Wp/yua/Popol Vuh

Le t’áan Popol Vuh (wa Popol Wuj) taakpaja’an ti’ u t’aanilo’ob k’iche’: Popol u k’aat ya’ale’ muuch’táanbal, kajtal, najil, lóottambal, yéetel Wuj u k’aat ya’ale’ aanalte’.

Le Popol Vuh (u k’aaba’ k’iche u k’eext’anta’al tuun beey: u aanalte’il tsoolxikin wa xan aanalte’il ti’al kajtal) lela’ jump’éel lóottambalil ya’abkach tsíikbalo’ob ti’ k’iche’ u kajtalil u miatsil maaya jach seenkech ya’abo’ob ti’ u lu’umil Guatemala. Le aanalte’a’ yaan u yóolalil paachil ba’axo’ob ucha’antak béey xan u kili’ich pixano’ob. Ts’o’ok u p’áatal k’aas u k’aaba’ beey nojbe’en aanalte’e’ wa xan u biblia’ maaya k’iche’ob. Jump’éel tsikbaal ku yóotik u tsool úuchik u chúunul kuuxtal yook’ol kaab, le kuxtaal yaan yéetel jejelas ba’alo’on ku yúuchulo’ob ti’ le lu’uma’.

U úuchben tsikbalil Popol Vuh

U ya’alik Fray Francisco Ximenez U yaax t’aanil tsikbalil ts’íita’ane’ méeta’ab ti’ u t’aanil K’iche’, taakbesa’an u ts’íibil alfabeto latino ti’ u chúumulkil siiglo XV, ku ya’alik leti’e’ le yaax t’aanila’ yaanchaj ti’ taakbe’ensil taak ti’ u ja’abil 1701 chéen yo’olal le maaya k’iche’ob ti’ u kajalil Santoo Tomas Chuwila (bejla’a’ Chichcastenango, Guatemala), tu ye’eso’ob u loottambalil u yúuchbe’en tsikbalo’ob yéetel u na’atil u tuukulo’ob.

Ma’ k’ajolta’an u k’aaba le máak meyajtmil le yaax táanil ts’íiba’, chen ba’ale’ Fray Francisco Ximenez ka tu yíilaj u jach k’a’ananil le ju’una’ tu yóotal u k’eex u t’aanil le ts’íiba’ ti’ u t’aanil español, ku jach jaajbe’enkunsik u yóol le ts’iiba’, u ka’ ts’íibile’ xoot’paja’an ti’ ka’ lootil: u yaaxile’ ichil u ts’íibil K’iche yéetel u la’ ka’ jatas maansaj t’aanilo’ u tia’al Ximenez, u yaax ts’íibile jump’éel k’eex t’aan mix jach uts ts’iibta’ani’ beeytuno’ je’el u xa’ak’beskeche’ yéetel ma’ sáasili’ ka ts’o’ok tune’ tu ts’íita u la’ ka’ jaats tu’ux sáasil le túukulo’ te’ túuna’ tu yooksaj u “historia de la provincia de santo Vicente de Chiapa y Guatemala” lela tu ts’o’oksaj tu jaabil 1722.