛ faaen ti mɛŋi yi na’asaanam nu’usin la. O zi’ennɛ ma’asim tiig na’adɔɔg la nɔba zug. O mɛŋ bɛlim Nanja anɛ Kristo biig. O kɛnnɛ Assemblies of God. O mɔr pʋ’a nɛ biisi Anu.

Nanja da du’anɛ Na’asaanwadis Ayi la ni daba Atan daar, yʋma tusir kɔbiswai nɛ pisyuobʋ nɛ anii la ni, 03-02-1968. O yinɛ Saboba, bɛ Tamar sʋ’ʋlim, Gaana. O da kpɛn’ University of Gaana, 2005. O da naae anina ka di’e Bachelor of Arts Sociology nɛ History.

Pɔlitiks Nanja anɛ ma’asim tiig na’adɔɔg la nid. Yʋʋm tusa ayi nɛ piinɛ ayi la nii, o zi’en ma’asim tiig la nɔba zugu nya’a Atebubu Amantim na’am kʋk la ka di, paas wadmaanib banɛ paas ayuobʋ daan la. Nidib tusa pistan nɛ anaasi, kɔbis naasi nɛ piinɛ yinne da vɔɔt ka o nyɛ tusa piinɛ Ayuobʋ, kɔbis wai nɛ pisyuobʋ nɛ anaasi, kɔbiga pʋʋgin o da nyɛnɛ pisnaasi nɛ awai du’al pistan. Sanja Nanja da pʋ nyaŋi di o kʋk la yʋʋm tusa ayi nɛ piinɛ ayuobʋ vɔt la, ka di yinɛ teŋ la kpɛɛmnami da guoe o ye kʋ nyaŋi zi’en la. Guor la yinɛ ban da zɛrig o ye o tʋ’ pu’a na’ab walis zug la. Zin’ibanɛ ka o tʋm wadmaanib yin la Nanja anɛ onɛ paas wadmaanib banɛ gɔsid wada tʋʋma yɛla la. O mɛ daa paas banɛ gɔsid tam nɛ tiis yɛla la. Tʋʋma O da anɛ pa’an Atebubu Senior High School la ni, o da lɛn an sakur Na’asaara kpɛɛm ya’as. O da aan Atebubu Diisi 2009-2013. O anɛ onɛ nɔŋ gbaʋŋ zamisʋg yɛla hali.

wp/kus/Sanja Nanja/Agurwin Isaac (talk) 22:45, 1 May 2023 (UTC)

claimed Agurwin Isaac (talk) 22:45, 1 May 2023 (UTC)