Wp/xkv/Ross Chastain
Ross Lee Chastain (yo o belegwe gka Morule e thola gane gka 1992)[1] ke mokgweetsi gka ha molaong wa rekoloi ja mabelo (Stock car racing) wa mo Amerika. O gaisana mo metseletseleng ya mabelo a kopi ya NASCAR e kgweetsa koloi ya moriho wa No. 1 Chevrolet Camaro ZL1 ya kompone ya Trackhouse Racing, gka nako yagwe o kgweetsa mo metseletseleng ya NASCAR Xfinity, e kgweetsa koloi ya moriho wa No. 91 Chevrolet Camaro ya kompone ya DGM Racing le No. 10 Chevrolet Camaro ya kompone ya Kaulig Racing, le gka nako yagwe gatshi o tjenenena metseletsele ya riteraka ya NASCAR Craftsman e kgweetsa No. 41 Chevrolet Silverado ya kompone ya Niece Motorsports. ke mogolowe mokgweetsi gkaye wa NASCAR Chad Chastain.
Kiho go jwa bonxwaneng[edit | edit source]
Chastain ye e simolola go gaisana gka mabelo a rikoloi a le ringwaga ri Leshome le boberi, kgathego yagwe ye e jwa mo go boneng ise e ratya mabelo a rekoloi le go bona balekana bagwe be gaisana[2]. Lebelo lagwe la igaya ye e le Punta Gorda Speedway, Punta Gorda mo kgaolong ya Florida[3], ha a le ringwaga ri leshome le boberi ye e gaisana mo lebelong la shelebego sha bogoogolo le mo metseletseleng ya rekgaisano ja fastruck[4]. Mbe le ona mabelo uwong mo ritseleng ja go chwana le Citrus County Speedway, Auburndale Speedway le DeSoto Speedway ye e tyabogiwa mo bageteng ye e gagameeyo, gka shethogo sha go tsholeja kiho ya ga Chastain go mo isa mankalengkaleng mo ri renkeng ja NASCAR[5] . Mo kihong yagwe ya mabelo uwa makhutshwane ya ha bona Chastain e nna mohenyi makgethyo a gka nna mashome matlhano go akaretsa le metseletsele ya mahatshehatshe ya moriho wa shegologolo ya Asphalt Stock Car Racing ye ye e chwarweye New Smyrna Speedway mbe a henya makgetho a le mararo go a le borobabobedi a metseletsele ya kgaisano[6].