Wq/ne/सुरक्षा पन्त

सन् २०१९ मा पन्त

सुरक्षा पन्त एक नेपाली अभिनेत्री तथा मोडल हुन्।

कथनहरू

• पढाइ र काम फरक विधा हो। सोच्ने शैली पनि अत्यन्तै भिन्न हुन्छ। पढाइमा सिकेको ज्ञान, सीप र शैलीलाई अभिनयमा उतार्ने कोसिस गरिरहेकी हुन्छु।
  • "‘आफ्नो नियम आफैं बनाउनुपर्छ’", अन्नपुर्ण पोस्ट, २०७६ जेठ २९।

• पहिले कामको व्यस्तता बुझेर कहिलेकाहीँ मात्र फोन गर्नु हुन्थ्यो। अब यो समयमा छोरी एक्लै हुँदा नगर्ने कुरा आउँदैन। त्यसमाथि भक्तपुर क्षेत्रतिर कोरोना संक्रमण फैलिएको खबर सुनेर आत्तिनुभएको छ। समाचार सुनेको दिनदेखि दिनमा एकचोटि फोन गर्नु हुन्छ।
  • "सुरक्षा पन्त भन्छिन्ः म एक्लै छु भनेर आमा पिर गर्नुहुन्छ, दिनकै फोन आउँछ", सेतोपाटी, २०७७ जेठ १२।

• कान्स फिल्म फेस्टिभल २०२२ मा जाँदैछु। सबैभन्दा पहिला त जानको लागि जुन दौडधुप गर्नुपर्छ त्यो दौडधुपमा मसँगै दौडिने सहयोगी साथीहरुलाई माया अनि सम्मान छ। केही समयअघि एउटा अन्तर्राष्ट्रिय फिल्ममा एउटा पात्रको रुपमा काम गर्ने मौका जुरेको थियो। त्यही फिल्म द एइट माउन्टेन्सको केही अंशको छायांकन नेपालको मनाङमा गरिएको थियो। उक्त फिल्म कान्सको मुख्य प्रतिस्पर्धामा छानिएको खबर पाएसँगै निमन्त्रणा आयो अनि जाने तय गरेँ।
  • "कान्समा जाँदै सुरक्षा पन्त", कान्तिपुर, २०७९ जेठ ३।