Wp/tdd/ᥖᥤᥳ ᥙᥤᥳ ᥖᥣᥳ ᥐᥣᥳ
ᥖᥤᥳ ᥙᥤᥳ ᥖᥣᥳ ᥐᥣᥳ (ᥙᥤ ᥖᥣ ᥐᥣᥖ ᥔᥣᥛᥴ ᥐᥩᥒ) ᥟᥢ ᥝᥣ ᥘᥢᥳ ᥙᥥᥢ ᥑᥩᥲ ᥑᥣᥛᥰ ᥗᥛᥰ ᥚᥣᥰ ᥘᥣᥰ ᥟᥢ ᥐᥦᥢᥱ ᥓᥝᥲ ᥞᥨᥝᥰ ᥛᥣᥰ ᥘᥬᥰ ᥑᥣᥝᥰ ᥖᥣᥒᥰ 45 ᥙᥤ ᥝᥣᥭᥰ ᥔᥥᥴ ᥙᥧᥖᥳ ᥗᥣᥳ ᥓᥝᥲ ᥟᥝ ᥙᥣᥱ ᥘᥤᥳ ᥘᥤᥰ ᥙᥣᥢᥱ ᥕᥝᥳ ᥖᥣ ᥙᥥᥰ ᥖᥣ ᥙᥣᥢᥰ ᥕᥣ ᥞᥣᥢᥰ ᥓᥝᥲ ᥑᥝᥴ ᥑᥪᥢᥰ ᥛᥥᥰ ᥐᥥᥙᥱ ᥞᥩᥛᥴ ᥖᥩᥛ ᥓᥧᥳ ᥞᥬᥲ ᥙᥥᥢ ᥓᥧᥛᥰ ᥘᥬ ᥓᥧᥛᥰ 1. ᥓᥧᥛᥰ ᥝᥤᥳ ᥘᥤᥳ ᥕᥣᥳ၊ 2. ᥓᥧᥛᥰ ᥔᥧᥖᥳ ᥖᥣᥢᥱ၊ 3. ᥓᥧᥛᥰ ᥟᥣ ᥚᥤᥳ ᥗᥛᥱ ᥛᥣᥱ ᥘᥭᥴ ᥔᥥᥴ ᥓᥒᥱ ᥙᥥᥢ ᥛᥣᥰ ᥙᥤᥳ ᥖᥣ ᥐᥖ ᥔᥣᥛᥴ ᥐᥩᥒ ᥘᥢᥳ ᥕᥝᥳ။ ᥙᥤᥳ ᥖᥣ ᥐᥣᥖ ᥟᥢ ᥝᥣ ᥘᥢᥳ ᥙᥩᥒᥱ ᥝᥣ "ᥔᥩᥒᥰ၊ ᥐᥨᥭ"ᥘᥭᥴ ᥕᥝᥳ။ ᥚᥧᥱ ᥘᥨᥒᥳ ᥘᥦᥢᥳ ᥛᥫᥒᥰ ᥝᥢᥰ ᥖᥨᥐᥱ ᥑᥝᥴ ᥖᥥᥳ ᥛᥣᥭᥴ ᥗᥪᥒᥴ ᥝᥣ ᥙᥤᥳ ᥖᥣ ᥐᥣᥖ ᥘᥭᥳ ᥙᥥᥢ ᥕᥥᥰ ᥔᥦᥒᥴ ᥖᥤ ᥟᥢ ᥟᥝ ᥗᥛᥰ ᥖᥣᥰ ᥘᥣᥰ ᥚᥣᥰ ᥘᥣᥰ ᥙᥥᥢ ᥓᥝᥲ ᥔᥬᥱ ᥝᥭᥳ ᥘᥭᥴ ᥕᥝᥳ။ ᥝᥣᥭᥰ ᥔᥥᥴ ᥙᥧᥖᥳ ᥗᥣᥳ ᥓᥝᥲ ᥟᥝ ᥙᥣ ᥘᥤᥳ ᥘᥤᥐᥳ ᥙᥣᥢᥰ ᥕᥝᥳ ᥛᥫ ᥙᥤᥱ ᥓᥤᥱ 483 ᥓᥝᥲ ᥛᥣᥱ ᥞᥣᥱ ᥐᥖ ᥔᥙ ᥟᥝ ᥖᥣᥒᥰ ᥓᥩᥭ ᥗᥦᥛᥴ ᥓᥝᥲ ᥟᥣᥱ ᥘᥢᥱ ᥖᥣᥱ ᥑᥝᥴ ᥓᥝᥲ ᥔᥥᥴ ᥓᥫᥰ ᥑᥝᥴ ᥓᥝᥲ ᥕᥣ ᥞᥣᥢᥰ ᥖᥣᥱ 500 ᥓᥒᥱ ᥟᥝ ᥙᥤᥖ ᥖᥣ ᥐᥣᥖ ᥔᥣᥛᥴ ᥐᥩᥒ ᥛᥥᥰ ᥑᥩᥢᥲ ᥐᥢ ᥑᥨᥢᥳ ᥑᥭᥳ ᥟᥨᥛ ᥟᥣᥢᥱ ᥖᥣᥒᥱ ᥔᥒᥱ ᥐᥣᥱ ᥕᥣᥳ ᥘᥣᥱ ᥐᥣᥱ ᥕᥝᥳ။ ᥗᥛᥰ ᥙᥤᥖ ᥖᥣ ᥐᥣᥖ ᥔᥣᥛᥴ ᥐᥩᥒ ᥘᥢᥳ ᥛᥫ ᥓᥝᥳ ᥟᥨᥛ ᥔᥨᥙᥱ ᥔᥥᥴ ᥔᥤᥛᥰ ᥙᥦᥒᥰ ᥛᥣᥰ ᥔᥥᥴ ᥖᥣᥳ ᥗᥪᥒᥴ ᥛᥣᥰ ᥙᥣᥢ ᥖᥣᥒᥱ ᥔᥒᥱ ᥐᥣᥱ ᥕᥣᥱ ᥘᥣᥱ ᥙᥩᥐ ᥐᥛᥰ ᥔᥤᥱ ᥖᥤ ᥛᥫᥒᥰ ᥔᥤᥱ ᥞᥨᥝᥱ (ᥔᥤᥱ ᥘᥤᥳ ᥘᥒᥱ ᥐᥣᥱ)ᥘᥢᥳ ᥖᥥᥳ ᥖᥦᥛᥲ ᥛᥣᥭᥴ ᥔᥬᥱ ᥘᥫᥴ ᥚᥪᥢᥴ ᥙᥥᥱ ᥕᥝᥳ။ ᥗᥪᥒᥴᥘᥛᥣᥰ ᥙᥣᥢ ᥖᥣᥒᥱ ᥔᥒᥱ ᥐᥣᥱ ᥕᥣᥱ ᥘᥣᥱ ᥙᥩᥐ ᥐᥛᥰ 5 ᥙᥣᥢ ᥓᥝᥲ ᥛᥒᥰ ᥖᥧᥒᥰ ᥝᥥᥒᥰ ᥛᥣᥢᥰ ᥖᥣ ᥘᥥᥰ ᥘᥢᥳ ᥖᥥᥳ ᥖᥦᥛᥲ ᥛᥣᥭᥴ ᥔᥬᥱ ᥘᥫᥴ ᥑᥦᥙᥱ ᥞᥤᥢᥴ ᥕᥝᥳ။