Wp/vmf/Nämbercher Gwerch
Der Adigl is in Nämbercherisch gschriim.
Nämbercher Gwerch (daitsch: Nürnberger Durcheinander) is a Nämbercher Schbezialidäd, däi wou kald gessn wädd und a weng än Woschdsalood ähnln doud. Gwerch hassd suvill wäi a rechds Durchanande. A einheidlichs Rezebd gidds nämli ned, obba däi Haubdzudad is af alle Fäll a Ochsnmaulsalod. Zwar machen manche s Gwerch a miid anna Schdaddwoschd odder an Bressagg un denna an Kees, an Gurrgn un Domodn nei, obba ohne an Ochsnmaulsalod is ka echds Nämbercher Gwerch ned. Gwörzd un ogmachd wärdds Gwerch miid Essich, Öl, Zwiefln, Salz un Bfeffer, nochhäd mouss nu a boa Schdundn durrchzäing. Dazou schmeggd a Schwarzzbrood un a Seidla Hells.
Lideradur[edit | edit source]
- Charlotte Bühl: Nürnberger Gwerch. In: Michael Diefenbacher, Rudolf Endres (Hrsg.): Stadtlexikon Nürnberg. 2., verbesserte Auflage. W. Tümmels Verlag, Nürnberg 2000, ISBN 3-921590-69-8 (online).