Wp/tdd/ᥑᥣᥛᥰ ᥐᥨᥙᥱ ᥛᥣᥐᥱ
ᥘᥦᥒ ᥓᥤᥒᥰ ᥞᥤᥒᥰ ᥛᥣᥐᥱ ᥚᥥᥖᥱ, ᥓᥥᥒᥱ ᥔᥣᥳ ᥞᥣᥳ ᥝᥣ ᥛᥣᥐᥱ ᥝᥣᥭᥴ, ᥛᥣᥐᥱ ᥕᥒᥰ ᥔᥣᥭᥴ ᥝᥣ ᥛᥣᥐᥱ ᥘᥩᥖ, ᥔᥝᥲ ᥗᥩᥖ ᥗᥩᥖ ᥝᥣ ᥛᥣᥐᥱ ᥛᥨᥭᥰ, ᥕᥥᥛᥲ ᥛᥦᥝᥰ ᥖᥨᥭᥰ ᥝᥣ ᥛᥣᥐᥱ ᥖᥣ, ᥕᥧᥱ ᥒᥝᥲ ᥑᥣ ᥝᥣ ᥛᥣᥐᥱ ᥘᥣᥒᥰ, ᥘᥦᥒ ᥓᥣᥒᥰ ᥞᥣᥒᥰ ᥝᥣ ᥛᥣᥐᥱ ᥑᥫᥴ ᥔᥨᥛᥲ, ᥙᥫᥢ ᥙᥤᥢᥱ ᥖᥨᥛᥲ ᥝᥣ ᥛᥣᥐᥱ ᥘᥩᥭᥴ, ᥙᥣᥭ ᥕᥒᥰ ᥕᥩᥭᥴ ᥝᥣ ᥑᥝᥲ ᥜᥣᥳ, ᥞᥣᥒ ᥓᥣᥳ ᥛᥣᥐᥱ ᥘᥧᥲ ᥘᥣᥲ, ᥙᥥᥢ ᥙᥣᥲ ᥝᥣ ᥛᥣᥐᥱ ᥖᥨᥙᥱ, ᥙᥫᥢ ᥑᥨᥙᥱ ᥛᥣᥐᥱ ᥚᥤᥢᥳ ᥐᥨᥝᥰ, ᥙᥫᥢ ᥕᥨᥝᥰ ᥛᥣᥐᥱ ᥟᥨᥝᥱ ᥓᥣᥱ, ᥔᥣ ᥗᥣᥱ ᥛᥣᥐᥱ ᥖᥧᥰ ᥖᥤᥰ, ᥕᥣᥝᥰ ᥞᥤᥰ ᥛᥣᥐᥱ ᥘᥩᥭ ᥛᥨᥝᥲ, ᥙᥫᥢ ᥑᥨᥝᥲ ᥛᥣᥐᥱ ᥗᥨᥝᥱ ᥘᥤᥢ, ᥘᥤ ᥐᥤᥢ ᥙᥥᥢ ᥛᥣᥐᥱ ᥐᥨᥭᥲ, ᥙᥫᥢ ᥔᥨᥭᥲ ᥙᥥᥢ ᥛᥣᥐᥱ ᥝᥣᥝᥰ, ᥞᥩᥢᥴ ᥕᥣᥝᥰ ᥛᥣᥐᥱ ᥞᥣᥒᥴ ᥘᥣᥖ, ᥘᥣᥛᥴ ᥑᥣᥖ ᥙᥥᥢ ᥛᥣᥐᥱ ᥕᥤᥢᥲ, ᥔᥨᥛᥲ ᥐᥨᥢᥲ ᥙᥤᥢᥳ ᥛᥣᥐᥱ ᥓᥒ, ᥛᥣᥐᥱ ᥐᥫᥲ ᥛᥣᥐᥱ ᥐᥒ ᥙᥥᥢ ᥛᥣᥐᥱ ᥚᥤᥴ, ᥙᥫᥢ ᥟᥝ ᥖᥤ ᥙᥥᥢ ᥛᥐᥱ ᥘᥝ, ᥙᥫᥢ ᥕᥥᥛᥲ ᥛᥝ ᥛᥣᥐᥱ ᥟᥣᥒᥴ ᥑᥣᥒᥴ, ᥕᥧᥱ ᥛᥫᥒᥰ ᥔᥣᥒᥴ ᥙᥥᥢ ᥔᥦᥢ ᥗᥝᥳ.