Wp/vmf/Achala

A Achala is a Säuchedier aus där Familie fo di Hörnla (Sciuridae). Nomalerweis mahnd mär damid es normale Achala (Sciurus vulgaris). Ma sachd aber eichndlich zu alle Addn aus der Gaddung Sciurus Achala.

A normals Achala is ungfähr zwanzg bis dreißg Zendimeder lang, ann Schwôf nädd midgrechnd. Der is nuamol fuchze bis fümpfazwanzg Zendimeder lang. Es wiechd um die 200-500 Gramm. Mid seim langa buschichgn Schwôf und die Binslohrn und der roodn farb kammas eichndlich mid kamm andern Fiich in Euroba verwegsln. No ned amal mibm Grauhörnla, des wo in England eigfüürd worn is. A anders Achala außer denna zwa gibds eh ned in Euroba. A bohr Achala sin abber ah fasd schwadds. Besonners in dungle Nadlwälder gibds solche Achala.

Es Achala bewond Wälder und hubfd vor allem am Dooch umanand. Die Ahd lebd iberol im nödlichng Eurasien fo di Bridischn Insln bis zum Ginesischn Meer.

Daggsonomische Eidaalung

Underoddnung: Hörnlaverwande (Sciuromorpha)

Fammilie: Hörnla (Sciuridae)

Dribus: Baumhörnla (Sciurini)

Gaddung: Achala (Sciurus)

Add: Achala (Sciurus vulgaris), Autor: Linnaeus, 1758

Gwellenbeleech

• Dr. Josef Reichholf (1983): Steinbachs Naturführer, Säugetiere. Mosaik Verlag, Bertelsmann-Gruppe. Germany (Neue, bearbeitete Sonderauflage 1996). ISBN 3-576-10565-4

Weblingks

Wikimedia Commons has media related to:

Sciurus vulgaris