Wp/tdd/ᥑᥣᥛᥰ ᥛᥣᥳ ᥔᥤᥙᥴ ᥔᥩᥒᥴ
ᥕᥤᥒᥰ:ᥞᥩᥭᥲ ᥞᥩ ᥔᥣᥭᥰ ᥞᥫᥭᥰ ᥝᥢᥰ ᥞᥩ,ᥔᥧᥴ ᥑᥧᥢᥴ ᥖᥤᥴ ᥛᥣᥰ ᥛᥪᥴ ᥓᥬᥳ ᥘᥣᥭᥰ ᥖᥝᥲ ᥞᥩᥖ ᥙᥩᥒᥱ ᥞᥩ,ᥖᥣ ᥘᥛᥳ ᥜᥣᥳ ᥓᥥ ᥓᥝᥲ ᥖᥨᥝ ᥚᥬᥴ ᥕᥒ ᥐᥣᥭᥱ ᥑᥨᥝᥴ ᥛᥥᥰ ᥘᥩ ᥔᥣᥭᥰ ᥞᥫᥭᥰ ᥝᥢᥰ ᥞᥩ, ᥔᥧᥴ ᥓᥝᥲ ᥖᥤᥴ ᥖᥝᥲ ᥖᥨᥝ ᥛᥪᥴ ᥔᥒᥱ ᥑᥣᥛᥰ ᥞᥩᥖ ᥗᥩᥒᥴ ᥘᥣᥒᥰ ᥞᥩ, ᥐᥣᥒ ᥖᥣᥒᥰ ᥙᥫᥢ ᥚᥬᥴ ᥕᥒ ᥘᥧᥱ ᥚᥫᥢᥴ ᥑᥝᥲ ᥞᥩ. ᥓᥣᥭᥰ:ᥞᥩᥭᥲ ᥞᥫᥭᥰ ᥔᥣᥭᥰ ᥞᥫᥭᥰ ᥓᥬ ᥞᥩ,ᥖᥧ ᥑᥧᥢᥴ ᥖᥤᥴ ᥛᥣᥰ ᥖᥨᥝ ᥙᥨᥝᥰ ᥓᥬᥳ ᥘᥣᥭᥰ ᥗᥩᥒᥴ ᥖᥝᥲ ᥙᥩᥒᥱ ᥞᥩ,ᥑᥬᥲ ᥛᥣᥰ ᥑᥩᥭ ᥔᥧᥱ ᥘᥩᥒᥳ ᥙᥨᥭᥱ ᥑᥫᥒ ᥑᥛᥰ ᥔᥩᥒᥱ ᥘᥣᥭᥴ ᥘᥣᥒᥰ ᥞᥩ,ᥔᥣᥭᥴ ᥞᥫᥭᥰ ᥓᥬ ᥞᥩ, ᥓᥝᥲ ᥖᥐᥴ ᥖᥝᥲ ᥖᥨᥝ ᥙᥨᥝᥰ ᥔᥒᥱ ᥑᥣᥛᥰ ᥞᥩᥖ ᥗᥩᥒᥴ ᥘᥣᥒᥰ ᥞᥩ,ᥑᥬᥲ ᥛᥣᥰ ᥑᥩᥭ ᥔᥧᥴ ᥞᥥᥝᥰ ᥞᥩᥛᥴ ᥛᥩᥐᥱ ᥙᥣᥭᥴ ᥝᥣᥒᥰ ᥖᥤ ᥞᥩᥭᥲ ᥞᥩ.