Wp/tzm/ⵛⴰⵔⵍⴻⵙ ⴷⴰⵔⵡⵉⵏ

ⵜⴰⵎⴰⴷⴷⵓⵔⵜ

ⵉⵍⵓⵍ ⴷⵉ 12 ⴱⵕⴰⵢⵔ 1809, ⵛⴰⵔⵍⴻⵙ ⴷⴰⵔⵡⵉⵏ ⵉⴳⴰ ⵡⵉⵙⵙ ⵙⵉⵏ ⵏ ⵜⴰⵔⵡⴰ ⵏ ⵓⵎⵙⴰⵙⴼⴰⵔ ⵔⵓⴱⴻⵔⵜ ⴷⴰⵔⵡⵉⵏ (1766-1848), ⵉⴳⴰ ⴰⵡⴷ ⴰⵢⵢⴰⵡ ⵏ ⴻⵔⴰⵙⵎⵓⵙ ⴷⴰⵔⵡⵉⵏ (1731-1802), ⴰⵎⴷⵢⴰⵣ ⴷ ⵓⵎⵙⴰⵙⴼⵔ ⴷ ⴰⵎⵓⵙⵏⴰⵡ ⵏ ⵜⵎⵓⵙⵜ. ⵛⴰⵔⵍⴻⵙ ⵖⵓⵔⵙ 8 ⵉⵙⴳⴳⵯⴰⵙⵏ ⵎⴰ ⵜⵎⵎⵓⵜ ⵉⵎⵎⵉⵙ, ⵙⵓⵙⴰⵏⵏⴰⵀ ⵡⴻⴷⴳⵡⵓⵓⴷ (1765-1817).

ⵜⴰⵡⵓⵔⵉ

ⵛⴰⵔⵍⴻⵙ ⴷⴰⵔⵡⵉⵏ ⵉⵙⵙⵏⵜⴰ ⵜⵉⵖⵔⵉ ⵏⵏⵙ ⵏ ⵜⵎⵙⴰⵙⴼⴰⵔⵜ ⴷⵉ ⵜⴰⵙⴷⴰⵡⵉⵜ ⵏ ⴻⴷⵉⵏⴱⵓⵔⴳ ⵉⵎⵉⴽ ⵉⴼⵍⵜ ⵉⴹⴼⵔ ⵜⵓⵙⵙⵏⴰ ⵏ ⵓⵙⴳⴷ ⴷⵉ ⵛⴰⵎⴱⵔⵉⴷⴳ. ⵎⴰⵛⴰ ⴰⵢⵍⵍⵉ ⵢⵉⵡⵉⵏ ⴰⵏⵍⵉ ⵏⵏⵙ ⵉⴳⴰⵜ ⵓⵎⵣⵔⵓⵢ ⵏ ⵜⵎⵓⵙⵜ.

ⴷⵉ ⴷⵓⵊⴰⵏⴱⵉⵔ 1831, ⵛⴰⵔⵍⴻⵙ ⴷⴰⵔⵡⵉⵏ ⵢⴰⵥ ⵉ 23 ⵏ ⵓⵙⴳⴳⵯⴰⵙ, ⵍⵍⵉⴳ ⵉⴳⴰ ⴰⵎⵙⵓⵏⴰⵡ ⵏ ⵜⵎⵓⵙⵜ, ⵉⴼⴼⵓⵖ ⵖⵔ ⴰⵎⵓⴷⴷⵓ ⴰⵎⵇⵇⵔⴰⵏ ⵉⵙⵙⵓⵜⵍ ⴷ ⵉ ⵓⵎⴰⴹⴰⵍ ⵙ ⵓⵖⵕⵕⴰⴱⵓ ⴰⵎⵇⵇⵔⴰⵏ ⵉⵜⵜⵓⵙⵙⴰⵏ ⵙ ⵡⴰⵙⵙⴰⵖ Beagle. ⴰⵙⵍⵎⴰⴷ ⵏⵏⵙ ⵊⵓⵀⵏ ⵀⴻⵏⵙⵍⵓⵡ (1795-1861) ⴰⴷ ⵜ ⵉⵙⵎⵓⵏ ⴷ ⵓⴽⴱⵉⵜⴰⵏ ⵔⵓⴱⴻⵔⵜ ⴼⵉⵜⵣⵔⵓⵢ (1805-1865). ⵛⴰⵔⵍⴻⵙ ⴷⴰⵔⵡⵉⵏ ⴷⵉ ⵡⴰⴽⵓⴷ ⴰⵏⵏ ⵉⵖⵔⴰ ⵛⵉⴳⴰⵏ ⵜⴰⵎⵓⵙⵜ, ⴷ ⵓⵔ ⵉⴼⵍ ⴽⵔⴰ ⵏ ⵜⴰⵔⵎⵉⵜ ⴳ ⵓⵎⵏⵉⴷ ⴰⴷ ⴱⵍⴰⵙⵜ ⵉⵏ ⵓⵔ ⵢⵓⵔⵎ.

ⵙⵎⵎⵓⵙ (5) ⵉⵙⴳⴳⵯⴰⵙⵏ ⴼ ⵓⵖⵕⵕⴰⴱⵓ ⵏ beagle, ⵛⴰⵔⵍⴻⵙ ⴷⴰⵔⵡⵉⵏ ⵉⵣⵣⵔⵉ ⴷⵉⵙ ⵎⴰⴷ ⵉⴳⴳⵓⵜⵏ ⴳ ⵡⴰⴽⴰⵍ, ⵉⴼⴼⵓⵖ ⴷⵉⵙ ⵙ ⵜⵓⴳⵜ ⵏ ⵜⴰⵏⵏⴰⵢⵉⵏ ⴳ ⵜⴰⵊⵉⵏⵢⴰⵍⵓⵊⵉⵜ, ⵉⵙⵎⵓⵏ ⴷⵉⵙ ⴰⵏⴰⵡⵏ ⵏ ⵉⵎⵓⴷⴰⵔ ⴷ ⵉⴼⵓⵙⵉⵍⵏ. ⵉⵙⵎⵓⵏ ⵜⵓⴳⵜ ⵏ ⵡⴰⵏⴰⵡⵏ ⴽⵔⴰ ⵉⴳⴰⵜ ⵢⴰⵏ ⴷ ⴰ ⵉⵏⵏⴰ ⵜ ⵉⵣⴷⵉⵏ ⴷ ⵡⵉⵢⵢⴰⴹ ⵙ ⵢⴰⵜ ⵜⵖⴰⵔⴰⵙⵜ ⵜⴰⵎⵙⵙⴰⵏⵜ. ⵜⴳ ⵜⵉⴼⵉ ⵏⵏⵙ ⵜⴰⵎⴰⵢⵏⵓⵜ ⵖⵓⵔ ⵎⵉⴷⴷⵏ.

ⵜⵉⴼⵔⴽⵉⵡⵉⵏ ⵏ ⵜⵓⴷⵔⵜ ⵏⵙ ⵎⵓⵏⵜ ⴼ ⵢⴰⵜ ⵜⵢⴰⴼⵓⵜ : ⴰⵎⵎⵓⴷⴷⵓ ⵏⵙ ⵍⵍⵉ ⵖ ⴷ ⵉⵙⵙⵓⵜⵍ ⵉ ⵓⵎⴰⴹⴰⵍ, ⴰⴱⴷⴷⴰⴷ ⵏⵙ ⵖ ⵜⴳⵣⵉⵔⵉⵏ ⵏ ⴳⴰⵍáⵒⴰⴳⵓⵙ (ⵣⵖ 15 ⵛⵓⵜⴰⵏⴱⵉⵔ ⴰⵔ 20 ⴽⵜⵓⴱⵔ 1835) ⵉⴳⴰ ⴰⵣⵎⵣ ⴰⵏⴱⴷⴰⴷ ⵖ ⵜⵓⴷⵔⵜ ⵏⵙ. ⵜⴳⵣⵉⵔⵉⵏ ⴰⵏ ⵏ ⵒⴰⵙⵉⴼⵉⴽ ⵢⴰⴳⴰⵏ 1 000 ⵏ ⴽⵎ ⴷ ⵜⴰⵖⴰⵔⵉⵏ ⵏ ⵎⴰⵔⵉⴽⴰⵏ ⵏ ⵉⴼⴼⵓⵙ ⵢⵓⴼⴰⵏ ⴳⵉⵙⵏⵜ ⴰⵢ ⵍⵍⵉ ⵏ ⵓⵔ ⵉⵜⴰⵎ, ⴽⵔⴰ ⵏ ⵡⴰⵏⴰⵡⵏ ⵉⴽⴽⴰⵏ ⵜⴰⵙⵓⵜⵉⵏ ⴼ ⵜⴰⵙⵓⵜⵉⵏ. ⵎⴰⵛ ⴰⵢⵍⵍⵉ ⴱⴰⵀⵔⴰ ⵢⵉⵡⵉⵏ ⵜⵉⵟⵜ ⵏⵙ ⵉⴳⴰⵜ ⴰⵢⵍⵍⵉⵖ ⵓⵔ ⵉⵔⵡⴰⵙ ⵢⴰⵏ ⵡⴰⵏⴰⵡ ⴳⵯⵎⴰⵙ ⵏⴳⵔ ⵜⵉⴳⵣⵉⵔⵜ ⴷ ⵜⴰⵢⵢⴰⴹ. ⴷⴰⵔ ⵉⴼⴽⵔⵉⵡⵏ (ⵉⴱⵓⵜⴳⵔⴰⵜⵏ), ⵜⴰⴷⴰⵡⵜ ⵉⵍⵍⴰ ⵎⴰⵖ ⵜⵙⵍⵍⵃ, ⵉⵍⵍⴰ ⵎⴰⵖ ⵜⴱⵣⴳ ⵖ ⵜⴰⵎⴰ ⵏ ⵓⵎⴳⴳⵔⴹ. ⴷⴰⵔ ⴽⵔⴰ ⵏ ⵡⴰⵢⵍⴰⵍⵏ, ⵉⴳⴳⵓⵜ ⵎⴰⵖ ⵏⴳⴰⵔⴰⵏ, ⵉⵖⵯⵏⴱⴰⴱ ⵏⵙ ⵏⴰⵃⵢⴰⵜⵏ ⵣⵖ ⵜⵉⴳⵣⵉⵔⵜ ⴰⵔ ⵜⴰⵢⵢⴰⴹ.

ⴰⵢⵍⵍⵉⵖ ⵢⵓⵔⵔⵉ ⵙ ⵉⵏⴳⵍⵉⵣ, ⴰⵎⵙⵙⴰⵏ ⵏⵖ ⵉⵔⵖⴰ ⵉⵅⴼ ⵏⵙ. ⵉⵎⵎⴰⵖ ⴰⴷ ⵉⵙⴳⴰⴷⴷⴰ ⵉⵙⵡⵉⵏⴳⵉⵎⵏ ⵏⵙ. ⴽⵔⴰ ⵉⴳⴰ ⵜ ⵢⴰⵜ ⵖ ⵜⴰⵏⵏⴰⵢⵢⵉⵏ ⵏⵙ ⴰⵔ ⵜ ⵜⴳⵍⴰⵢ ⵙ ⵢⴰⵜ ⵜⵙⵡⵉⵏⴳⵜ : ⴰⵏⴰⵡⵏ ⴰⴽⵯ ⵏ ⵉⵎⵓⴷⴰⵔ ⴰⵔ ⴱⴷⴷⴰ ⵜⵏⵉⴼⵉⵍⵏ ⵉⵎⵉⴽ ⵙ ⵉⵎⵉⴽ, ⵜⴰⴼⵔⴽⴰ ⵙ ⵜⴼⵔⴽⴰ. ⵖ ⵓⵎⵏⴰⴷ ⵏⵙ ⴰⵢⵍⵍⵉⴷ ⵢⵉⵡⵉⵏ ⴰⵙⵏⵉⴼⵍ ⴰⴷ ⵉⴳⴰⵜ ⵉⵣⴷⴰⵢⵏ ⵉⵍⵍⴰⵏ ⵖ ⵜⵎⵓⵙⵜ ⵏⴳⵔ ⵡⴰⵏⴰⵡⵏ, ⵎⴰⵎⵏⴽ ⵙⴰ ⵉⵣⵔⴰⵢ ⵢⴰⵏ ⵏⵙⵏ ⵙ ⵡⴰⵢⵢⴰⴹ ⵉⴳ ⵢⴰⵏ ⵢⴰⴹⵏⵉⵏ.

ⴰⵡⴰⵍ ⵏ ⵓⴼⵍⵍⴰ, ⴰⵏⴰⵡⵏ ⴰⵔ ⴱⴷⴷⴰ ⵜⵏⵉⴼⵉⵍⵏ, ⴰⵛⴽⵓ ⵉⵎⵔⴰⵙⵏ ⵖ ⴷ ⵏⵜⵜⵏⵉⵏ ⴰⵔ ⵜⵏⵉⴼⵉⵍⵏ, ⵜⴰⵡⵉⵍⴰ ⵍⵍⵉ ⵣⵣⵉⴹⵔⵏ ⵉ ⵉⵣⵎⴰⵣ ⵉⵎⴰⵢⵏⵓⵜⵏ ⴽⴰⴷ ⴷ ⵉⵜⵖⴰⵎⴰⵏ, ⵎⴰⵢⴰⵏ ⴰⴼⴰⴷ ⴱⴷⴷⴰ ⵜⵜⴳⵓⵔⵓⵏ ⵡⴰⵏⴰⵡⵏ ⵢⴰⴹⵏⵉⵏ ⴰⴼⵓⴹⵏ ⵡⵉⵢⵢⴰⴹ. ⵎⴰⵛ ⵜⴰⵙⵡⵉⵏⴳⵎⵜ ⵉⵙⵓⴳⵔⵏ ⴷⴰⵔ ⴷⴰⵔⵡⵉⵏ ⵜⴳⴰⵜ ⵎⴰⵙ ⵉⴼⵍⵙ ⵎⴰⵙ ⴷ ⴰⵏⴰⵡⵏ ⴰⴽⵯ ⴷⴰⵔⵙⵏ ⵢⴰⵏ ⵓⵙⴰⵍⴰ, ⴷ ⴽⵔⴰ ⵉⴳⴰⵜ ⵢⴰⵏ ⴳⵉⵜⵙⵏ ⵉⴼⴼⴰⵖⴷ ⵖ ⵡⴰⵢⵢⴰⴹ.

ⵖ ⵓⴳⴳⴰⵔ ⵏ 20 ⵏ ⵓⵙⴳⴳⵯⴰⵙ ⴰⵖ ⵉⵟⵟⴼⴰⵔ ⴷⴰⵔⵡⵉⵏ ⴰⵔ ⵉⵙⵎⵓⵏⴰ ⵉⴳⵣⵎⴰⵏ ⵏ ⵜⵙⵡⵉⵏⴳⵜ ⵏⵙ, ⵓⵔ ⴷ ⵉⵙⵙⵓⴼⵖ ⴽⵔⴰ ⵏ ⵓⴷⵍⵉⵙ ⴰⵛⴽⵓ ⵉⴼⵔⴽ ⵉⵙ ⵔⴰⴷ ⴼⵍⵍⴰⵙ ⵢⵉⴳⵓⵜ ⵡⴰⵇⵇⵓⵔ, ⴷ ⵉⵔⴰⴷ ⵉⴳⵓⵜⵏ ⵉⵙⵢⴰⴼⴰⵜⵏ ⵀⵔⵛⵏⵉⵏ ⴼ ⵜⵙⵡⵉⵏⴳⵜ ⵏⵙ.

ⵖ 1858, ⵢⴰⵏ ⵓɛⵔⵔⵉⵎ ⴰⵎⵙⵙⴰⵏ ⵏ ⵜⵎⵓⵙⵜ, ⴰⵍⴼⵔⴻⴷ ⵡⴰⵍⵍⴰⵛⴻ (1823-1913), ⵢⵓⵣⵏ ⵉ ⴷⴰⵔⵡⵉⵏ ⵢⴰⵏ ⵓⴹⵔⵉⵙ ⵎⵥⵥⵉⵏ ⵢⴰⵥⵥⵏ ⵉ ⵉⵙⵡⵉⵏⴳⵉⵎⵏ ⵏⵙ ⴼ ⵓⵙⵏⵉⴼⵍ ⵏ ⵡⵏⴰⵏⵡⵏ. ⴷⴰⵔⵡⵉⵏ ⵉⴷⴷⵀⵛⵔ. ⴰⵔ ⵉⵙⵎⴽⵉⵍⵉⵍ ⵉⵙⵡⵉⵏⴳⵉⵎⵏ ⵏⵙ ⴰⵢⵍⵍⵉⵖ ⵜⵏ ⵣⵔⵉⵏ ⵡⵉⵢⵢⴰⴹ. ⵉⵖ ⵉⵔⴰ ⴰⴷ ⵉⴳ ⴰⵎⵣⵡⴰⵔⵓ ⵙ ⵎⴰⵏ ⴰⵏⴰⵡ ⴰⵏ ⵖ ⵉⵙⵡⵉⵏⴳⵉⵎⵏ ⵉⵍⵍⴰ ⴼⵍⵍⴰⵙ ⴰⴷ ⴼⵍⵍⴰⵙⵏ ⵉⵙⵙⵓⴼⵖ ⴽⵔⴰ ⵏ ⵓⴷⵍⵉⵙ ⵖ ⵎⴰⴷ ⵢⴰⵣⵏ.

ⵖ 24 ⵏⵡⴰⵏⴱⵉⵔ 1859, ⵜⵀⴻ ⵓⵔⵉⴳⵉⵏ ⵓⴼ ⵙⵒⴻⵛⵉⴻⵙ (ⴰⵙⴰⵍⴰ ⵏ ⵡⴰⵏⴰⵡ) ⵢⵓⴳⴳⴰ ⴷ ⵙⵓⵍ. ⴰⵢⵍⵍⵉ ⴷ ⵉⴹⵉ ⵏ ⵉⴷⵍⵉⵙⵏ ⵉⵏⵣⴰ ⵖ ⵡⴰⵙⵙ ⴰⵎⵣⵡⴰⵔⵓ, ⵎⵇⵇⴰⵔ ⴳⴳⵓⵜⵏ ⵡⵉⵍⵍⵉ ⵔⴰⵏ ⴰⵜ ⵉⵕⵥ. ⵉⵙⵡⵉⵏⴳⵉⵎⵏ ⵏ ⴷⴰⵔⵡⵉⵏ ⴼ ⵓⵙⵏⵉⴼ ⵙⴱⵣⵣⵉⵣⵏ ⵉⵅⴼⴰⵡⵏ ⵏⵙⵏ.

ⵜⴰⵙⵡⵉⵏⴳⵜ ⵎⴰⵙ ⵏⵙⵙⴰⵔ ⵢⴰⵏ ⵓⵥⵓⵔ ⴷ ⵉⵣɛⴹⴰⴹ ⵎⵇⵇⵓⵔⵏⵉⵏ ⵜⵍⵓⵣⵣⴰ ⴱⴰⵀⵔⴰ ⵎⴰⴷ ⵉⴼⴼⴰⵖ ⵓⵙⴰⵍⴰ ⵏ ⵡⴰⵏⴰⵡⵏ. ⵣⵖ ⴰⵙⵙ ⴰⵏ ⵜⴰⵙⵡⵉⵏⴳⵜ ⵏ ⵓⵙⵏⵉⴼⵍ ⵏ ⵡⴰⵏⴰⵡ ⵏ ⵓⴼⴳⴰⵏ ⴰⴷ ⵉⵣⵣⵉⵡⵉⵣⵏ ⴰⵏⵍⵉⵡⵏ. ⵎⴰⵎⵏⴽ ⴰⵙ ⵏⴳⴰ ⴰⵢⵍⵍⵉ ⵏⴳⴰ, ⴰⵙⵙ ⴰⴷ ?

ⵛⴰⵔⵍⴻⵙ ⴷⴰⵔⵡⵉⵏ, ⵜⵉⵙ ⵙⵏⴰⵜ ⵜⵉⴽⴽⴰⵍ ⴰⵔ ⵉⵜⵎⵛⵉⵡⵡⵉⵔ ⴰⴼ ⴰⴷ ⴷ ⵉⵍⵓⵃ ⵉⵙⵡⵉⵏⴳⵉⵎⵏ ⵏⵙ. ⵖ ⵜⴳⵉⵔⴰ, ⵜⵀⴻ ⴷⴻⵙⵛⴻⵏⵜ ⵓⴼ ⵎⴰⵏ (ⴰⵙⴰⵍⴰ ⵏ ⵓⴼⴳⴰⵏ) ⵢⵓⴳⴳⴰ ⴷ ⵖ 1871. ⴰⵔ ⵏ ⴳⵉⵙ ⵏⵜⵜⴰⴼⴰ ⵙ ⵢⴰⵜ ⵜⵖⴰⵔⴰⵙⵜ ⵉⴼⵔⵔⵣⵏ ⵜⵉⴼⵔⴽⵉⵡⵉⵏ ⵎⵇⵇⵓⵔⵏⵉⵏ ⵍⵍⵉ ⵉⴼⴽⴰⵏⵉⵏ ⴰⴼⴳⴰⵏ ⵏ ⵡⴰⵙ ⴰⴷ ⵍⵍⵉ ⵉⵜⵜⵉⵙⵙⴰⵏ ⵙ ⵀⵓⵎⵓ ⵙⴰⵒⵉⴻⵏⵙ. ⵖⵉⴽ ⵍⵍⵉ ⵙ ⵉⵜⵜⵉⵎⵖⵓⵔ ⵉⵅⴼ ⴷ ⵓⵏⵍⵉ, ⵖⵉⴽ ⵍⵍⵉ ⵙ ⴰ ⵉⵜⵜⴰⵖⵯⴷ ⵉⵥⴷⵉⵢ ⴷ ⵜⴰⵡⴰⴷⴰ ⵉⴳⴰⴷⴷⴰⵏ ⵙ ⵙⵉⵏ ⵉⴹⴰⵔⵏ ⴳⴰⵏ ⴷⴰⵔⵙ ⵉⵎⴰⵔⵏⵓⵜⵏ ⵓⵏⵚⵉⴱⵏ.

ⵉⵎⵎⵓⵜ ⵛⴰⵔⵍⴻⵙ ⴷⴰⵔⵡⵉⵏ ⵖ 19 ⴰⴱⵔⵉⵍ 1882, ⴰⴼⴰⴷ ⴰⴷ ⵙⵙⵉⵎⵖⵓⵔⵏ ⵜⵉⵃⵔⵛⵉ ⵏⵙ ⵉⵜⵜⵓⵎⴹⴰⵍ ⵏ ⵖ ⵡⴻⵙⵜⵎⵉⵏⵙⵜⴻⵔ ⵖ ⵜⴰⵎⴰ ⵏ ⵓⵙⵎⴹⵍ ⵏ ⵏⴻⵡⵜⵓⵏ