Incubator: Avase na mẹlẹpo
Wikimedia Incubator yin nọtẹn internet tọn he hùndonuvò de na mẹlẹ po pipli lẹ po he ze yede jo nado wleawuna asisa nudọnamẹ tọn voovo lẹ. Aliho he mẹ azọ́n lọ yin awuwiwlena te zọn bọ medepope he sọgan penugo bo yi intẹnẹt zan wẹ sọgan diọ nuhe e bẹhẹn lẹ. Jaale hẹn ẹn do ayiha mẹ dọ e mayin nuhe a mọ tofi lẹpo wẹ ko yin zizepọ́n gbọ̀n azọnyọnẹntọ he do nukununumọjẹnumẹ he pegan nado nawe nudọnamẹ he sọgbe, pegan kavi yin jidedego lẹ.
Nọtẹn ehe yin nọtẹn tẹnpọn tọn de na nudọnamẹ he sọgan wa yin alọkẹyi lẹ, podọ Wikimedia ma sọgan vọjidenamẹ gando nugbo-yinyin nudọnamẹ he na yin mimọ tofi lẹ tọn. Nuhe adà de bẹhẹn sọgan ko yin didiọ to madẹnmẹ, yin hunhẹn wlú kavi ko yin hunhẹn vántán gbọn mẹde he sin pọndohlan gbọnvo do nuhe yin kinkandai to ofi tangan lẹ.
Ohia ajọ́ tọn lẹ
Ohia ajọ́ tọn lẹ, alọnuzọ́n tọn lẹ, nubẹplidopọ tọn lẹ kavi ohia jlọjẹ wunmẹ depope tọn he yin nudego, yin zinzan kavi yin alọdlẹndo to weda lẹ mẹ yin nutindo mehe ze ye dai lẹ tọn titi. Dọ ye yin zinzan tofi ma dohia dọ a sọgan yi ye zan na lẹndai devo depope gbọnvona lẹndai dowhenu tọn lọ kavi dehe tindo nudọnamẹ wunmẹ dopolọ hẹ wekantọ dowatọ adà ehe lẹ tọn to tito alọyinamẹ GFDL tọn glọ. Adavo eyin e yin didohia dọ e ma yinmọ́ nọtẹn Wikimedia tọn lẹ ma kẹalọyi kavi ma nọgodona mẹhe tindo jlọjẹ mọnkọtọn lẹ de podọ na enẹ wutu Wikimedia ma sọgan nagbe mẹde nado yi depope zan adavo ye yin dehe ko yin hihọ basina lẹ. Nutindo he ma tindo dodonu dolido kavi onú mọnkọtọn lẹ zinzan sọgan ze we do owu mẹ.
Osẹ́n po gbesisọ godonọnamẹ osẹ́n tọn po
Zinzin nudọnamẹ he yin mimọ to nọtẹn Wikimedia tọn lẹ ji jẹgbonu sọgan yin sẹnhẹngba Otò-gbó lọ tọn kavi e sọgan yin osẹ́n de to fie a to nudọnamẹ lọ pọ́n te. Nudọnamẹ Wikimedia tọn lẹ yin sisẹ̀do do Nudọnamẹsẹ̀dotẹn lẹ ji to Amẹlika, podọ yé yin hinhẹn do alọdlẹndonu hihọ basinamẹ he go yè pe to osẹ́n togbó tọn lẹ glọ. Osẹ́n he to oto towe mẹ sọgan nọma nọgodona kavi yigbe na hodidọ kavi vọ́kan wunmẹ dopolọ lẹ. Wikimedia ma nọgodona sẹnhẹngba wunmẹ depope; podọ ma na dọgbe sẹnhẹngba wunmẹ depope tọn, eyin a yi ṣáká nọtẹn mọnkọtọn de dopọ, yi i zan, vọ awuwlena ye kavi vọ nudọnamẹ he e bẹhẹn de zinjẹgbonu. Awanu taun na whenu towe he a yido sanvọ́ nado hia weda ehe, podọ jaale, duvivi nọtẹn Wikimedia Incubator tọn lọ yiyizan lóo.