Wq/pnb/رکھ
- جیہڑا اک رکھ لاندا اے اوہ آس لاندا اے
- لوسی لارکم
- کلے رکھ اگر اگن اوہ تکڑے اگدے نیں
- ونسٹن چرچل
- رکھ کنا وی اتے چلا جاوے پتے ڈگ کے جڑ والے آندے نیں
- ملائی اکھان
- اپنے سینے چ اک رکھ ہرا رکھو خورے کوئی گاندا پنچھی آجاوے
- چینی اکھان
- محبت بنا جیون پھل فروٹ بنا رکھ وانگوں اے
- خلیل جبران
- اَنبر وَل
ایہہ رُکھ جو دھرتی دا سوہن جمدے
ایہہ رُکھ جو ماڑے دی آس ورگے
ایہہ رُکھ جو سفراں دا حوصلہ وی
ایہہ رُکھ جو ماواں دے قیاس ورگے
جدوں وی ایہناں دی چھاں دے وچوں
کدی میں سُکھ جے پھرولو بننا
جو مان ہڈکاں دی تک دا ہایا
اوہ سِکدی کُکھ جے پھرولُوبننا
ایہہ کھٹّی سپنی جو مُڈھوں لا دی
نکُھٹّی چھانواں دی جَمدی وَیری
جو کُکّھاں سُکھّاں دے راگ چھوون
ہے اوہناں ماواں دی جمدی وَیری
ایہہ سَپنی گھتی ہنیر واندی
ایہہ نہ وی جمدی تے گھاٹاکیہ ہا
اج ایسے کڑمی دے زَہری ڈنگاں
دے نال پئے نیں جو وِجھّے پوٹے
ایہہ میرے ہتھاں دے چھجّے پوٹے
جو اُنگلیں آلیاں ننگیاں بُکلاں
ایہہ میرے دُکھاں دے رنگیاں بُکلاں
جنہاندے اوہلے نہ ہویاں ورگے
ایہہ پاٹے چولے نہ ہویاں ورگے
سدوں ہناندے ای ننگے اوہلے
تے میتھوںلکن دا چارا کردے
نہیں کڑمے جھٹ دا وی کارا کردے
ایہہ میرے ہتھاں دے روندے پوٹے
کِنانہہ گَرِیباں دی چھت دے وانگوں
ایہہ مِینہاں باجھوں وی چوندے پوٹے
ایہہ پوٹے کیوں انج ہنیرے واندے
جے پچھاں میں تے ایہہ آکھدے نیں
کوئی ہور واہرو ونگار پاہلوں
توں کَھٹی سپنی نوںمار پاہلوں
اوہ اگلی کیتی وسار بیٹھا ایں
جو ساتھے بِیتی وِسار بیٹھا ایں
اجے نہیں ساڈی اوہ وِ س وی لتھی
اجے نہوں ساڈے اوہ پَھٹ وی گُھلّے
ایہہ مر وی جاوے تے گھاٹا کیہ اے
ایہہ کڑمی گھتی ہنیر واندی
کوئی تاں پھدھ کے چا گلما پچھے
کدی کدائیوں جے اوہنوں ٹکرے
ایہہ کڑمی سُکھاں دی وَیری کیوں ایں
ایہہ ساوے رُکھاّں دی وَیری کیوں ایں
جے موت ساول نوں آگئی تے
- رائےمحمد خان ناصر