Wp/tdd/ᥑᥣᥛᥰ ᥛᥣᥐᥱ
ᥑᥣᥛᥰ ᥛᥣᥐᥱ ᥛᥫᥒᥰ ᥑᥩᥢᥴ
ᥔᥦᥒᥴ ᥙᥥᥝ ᥕᥛᥰ ᥞᥫᥭᥰ, ᥓᥪ ᥔᥥᥒᥴ ᥛᥬᥰ ᥘᥣᥒᥰ ᥔᥣᥒᥰ ᥛᥫᥢᥴ ᥞᥥᥝᥰ ᥑᥛᥰ ᥐᥛᥰ ᥐᥛᥰ ᥟᥣᥭ ᥞᥩᥛᥴ ᥓᥩᥛᥰ ᥘᥨᥛᥰ ᥚᥪᥒᥲ ᥛᥣᥰ ᥓᥨᥛᥰ ᥖᥣᥱ ᥔᥥᥱ ᥘᥩᥰ, ᥑᥥᥒᥱ ᥑᥭᥳ ᥙᥤ ᥛᥬᥰ ᥙᥨᥝᥰ ᥘᥒᥱ ᥛᥣᥐᥱ ᥛᥫᥲ ᥛᥥᥢ ᥛᥣᥝᥱ ᥘᥫᥲ ᥖᥣᥒᥰ ᥐᥭ ᥖᥥᥝᥰ ᥘᥥᥱ ᥗᥪᥒᥴ ᥛᥣᥰ ᥕᥝᥳ ᥘᥩᥰ.
ᥓᥣᥭᥰ ᥛᥫᥢ ᥞᥣᥒ ᥘᥤ ᥖᥫᥰ ᥖᥩᥢᥰ ᥙᥨᥝᥰ ᥘᥒᥱ ᥑᥨᥝᥲ ᥑᥛᥰ ᥔᥩᥢᥰ ᥐᥤ ᥖᥨᥝᥰ ᥘᥦᥖᥱ ᥘᥩᥰ, ᥙᥨᥝᥰ ᥐᥣ ᥛᥫᥢᥴ ᥖᥒᥰ ᥛᥩᥐᥱ ᥕᥣᥲ ᥞᥣᥒ ᥘᥤ ᥘᥩᥰ ᥐᥤ ᥘᥫᥢ ᥙᥦᥖᥱ ᥑᥨᥢᥰ ᥜᥨᥢᥴ ᥘᥩᥰ.
ᥔᥩᥒᥴ ᥐᥝ ᥖᥒᥰ ᥛᥬᥰ ᥙᥦᥒᥰ ᥐᥢ ᥘᥩᥰ ᥙᥭᥱ ᥘᥣ ᥘᥪᥛᥰ(ᥞᥦ) ᥘᥣᥲ ᥘᥒᥴ ᥐᥝᥱ(ᥞᥫ ᥞᥫᥭᥰ), ᥙᥫᥢ ᥝᥣ ᥛᥬᥰ ᥕᥒᥰ ᥘᥧᥐ ᥘᥤ ᥟᥧᥛᥲ ᥖᥣᥒᥱ ᥑᥝᥱ ᥞᥫᥭᥰ ᥙᥭᥱ ᥘᥣ ᥘᥪᥛᥰ ᥔᥩᥒᥴ ᥐᥝ ᥖᥒᥰ ᥛᥬᥰ ᥔᥣ ᥘᥩᥰ.