Wp/syl/ꠚꠥꠐꠛꠟ

ꠚꠥꠐꠛꠟ (ꠛꠟꠈꠦꠁꠠ), ꠄꠈꠎꠣꠔꠞ ꠖꠟ ꠛꠣꠘ꠆ꠗꠤꠅꠣ ꠛꠟ ꠖꠤꠀ ꠈꠦꠟꠣ ꠈꠦꠁꠠ⁕ ꠁ ꠈꠦꠁꠠ ꠖꠥꠁ ꠖꠟꠞ ꠝꠣꠏꠦ ꠅꠄ, ꠚꠔ꠆ꠔꠦꠈ ꠖꠟ ꠕꠣꠈꠁꠘ ১১ ꠎꠘ ꠈꠞꠤ ꠈꠦꠟꠥꠀꠠ⁕ ꠁꠇꠐꠣ ꠈꠦꠟꠣ ꠅꠄ ꠍꠣꠁꠞꠇꠥꠘꠣ ꠝꠣꠑ ꠎꠦꠈꠐꠣꠞꠦ ꠈꠅꠀ ꠅꠄ ꠙꠤꠌ, ꠀꠞ ꠝꠣꠑꠞ ꠖꠥꠁ ꠉꠣꠟꠣ ꠛꠣꠄ ꠕꠣꠈꠦ ꠄꠈꠐꠣ ꠈꠞꠤ ꠉꠧꠟꠛꠣꠞ⁕ ꠉꠧꠟꠛꠣꠞꠞ ꠜꠤꠔꠞꠦ ꠛꠟ ꠒꠥꠇꠟꠦ ꠄꠈꠐꠣ ꠉꠧꠃꠟ ꠅꠄ⁕ ꠈꠦꠟꠣꠞ ꠃꠖ꠆ꠖꠦꠡꠧ ꠅꠁꠟ ꠛꠤꠚꠇ꠆ꠇ ꠖꠟꠞ ꠌꠣꠁꠔꠦ ꠛꠦꠡꠤ ꠉꠧꠃꠟ ꠖꠦꠅꠀ, ꠎꠦ ꠐꠤꠝꠞ ꠉꠧꠃꠟ ꠛꠦꠡꠤ ꠅꠃ ꠐꠤꠝ ꠎꠤꠔꠁꠘ⁕ ꠀꠍꠔꠣ ꠗꠞꠣꠄꠀꠞ ꠝꠣꠏꠦ ꠡꠛꠌꠣꠁꠔꠦ ꠚꠞꠤꠍꠤꠔ ꠀꠞ ꠙꠙꠥꠟꠣꠞ ꠈꠦꠟꠣ ꠅꠁꠟ ꠚꠥꠐꠛꠟ⁕ ꠁ ꠈꠦꠟꠣꠞ ꠢꠈꠟ ꠀꠁꠘ, ꠎꠞꠥꠞꠔ ꠀꠞ ꠅꠘꠥꠡ꠆ꠐꠣꠘ ꠚꠤꠚꠣꠄ ꠍꠣꠟꠣꠄ⁕ ꠈꠦꠟꠣ ꠅꠅ ꠖꠥꠁ ꠢꠣꠚꠦ ꠛꠣꠐꠤꠀ, ৪৫ ꠝꠤꠘꠤꠐ ꠈꠞꠤ ꠄꠈ ꠢꠣꠚ ꠀꠞ ꠚꠥꠞꠣ ꠝꠦꠌ ꠈꠦꠟꠣ ꠅꠄ ৯০ ꠝꠤꠘꠤꠐ⁕ ꠄꠛꠟꠣ ꠙ꠆ꠞꠣꠄ ২০০ ꠖꠦꠡ ২৫ ꠇꠥꠐꠤ ꠈꠦꠟꠥꠀꠠꠦ ꠁ ꠈꠦꠟꠣ ꠈꠦꠟꠁꠘ, ꠎꠦꠈꠐꠣ ꠀꠍꠔꠣ ꠖꠥꠘꠤꠀꠞ ꠝꠣꠏꠦ ꠡꠛꠌꠦꠄ ꠛꠦꠡ⁕

ꠚꠥꠐꠛꠟ ꠈꠦꠟꠣꠞ ꠘꠤꠅꠝ ꠁꠉꠥꠁꠘ ꠑꠤꠇ ꠇꠞꠤꠀ ꠞꠣꠈꠣ, ꠎꠦ ꠘꠤꠅꠝꠦ ꠈꠦꠟꠣ ꠁ ꠘꠤꠅꠝꠞꠦ ꠈꠅꠀ ꠅꠄ ꠈꠦꠠꠤꠞ ꠀꠁꠘ (Laws of the Game)⁕

ꠁꠔꠤꠢꠣꠡ

ꠛꠟ ꠅ ꠟꠣꠔ꠆ꠔꠣꠁꠀ ꠈꠦꠟꠣꠞ ꠈꠕꠣ ꠛꠃꠔ ꠀꠉꠞ ꠎꠣꠝꠣꠘꠣꠞ ꠡꠝꠣꠎ ꠚꠣꠅꠀ ꠎꠣꠄ⁕ ꠚꠤꠚꠣꠞ ꠝꠔꠦ ꠌꠣꠁꠘꠤꠎ ꠈꠦꠁꠠ ꠌꠥꠎꠥ ꠅꠁꠟ ꠚꠥꠐꠛꠟꠞ ꠡꠛꠞ ꠀꠉꠞ ꠘꠝꠥꠘꠣ⁕ ꠄꠛꠟꠣ ꠎꠦꠟꠣ ꠈꠦꠟꠣ ꠅꠄ, ꠁ ꠈꠦꠟꠣ ꠛꠣꠞꠈꠞꠍꠦ ꠛ꠆ꠞꠤꠐꠤꠡ ꠄ⁕