Wp/tdd/ᥔᥢᥴ ᥘᥩᥭ ᥛᥫᥒᥰ ᥖᥭᥰ
ᥔᥢᥴ ᥘᥩᥭ ᥛᥫᥒᥰ ᥖᥭᥰ ᥘᥭᥳ ᥙᥥᥢ ᥖᥨᥢᥰ ᥘᥩᥭ ᥟᥢ ᥐᥣᥒᥲ ᥕᥣᥝᥰ ᥗᥪᥒᥴ ᥛᥫᥒᥰ ᥕᥧᥱ ᥢᥣᥢᥱ ᥖᥨᥝᥱ ᥗᥪᥒᥴ ᥛᥫᥒᥰ ᥛᥣᥢ ᥘᥦᥲ ᥛᥫᥒᥰ ᥗᥭᥰ ᥕᥝᥳ။ ᥓᥪ ᥔᥣᥭᥴ ᥖᥨᥢᥰ ᥘᥩᥭ ᥕᥣᥝᥰ ᥓᥫᥰ ᥘᥭᥳ ᥘᥧᥐ ᥖᥤ ᥓᥪᥒ ᥖᥭᥰ ᥘᥦᥲ ᥐᥨᥢᥰ ᥛᥫᥒᥰ ᥛᥢᥰ ᥔᥥᥴ ᥐᥛᥳ ᥘᥛᥴ ᥘᥛᥴ ᥛᥤᥰ ᥙᥪᥢᥳ ᥖᥤ ᥘᥦᥢ ᥘᥤᥢ ᥐᥩᥒᥰ ᥘᥩᥭ ᥖᥭᥰ ᥕᥝᥳ။ ᥘᥦᥢ ᥖᥤ ᥘᥩᥭ ᥛᥫᥒᥰ ᥖᥭᥰ ᥘᥭᥳ ᥛᥤᥰ ᥝᥭᥳ ᥐᥥᥰ ᥘᥛᥳ ᥘᥦᥲ ᥗᥧᥒᥳ ᥝᥨᥝᥱ ᥖᥒᥰ ᥘᥛᥴ ᥘᥣᥭᥴ။ ᥔᥢᥴ ᥘᥩᥭ ᥛᥫᥒᥰ ᥖᥭᥰ ᥘᥭᥳ ᥛᥤᥰ ᥓᥩᥛᥰ ᥖᥩᥢ ᥐᥣᥒ ᥙᥩᥖᥴ ᥟᥩᥐᥱ ᥛᥫᥒᥰ ᥛᥣᥢ ᥘᥦᥲ ᥓᥥᥒᥱ ᥞᥩᥒᥱ ᥝᥢᥰ ᥖᥨᥐᥱ ᥛᥫᥒᥰ ᥗᥭᥰ ᥕᥝᥳ။ ᥔᥢᥴ ᥘᥩᥭ ᥘᥫᥒ ᥔᥣᥭᥴ ᥘᥫᥒ ᥖᥨᥢᥰ ᥘᥭᥳ ᥖᥣᥒᥰ ᥔᥧᥒᥴ ᥛᥢᥰ ᥛᥤᥰ ᥖᥨᥝᥱ 2,500 ᥛᥤᥰ ᥖᥫᥱ ᥕᥝᥳ။ ᥔᥢᥴ ᥘᥩᥭ ᥟᥢ ᥔᥧᥒᥴ ᥔᥧᥖᥴ ᥖᥤ ᥛᥫᥒᥰ ᥗᥭᥰ ᥟᥢ ᥛᥤᥰ ᥖᥣᥒᥰ ᥔᥧᥒᥴ 2,565 ᥛᥤᥰ ᥖᥫᥱ(8,415 ᥗᥖᥴ) ᥘᥢᥳ ᥙᥥᥢ ᥙᥩᥖᥴ ᥖᥩᥢᥲ ᥔᥢᥴ ᥘᥩᥭ ᥟᥢ ᥑᥢᥲ ᥙᥢ ᥘᥬᥰ ᥐᥥ ᥛᥫᥒᥰ ᥗᥭᥰ ᥘᥦᥲ ᥛᥫᥒᥰ ᥛᥣᥢ ᥕᥝᥳ။ ᥓᥪ ᥔᥢᥴ ᥘᥩᥭ ᥘᥢᥳ ᥞᥩᥒᥳ ᥝᥣ ᥔᥢᥴ ᥘᥩᥭ ᥘᥣᥴ ᥘᥭᥴ ᥕᥝᥳ။ ᥔᥢᥴ ᥘᥩᥭ ᥛᥫᥒᥰ ᥖᥭᥰ ᥐᥛᥳ ᥘᥛᥴ ᥘᥭᥳ ᥙᥥᥢ ᥞᥤᥢᥴ ᥗᥧᥢᥴ ᥕᥝᥳ။ ᥖᥤ ᥖᥩᥢᥲ ᥘᥤᥢ ᥔᥧᥒᥴ ᥑᥩᥒᥴ ᥔᥢᥴ ᥘᥩᥭ ᥛᥫᥒᥰ ᥖᥭᥰ ᥘᥢᥳ ᥕᥒᥰ ᥛᥤᥰ ᥙᥣᥰ ᥘᥩᥒᥴ ᥖᥒᥰ ᥘᥛᥴ ᥘᥣᥭᥴ ᥘᥒᥱ ᥘᥩᥒᥴ ᥞᥣᥭᥰ ᥕᥣᥲ ᥟᥢ ᥛᥤᥰ ᥞᥤᥛᥰ ᥕᥩᥒ ᥞᥨᥭᥲ ᥘᥢᥳ ᥕᥧᥱ ᥕᥝᥳ။ ᥔᥢᥴ ᥘᥩᥭ ᥛᥫᥒᥰ ᥖᥭᥰ ᥘᥭᥳ ᥙᥥᥢ ᥘᥦᥢ ᥖᥤ ᥑᥩᥒᥴ ᥛᥫᥒᥰ ᥛᥣᥢ ᥟᥢ ᥓᥪ ᥘᥪᥰ ᥐᥩᥙ ᥞᥨᥝᥴ ᥟᥣᥱ ᥘᥧᥰ ᥖᥣᥱ ᥓᥪᥒᥲ ᥛᥫᥒᥰ ᥘᥢᥳ ᥕᥝᥳ။