Wp/tig/ነፈር ፍቱይ

ነፈር ፍቱይ

ነፈር ፍቱይ ወክሉ ለቀብሉ፡ ህቱ ምስል ክሎም እትለ ባኩ ለህለው እግል ልትፋሀም ወእግል ልትዓመል ለቀድር ነፈር ቱ። ወእብለ ገበይ እለ ህቱ ናይለ ገብአ ነፈር ሰዳይት ወአፍካር ከስብ። ወሀገጊቱ ክል ዶል ርሕ ለትፈትዩ ወደለ ቀርበዩ ለፈትዩ ነፈር ቱ። ከምስጢር ናይ ክም እሊ መስል ፍቱይ አደብ ከፎ ክም መስል ንርኤ፣

1. ደማነት ነፍስ ደማነት ነፍስ ምን ቅያስ ወለዐል አሀምየት በ። ከናይ ብዕዳም ደማነት እግል ትርከብ ገብአከ ምን ገብእ፡ እት ሰልፍ ክሉ ደማነት ነፍስከ አግል ተአክድ፡ ወእተ እሎም ብከ ቅድራት ወእምካናት ደማን ዐቢ እግል ለሀሌ እግልከ ለአትሐዜ።

2. በዐል አማነት ግበእ ናይ አማን ወድቅብት ዕላቀት ለመልክ ነፈር፡ እሊ ነፈር እሊ እብ አማን ነፈር ፈዳብ ቱ ወሕሽመት ተአስትህሉ። ከአማነት እት ሸክስየትከ ሰኒ አሀምየት ለበ ጠቢዐት ተ። ወእት ልብ ብዕዳም አካን ዐባይ ተአጸብጠከ.. እንተ ዓይለትከ ልግቡእ መመሳኒትከ እብ አማነት ትታለዮም? ከእለ ምን ገብእ እንተ ነፈር ምልተዝም ሰበት እንተ፡ ክሉ እግል ልእመነከ ተአስትህል።

3. ሕዋሌ ምስል ክሉ ሕዋሌ እብ ቀልብከ. .ሕዋሌ እብ መዋዲትከ፡ ወክል ዶል እግል መሳኒትከ እት ባኮም እግል ተሀሌ ብዲብከ ወገሌ መሻክል እተ ሳድፎም እቱ ሰዳይትከ እግል ትመጥዮም ብእትከ። ከእግል ኡስረትከ ልግበእ መመሳኒትከ ለትመጥየ ሰዳይት እንታመ ሰዳይቶም ክም ትረክብ ትወዴከ።

4. ሐሸሞት መዋዒድ ምነ እሉ ዋዲ ዐልከ መዋዒድ ሐቆ ትትአከር፡ ወሐቆ ኢተአልተዝም እቡ፡ እሊ በህለት እንተ እግለ ምስሉ ዉዑድ ዐልከ ነፈር ሕሽመት አለብከ በህለት ቱ፡ ወእለ ህዬ ሐቴ ምነ ሰኒ ምዝዕጃት ላተን ጠባዬዕ ተ። ከሕነ ክመ ብዕዳም እግል ለሐሽሙነ ለንታከዮም፡ ሕናመ ብዕዳም እግል ንሐሽም ወጅበነ። ከምነ ሰኒ ፍቱያም ላቶም ወከብቴ እብ ብዕዳም ለቦም አንፋር እግል ትግበእ ተሓዜ ገብአከ ምን ገብእ፡ መዋዒድከ ሐሽም።

5. መትመላክ እት ነፍስ እሊ ሰኒ ምህም ላቱ ጋር ቱ፡ በህለት ብዝሓም አንፋር ህለው ምስል አዳም እተ ልትዓመሎ ዲቡ አውቃት፡ ዐሰብየት ወብዞሕ መሳድድ ለለአርኡ። እሊ ህዬ እተ ምስል ብዕዳም ለቦም ቱ ዕላቃት ታእሲር ወዴ ወመሻክል ለአመጽእ። ከለገብአ ነፈር ነፍሱ አክል ሕድ እግል ልምለክ እነሴሕ፡ ወእሊ ሰኒ ምህም ጋር ሰበት ቱ፡ ምስል መሳኒትከ ወዓይለትከ እተ ተሀድግ እቱ እዋን፡ እብ ገበይ ዕግልት ወገጽ ባርህ እግል ልበእ ለአትሐዜከ።

6. እት ቆልከ ስበት ሕሽመት ብዕዳም እግል ትርከብ ክልዶል እት አቅዋልከ ስበት፡ ወለእሉ አቴከ ገለድ እት ዐመል ተርጅሙ፡ ወእት ቆልከ ስበት። ከቆል ገለድ ሰበት ቱ፡ ክል ዶል ገለድከ እግል ትነፍዝ ወኖስከ ርሕከ ለጸዐንካሁ ጾር እግል ትርፈዕ ብዲብከ። እሊ ህዬ ክሎም እት ባከ ለልትረከቦ አንፋር ክም ለአምኑከ ወለሐሽሙከ ወዴ።