Wp/tdd/ᥘᥣᥭᥰ ᥖᥭᥰ ᥘᥫᥴ

ᥘᥣᥭᥰ ᥖᥭᥰ ᥘᥫᥴ = ᥘᥤᥐ ᥖᥭᥰ ᥘᥫᥴ ᥞᥩᥒᥳ ᥘᥤᥐ ᥗᥭᥰ ᥘᥨᥒᥴ ᥙᥩᥖᥴ ᥘᥫᥴ,ᥙᥥᥢ ᥘᥤᥐ ᥗᥭᥰ ᥘᥨᥒᥴ ᥙᥩᥖᥴ ᥘᥫᥴ ᥕᥧᥱ ᥘᥬᥰ ᥐᥣᥙ ᥛᥣᥢᥲ ᥙᥣᥢ ᥛᥫᥒᥰ ᥐᥝᥱ ᥘᥤᥐ ᥘᥣᥭᥰ ᥟᥝ ᥛᥪᥰ ᥕᥤᥙᥴ ᥙᥤᥲ ᥖᥦᥛᥲ ᥑᥣᥢᥱ ᥙᥭᥱ ᥘᥦᥐ ᥘᥣᥭ ᥐᥣᥭᥰ ᥙᥦᥢᥰ ᥘᥢᥳ ᥓᥥᥛ ᥛᥫ ᥓᥝᥳ ᥙᥩᥰ ᥕᥧᥒᥱ ᥓᥬᥳ ᥖᥪᥰ ᥛᥣᥰ ᥕᥝᥳ.ᥝᥣᥭᥰ ᥔᥥᥴ ᥖᥥᥱ ᥖᥒᥲ ᥖᥫᥒᥰ ᥓᥨᥒ ᥑᥩᥲ ᥕᥫᥢᥳ ᥛᥤᥢᥳ ᥐᥧᥒᥱ ᥑᥫᥝᥱ ᥐᥨᥝᥲ ᥘᥢᥳ ᥘᥣᥭᥰ ᥖᥭᥰ ᥘᥫᥴ ᥐᥝᥱ ᥐᥩᥰ ᥘᥭᥲ ᥐᥣᥭᥰ ᥙᥦᥢᥱ ᥘᥦᥐ ᥘᥣᥭ ᥘᥣᥭᥰ ᥖᥭᥰ ᥘᥫᥴ ᥛᥬᥱ ᥐᥩᥳ ᥖᥒᥰ ᥘᥣᥭᥰ ᥖᥭᥰ ᥘᥫᥴ ᥐᥝᥱ ᥘᥢᥳ ᥐᥦᥢᥱ ᥙᥦᥐᥱ ᥐᥢ ᥐᥣᥱ ᥞᥦᥒᥰ ᥖᥥᥳ ᥖᥥᥳ.ᥘᥣᥭᥰ ᥖᥭᥰ ᥘᥫᥴ ᥐᥝᥱ ᥘᥦᥐ ᥘᥣᥭ ᥐᥣᥭᥰ ᥙᥦᥢᥱ ᥙᥥᥢ ᥘᥣᥭᥰ ᥖᥭᥰ ᥘᥫᥴ ᥛᥬᥱ ᥛᥣᥰ ᥘᥢᥳ ᥘᥣᥭᥰ ᥖᥭᥰ ᥘᥫᥴ ᥐᥝᥱ ᥘᥢᥳ ᥐᥩᥰ ᥘᥭᥲ ᥐᥪᥖᥴ ᥘᥫᥲ ᥘᥩᥒ ᥕᥧᥒᥱ ᥓᥬᥳ ᥖᥪᥰ ᥐᥣᥱ ᥞᥝᥳ.ᥕᥧᥱ ᥘᥬᥰ ᥖᥬᥲ ᥑᥨᥒᥰ ᥟᥣ ᥛᥥᥝᥰ ᥖᥭᥰ ᥑᥣᥒᥴ ᥙᥪᥴ ᥓᥝᥲ ᥙᥩᥒ ᥘᥢᥳ ᥞᥩᥒᥳ ᥝᥣ ᥘᥣᥭᥰ ᥖᥭᥰ ᥖᥬᥲ ᥑᥨᥒᥰ. ᥘᥫᥴ ᥔᥥᥴ ᥘᥢᥳ ᥞᥦᥴ ᥟᥣ ᥛᥦᥰ ᥟᥣ ᥛᥥᥝᥰ ᥖᥭᥰ ᥓᥫᥰ ᥕᥧᥱ ᥔᥝᥰ ᥓᥩᥛᥰ ᥙᥝᥰ ᥔᥣᥢ, ᥘᥤᥢᥳ ᥔᥣᥒᥰ,ᥚᥧᥰ ᥟᥫᥰ,ᥓᥫᥰ ᥘᥢᥳ ᥐᥩᥰ ᥑᥪᥢᥲ ᥑᥐ ᥓᥩᥛᥰ ᥛᥣᥰ ᥞᥝᥳ.

ᥘᥣᥭᥰ ᥖᥭᥰ ᥛᥬᥱ ᥛᥤᥰ ᥛᥥ ᥐᥣ ( 20 ) ᥖᥨᥝ

ᥐ ᥑ ᥒ ᥓ ᥔ ᥕ ᥖ ᥗ ᥘ ᥙ ᥚ ᥛ ᥜ ᥝ ᥞ ᥟ ᥠ ᥡ ᥢ ᥭ

Letter	Transcription	IPA	Letter	Transcription	IPA	Letter	Transcription	IPA
ᥐ	k	[k]	ᥑ	x	[x]	ᥒ	ng	[ŋ]
ᥓ	ts	[ts]	ᥔ	s	[s]	ᥕ	y	[j]
ᥖ	t	[t]	ᥗ	th	[tʰ]	ᥘ	l	[l]
ᥙ	p	[p]	ᥚ	ph	[pʰ]	ᥛ	m	[m]
ᥜ	f	[f]	ᥝ	v	[w]
ᥞ	h	[h]	ᥟ	q	[ʔ]
ᥠ	kh	[kʰ]	ᥡ	tsh	[tsʰ]	ᥢ	n	[n]

ᥛᥥ ᥓᥣᥙ ᥛᥤᥰ ( 84 ) ᥖᥨᥝ：

ᥣ ᥤ ᥥ ᥦ ᥧ ᥨᥝ ᥩ ᥪ ᥫ ᥬ ᥭ ᥣᥭ ᥧᥭ ᥨᥭ ᥩᥭ ᥪᥭ ᥫᥭ ᥝ ᥣᥝ ᥤᥝ ᥥᥝ ᥦᥝ ᥪᥝ ᥫᥝ ᥛ ᥣᥛ ᥤᥛ ᥥᥛ ᥦᥛ ᥧᥛ ᥨᥛ ᥩᥛ ᥪᥛ ᥫᥛ ᥢ ᥣᥢ ᥤᥢ ᥥᥢ ᥦᥢ ᥧᥢ ᥨᥢ ᥩᥢ ᥪᥢ ᥫᥢ ᥒ ᥣᥒ ᥤᥒ ᥥᥒ ᥦᥒ ᥧᥒ ᥨᥒ ᥩᥒ ᥪᥒ ᥫᥒ ᥙ ᥣᥙ ᥤᥙ ᥥᥙ ᥦᥙ ᥧᥙ ᥨᥙ ᥩᥙ ᥪᥙ ᥫᥙ ᥖ ᥣᥖ ᥤᥖ ᥥᥖ ᥦᥖ ᥧᥖ ᥨᥖ ᥩᥖ ᥪᥖ ᥫᥖ ᥐ ᥣᥐ ᥤᥐ ᥥᥐ ᥦᥐ ᥧᥐ ᥨᥐ ᥩᥐ ᥪᥐ ᥫᥐ

Letter	Transcription	IPA	Letter	Transcription	IPA
ᥣ	a	[aː]
ᥤ	i	[i]	ᥧ	u	[u]
ᥥ	ee	[e]	ᥨᥝ	oo	[o]
ᥦ	eh	[ɛ]	ᥩ	o	[ɔ]
ᥪ	ue	[ɯ]	ᥫ	e	[ə]
ᥬ	aue	[aɯ]	ᥭ	ai	[ai]

ᥗᥝᥴ ᥔᥥᥒᥴ ( 6 ) ᥔᥥᥒᥴ

Number	New (1988)	Old (1963)	Pitch
1.	ᥖᥴ	ᥖ́	35
2.	ᥖᥰ	ᥖ̈	55
3.	ᥖᥱ	ᥖ̌	11
4.	ᥖᥲ	ᥖ̀	42
5.	ᥖᥳ	ᥖ̇	54
6.	ᥖ	ᥖ	33

ᥙᥙ ᥘᥣᥭᥰ ᥖᥭᥰ ᥘᥫᥴ ᥐᥝᥱ

ᥓᥪ ᥔᥥᥒᥴ ᥚᥣᥭᥱ ᥞᥩᥒᥳ

ᥓᥪ ᥚᥣᥭᥱ ᥑᥥᥱ : 傣那文

ᥓᥪ ᥙᥣᥲ ᥘᥩᥐ ᥖᥫᥒᥰ : ᥘᥣᥭᥰ ᥗᥭᥰ ᥘᥫᥴ, North Dai written words.

ᥓᥪ ᥙᥫᥢ ᥖᥒᥲ ᥑᥪᥢᥲ ᥞᥩᥒᥳ : ᥘᥣᥭᥰ ᥗᥭᥰ ᥘᥨᥒᥴ ᥙᥩᥖᥴ ᥘᥫᥴ

ᥘᥧᥐ ᥖᥤ : ᥛᥫᥒᥰ ᥕᥥᥢᥱ ᥖᥧᥱ ᥖᥥᥰ ᥙᥥᥢ ᥛᥣᥰ.

ᥛᥩᥐᥱ ᥘᥦᥒᥰ

ᥛᥫ ᥓᥨᥝ AD-14 ᥘᥢᥳ ( ᥖᥭᥰ ᥖᥬᥲ ) ᥘᥣᥭᥰ ᥟᥩᥐᥱ ᥔᥥᥒᥴ ᥟᥣ ᥛᥥᥝᥰ ᥖᥤ ( ᥛᥫᥒᥰ ᥖᥬᥲ , ᥖᥭᥰ ᥖᥬᥲ ) ᥘᥭᥲ ᥞᥥᥖᥱ ᥔᥣᥒᥲ ᥓᥩᥛᥰ ᥑᥣᥛᥰ ᥙᥣᥱ ᥘᥤᥳ ᥔᥛᥳ ᥟᥣᥒᥲ ᥟᥤᥒ ᥖᥒᥰ ᥖᥨᥝ ᥘᥤᥐ ᥛᥣᥢ ᥖᥨᥝ ᥘᥣᥭᥰ ᥖᥦᥛᥲ ᥑᥝᥴ ᥐᥩᥰ ( ᥖᥭᥰ ᥖᥬᥲ ) ᥘᥣᥭᥰ ᥖᥦᥛᥲ ᥘᥣᥭᥰ ᥛᥥᥝᥰ ᥘᥭᥳ,ᥘᥤᥐ ᥛᥥᥝᥰ ᥘᥭᥳ ᥝᥣᥭᥰ ᥛᥣᥰ ᥘᥭᥳ ᥘᥩᥭᥰ ᥘᥩᥭᥰ ᥟᥝ ᥛᥣᥰ ᥖᥪᥰ ᥘᥬᥰ ᥟᥣ ᥛᥥᥝᥰ ᥖᥭᥰ ᥐᥧ ᥖᥫᥒᥰ ᥐᥣᥰ ᥖᥤ ᥘᥣᥖ ᥖᥣᥢᥲ ᥑᥣᥛᥰ ᥟᥣ ᥛᥥᥝᥰ ᥖᥭᥰ ᥘᥢᥳ ᥕᥝᥳ.

ᥟᥣ ᥛᥥᥝᥰ ᥖᥭᥰ ᥙᥣᥲ ᥚᥣᥭᥱ ᥘᥫᥴ ᥖᥤ ᥟᥢ ᥘᥣᥖ ᥖᥣᥢᥲ ᥑᥣᥛᥰ ᥖᥭᥰ ᥘᥢᥳ ᥐᥩᥰ ᥑᥪᥢᥰ ᥔᥪᥙ ᥖᥦᥛᥲ ᥓᥧᥰ ᥟᥢ ᥙᥫᥒ ᥜᥤᥒᥲ ᥗᥧᥒᥰ ᥙᥫᥒ ᥐᥝᥱ ᥞᥩᥭᥰ ᥐᥝᥱ ᥟᥢ ᥟᥝ ( ᥙᥤᥲ ) ᥞᥦᥴ ᥖᥦᥛᥲ ᥘᥢᥳ ᥕᥝᥳ.

ᥘᥣᥭᥰ ᥖᥭᥰ ᥖᥬᥲ ᥒᥝᥲ ᥞᥣᥐ ᥙᥥᥢ ᥘᥤᥐ ᥖᥨᥝ ᥛᥨᥢᥰ ᥖᥩ ᥖᥦᥛᥲ ᥛᥫᥢᥴ 4 ᥓᥥᥒᥴ ᥟᥤᥖᥴ ᥟᥩᥖᥴ ᥝᥭᥳ.ᥘᥩᥭᥰ ᥘᥩᥭᥰ ᥞᥥᥖᥱ ᥔᥣᥒᥲ ᥘᥣᥭᥰ ᥖᥭᥰ ᥖᥨᥝ ᥛᥬᥱ ᥛᥣᥰ ᥕᥝᥳ.ᥖᥭᥰ ᥖᥣᥒᥰ ᥙᥩᥖᥴ ᥘᥫᥴ, ᥑᥣᥛᥰ ᥖᥭᥰ ᥞᥩᥒᥳ ᥖᥭᥰ ᥘᥫᥴ , ᥙᥩᥰ ᥘᥢᥳ ᥖᥨᥝ ᥘᥣᥭᥰ ᥘᥤᥐ ᥛᥥᥝᥰ ᥘᥭᥳ ᥐᥩᥲ ᥞᥩᥒᥳ ( ᥙᥥᥢ ᥘᥣᥭᥰ ᥖᥭᥰ ᥘᥫᥴ ) ᥙᥥᥢ ᥘᥤᥐ ᥖᥭᥰ ᥘᥨᥒᥴ ᥙᥩᥖᥴ ᥘᥫᥴ, ᥑᥣᥛᥰ ᥑᥥᥱ ᥞᥩᥒᥳ, ᥖᥣᥭᥱ ᥢᥣᥲ ᥝᥫᥢᥳ ᥘᥭᥴ ᥕᥝᥳ ᥑᥣᥲ ᥟᥩᥰ.