Talk:Wp/btm/Sampuraga

Sampuraga salah sada carito ni masyarakat na adong di Mandailing Natal, carito Sampuraga adong dua versina. naparjolo versi na marasal sian Suku Dayak tomun, daerahna kabupaten Lamandu Provinsi Kalimantan Tengah, Indonesia. Di Lamondu Legenda Bukit Sampuraga marcarito tentang sada anak na durhaka tu umakna dohot gara-gara ni ima ia kona kutuk manjadi bukit batu. Sada bukit namirip songon kapal buruk na hancur dung i mamambatu di desa Karang Besi, Kabupaten Lamandau, tempatna dua kilometer sian topi ni batang aek Belantikan, diguari pandapot ni legendaon Bukit sampuraga, sonima guar ni wisata Pemerintah Kabupaten lamandau on, i yakini halai mamiliki bagian dek dot layarkapal Sampuraga. Carito ni masyarakat na mirip dohot kisah ni malin kundang sian padang on mampunai versi na paduana, lobi terkenal di Indonesia, idiama disi legenda kolam Sampuraga sian daerah Mandailing Natal, Sumatera Utara. soni juo dohot Legenda Batu Bangkai sian Kalimantan Selatan.

Legenda Kolam Sampuraga versi Mandailing Natal

Sampuraga Salah sada carito na diwariskon turun temurun di Mandailing Natal. Najolo, sampuraga dohot umak nia tinggal di kampung sirambas, kec. Panyabungan Barat, Mandailing Natal. Keadaan ni alai sangat miskin di tempat i, sahinggo si sampuraga markainginan giot maranto get marubah nasib ni keluarga nialai. ia inda giot ia karejo nia na mambuat soban sajo satiop ari. Ia giot manjadi alaklai na mambayangkon masa depan na corah. Satorusna ia marniat get kehe maranto dohot mangido izin tu umak nia na mandung matobang i. Sampuraga maninggalkon orangtua nia dohot linangan ni ilu nimata. marjanji ia giot mambantu keadaan ni umak nia molo madung marhasil ia tokkin nai. Umak nia na sedih ma tarida, baen na si sampuragaon anak sisada-sada nia mia. Dipataru umak nia ma ia saat get berangkat anak sisada-sada nia i dohot aek ni mata.

Sampuraga kehe Maranto

Sampuraga manoruskon pardalan nia dohot loja na torus-manorus ro. Sakian onok ia mardalanan, sampe mada ia tu Pidelhi (sannari Pidoli), maradian ia di kampung i satongkin. dung i di lanjutkon ia pardalanan nia tu Desa Sirambas. Waktu i Sirambas di Pimpin sada raja na marguar Silanjang (kerajaan Silancang). Di tempat on ma si sampuraga karejo keras, harana karejo keras on kebiasaan nia mulai do sian menek. Raja i pe tartarik tu si Sampuraga giot pakawinkon ia tu boru nia. waktu i nasonang ma dilala si Sampuraga mabege carito i. Adong ma maksud ni raja on mambaen pesta nagogang, sude raja na adog di sekita Mandailing Natal di undang ma. Waktu i umak nia na sangat lungunna tu anak nia on. Si Sampuraga ma magodang maginjang dohot martamba dewasa gok parubahan di parobanan nia. Ia inda be anak na miskin songon najolo. ia manjadi anak na kayo rayo dohot manjadi sada raja.

Durhako ni sisampuraga

Waktu acara horja dapot, roma umak nia tu pestaon marharop bisa marsuo dohot anak nia on si sampuraga sacopatna. Tai na tarjadi marbeda, si Sampura inda mangakui i umak nia. Sampuraga madokon "He anak boru tobang, inda umak kandungku ho! Madung maninggal do umakku. ke ho!!!" Sampuraga inda paduli dohot tangis dohot sedih ni umak nia. Umak nia pe kehe sambil mamohon Sambil mangido doa tu Allah SWT. Sampuraga di kutuk umak nia, dohot durhako nia inda lain harani harto. di peras umak nia air susu nia, Sampuraga lupa bahaso ia unjung disusui umak nia. Atas kuaso Ni Allah SWT, ro ma badai tibo-tibo. di sekitar tempat ni bagas ni raja on, tarjadi ma banjir, dohot bagas ni raja on di oban aek. Sampuraga bonom dohot tempat i mandi sumbur aek milas. Ima na dikenal aek milas Sampuraga di desa Sirambas.

Sumberna

"Sampuraga". www.madina.go.id. Diakses tanggal 2012-10-28. "Kabupaten Mandailing Natal". www.depdagri.go.id. Diakses tanggal 2012-10-28. www.madina.go.id www.depdagri.go.id