Wp/syl/ꠍꠁꠅꠖ ꠀꠛ꠆ꠖꠥꠟ ꠝꠣꠎꠤꠖ
ꠝꠃꠟꠜꠤ ꠈꠣꠘ ꠛꠣꠢꠣꠖꠥꠞ ꠪ ꠍꠁꠅꠖ ꠀꠛ꠆ꠖꠥꠟ ꠝꠣꠎꠤꠖ ꠨ CIE. ꠔꠣꠘꠞꠦ ꠈꠣꠚ꠆ꠔꠣꠘ ꠝꠤꠀ ꠈꠞꠤ ꠎꠣꠘꠧꠁꠘ ꠨ ꠅꠁꠟꠣ ꠄꠈꠎꠘ ꠍꠤꠟꠐꠤ ꠞꠣꠎꠘꠤꠔꠤꠛꠤꠖ ꠨ ꠃꠇꠤꠟ ꠀꠞ ꠈꠣꠞꠛꠣꠞꠤ ⁕ ꠍꠣꠞ ꠈꠣꠞꠛꠣꠞ ꠀꠞ ꠈꠦꠔꠈꠣꠝꠣꠞꠤꠞ ꠃꠘ꠆ꠘꠔꠤꠞ ꠟꠣꠉꠤ ꠔꠣꠁꠘ ꠘꠣꠝꠈꠞꠣ ⁕ ꠍꠤꠟꠐ ꠡꠤꠇ꠆ꠇꠣ ꠛꠤꠡꠦꠡ ꠈꠞꠤ ꠁꠍꠟꠣꠝꠤ ꠡꠤꠇ꠆ꠇꠣꠔ ꠔꠣꠘ ꠈꠣꠝꠞ ꠟꠣꠉꠤ ꠔꠣꠘ ꠘꠣꠝꠒꠣꠈ ⁕
Sex or gender | male |
---|---|
Country of citizenship | British Raj |
Date of birth | 1872 |
Place of birth | Sylhet |
Date of death | 29 July 1922 |
Place of death | Shillong |
Educated at | The Aided High School |
ꠚꠄꠟꠣ ꠎꠤꠛꠘ[edit | edit source]
ꠀꠛ꠆ꠖꠥꠟ ꠝꠣꠎꠤꠖ ꠅꠞ ꠎꠘ꠆ꠝ ꠅꠁꠍꠤꠟ ১৮৭২ ꠡꠣꠟ ꠍꠤꠟꠐꠞ ꠇꠣꠎꠤ ꠁꠟꠤꠀꠡꠞ ꠘꠣꠝꠈꠞꠣ ꠍꠁꠅꠖ ꠛꠣꠠꠤꠔ ⁕ ꠔꠣꠘ ꠛꠣꠚ ꠍꠁꠅꠖ ꠀꠛ꠆ꠖꠥꠟ ꠎꠟꠤꠟ ꠀꠞ ꠖꠣꠖꠣ ꠍꠁꠅꠖ ꠝꠥꠢꠤꠛꠥꠟ꠆ꠟꠣꠢ ⁕ ꠛꠣꠚꠞ ꠔꠞꠚ ꠕꠣꠇꠤ ꠔꠣꠘ ꠇꠥꠞꠍꠤ ꠀꠃꠟꠤꠀ ꠡꠣꠢ ꠝꠥꠍꠔꠚꠣꠞ ꠇꠥꠞꠍꠤ ⁕ ꠀꠞ ꠔꠣꠘ ꠝꠣ ꠨ ꠢꠣꠍꠛ-ꠃꠘ-ꠘꠤꠍꠣ ꠨ ꠅꠁꠟꠣ ꠝꠃꠟꠜꠤ ꠍꠁꠅꠖ ꠇꠥꠖꠞꠔꠃꠟ꠆ꠟꠣꠢꠞ ꠘꠣꠔꠘꠤ ⁕ ꠔꠣꠘ꠆ꠔꠣꠘ ꠝꠥꠟ ꠛꠣꠠꠤ ꠀꠍꠤꠟ ꠝꠃꠟꠜꠤꠛꠣꠎꠣꠞ ꠨ ꠔꠣꠘ ꠘꠣꠘꠣꠞ ꠘꠣꠝꠦꠃ ꠝꠃꠟꠜꠤꠛꠣꠎꠣꠞ ꠅꠞ ꠘꠣꠝ ꠞꠣꠈꠣ ꠅꠁꠍꠦ ⁕ ꠈꠣꠘꠖꠣꠘꠤ ꠚꠞꠤꠛꠣꠞ ꠚꠄꠖꠣ ꠨ ꠍꠁꠅꠖ ꠡꠣꠛꠞ ꠚꠠꠣꠟꠦꠈꠣ ꠡꠥꠞꠥ ꠅꠄ ꠔꠣꠘ ꠛꠣꠠꠤ ꠔꠘꠦ ꠨ ꠎꠦꠘ ꠔꠣꠁꠘ ꠚꠠꠤꠀ ꠝꠃꠟꠜꠤ ꠅꠁꠘ ꠨ ꠔꠣꠁꠘ ꠍꠤꠟꠦꠐꠤ ꠨ ꠁꠋꠟꠤꠡ ꠨ ꠛꠣꠋꠟꠣ ꠀꠞ ꠃꠞ꠆ꠖꠥ ꠝꠣꠔ ꠚꠣꠞꠔꠣ ⁕
ꠡꠤꠇ꠆ꠇꠣ ꠎꠤꠛꠘ[edit | edit source]
ꠔꠣꠘ ꠚꠣꠑꠡꠣꠟꠣꠞ ꠚꠠꠣ ꠅꠁꠍꠦ ꠘꠛꠣꠛ ꠔꠣꠟꠦꠛ ꠛꠦꠋꠉꠟ ꠁꠍꠇꠥꠟ ꠕꠣꠇꠤ ⁕ ꠝꠦꠐ꠆ꠞꠤꠇ ꠚꠞꠤꠇ꠆ꠇꠣ ꠖꠤꠍꠁꠘ ꠍꠤꠟꠐ ꠒꠤꠡ꠆ꠐ꠆ꠞꠤꠇ꠆ꠐ ꠢꠣꠁ ꠁꠍꠇꠥꠟ ꠕꠣꠇꠤ ꠨ ꠚꠣꠡ ꠈꠞꠍꠁꠘ ১৮৮৭ ꠡꠣꠟ ⁕ ꠛꠣꠖꠦ ꠇꠟꠇꠣꠔꠣꠞ ꠙ꠆ꠞꠦꠍꠤꠒꠦꠘꠍꠤ ꠇꠟꠦꠎ ꠕꠣꠇꠤ ১৮৯২ ꠡꠣꠟ ꠛꠤꠄ (ꠡꠝ꠆ꠝꠣꠘ) ꠀꠞ ꠍꠦꠁꠘ꠆ꠐ ꠎꠦꠜꠤꠄꠞ ꠇꠟꠦꠎ ꠕꠣꠇꠤ ১৮৯৪ ꠡꠣꠟ ꠛꠤꠄꠟ (ꠡꠝ꠆ꠝꠣꠘ) ꠒꠤꠉ꠆ꠞꠤ ꠚꠣꠡ ꠈꠞꠁꠘ
ꠈꠣꠝꠞ ꠎꠤꠛꠘ[edit | edit source]
ꠞꠣꠎꠘꠤꠔꠤꠔ ꠒꠥꠇꠣꠞ ꠀꠉꠦ ꠔꠣꠁꠘ ꠍꠤꠟꠦꠐ ꠒꠤꠡ꠆ꠐ꠆ꠞꠤꠇ꠆ꠐ ꠛꠣꠞ ꠄꠍꠡꠤꠄꠡꠘꠧ ꠈꠄ ꠛꠍꠞ ꠃꠇꠤꠟ ꠀꠍꠟꠣ ⁕ ꠔꠣꠘ ꠝꠥꠟ ꠈꠦꠄꠀꠟ ꠀꠍꠤꠟ ꠈꠦꠔꠚꠡꠟ ꠅ ⁕ ꠔꠣꠁꠘ ꠀꠘꠎꠥꠝꠣꠘ-ꠄ- ꠁꠍꠟꠣꠝꠤꠀꠔ ꠅ ꠒꠥꠇꠁꠘ ꠎꠦꠈꠐꠣ ꠀꠍꠤꠟ ꠃꠙꠝꠢꠣꠖꠦꠡꠞ ꠚꠄꠟꠣ ꠝꠥꠍꠟꠤꠝ ꠞꠣꠎꠘꠤꠔꠤꠞ ꠖꠟ ⁕ ꠔꠣꠁꠘ ꠖꠄꠟꠣ ꠁ ꠖꠟꠞ ꠍꠤꠟꠐ ꠡꠣꠈꠣꠞ ꠍꠦꠇ꠆ꠞꠦꠐꠣꠞꠤ ꠀꠍꠟꠣ ১৯০২ ꠅ ꠨ ꠛꠣꠖꠦ ꠙ꠆ꠞꠦꠍꠤꠒꠦꠘ꠆ꠐ ꠅꠁꠍꠁꠘ ১৯০৪ ꠅ ꠔꠣꠁꠘ ꠛ꠆ꠞꠣꠝꠘꠍꠠꠣ ꠍꠣ-ꠛꠣꠉꠣꠘ ꠈꠥꠟꠁꠘ ⁕ ꠁ ꠡꠝꠄ ꠔꠣꠘ ꠟꠉꠦ ꠀꠍꠟꠣ ꠝꠥꠢꠣꠝ꠆ꠝꠖ ꠛꠈꠔ ꠝꠎꠥꠝꠖꠣꠞ ꠨ ꠇꠞꠤꠝ ꠛꠈꠡ ꠨ ꠀꠞ ꠉꠥꠟꠣꠝ ꠞꠣꠛ꠆ꠛꠣꠘꠤ ⁕ ১৯০৬ ꠡꠣꠟ ꠔꠣꠁꠘ ꠍꠤꠟꠐ ꠙꠃꠞꠧꠡꠜꠣꠞ ꠜꠣꠁꠍ ꠌꠦꠀꠞꠝꠦꠘ ꠀꠞ ꠛꠣꠖꠦ ১৯০৯ ꠡꠣꠟ ꠌꠦꠀꠞꠝꠦꠘ ꠢꠤꠡꠣꠛꠦ ꠚꠣꠡ ꠅꠁꠘ ⁕
ꠙꠥꠞꠥꠡ꠆ꠇꠣꠞ[edit | edit source]
১৯১৫ ꠡꠣꠟ ꠨ ꠞꠣꠎꠣ ৫ ꠘꠝ꠆ꠛꠞ ꠎꠞ꠆ꠎ ꠅꠞ ꠎꠘ꠆ꠝꠖꠤꠘꠞ ꠅꠘꠥꠡꠑꠣꠘꠧ ꠛ꠆ꠞꠤꠐꠤꠡ ꠞꠣꠎꠦ ꠔꠣꠘꠞꠦ ꠈꠣꠘ ꠛꠣꠢꠣꠖꠥꠞ ꠐꠣꠁꠐꠦꠟ ꠖꠦꠄ ⁕
ꠝꠃꠔ[edit | edit source]
ꠀꠛ꠆ꠖꠥꠟ ꠝꠣꠎꠤꠖ ৫০ ꠛꠍꠞ ꠛꠄꠅꠡ ꠅ ꠡꠤꠟꠋ ꠅ ꠝꠣꠞꠣ ꠎꠣꠁꠘ ⁕
ꠀꠞꠅ ꠖꠦꠈꠇ꠆ꠇꠣ[edit | edit source]
ꠕꠥꠇꠣꠘꠤ[edit source]
ꠀ | ꠁ | ꠃ | ꠄ | ꠅ | ꠇ | ꠈ | ꠉ | ꠊ | ꠌ | ꠍ | ꠎ | ꠏ | ꠐ | ꠑ | ꠒ |
ꠔ | ꠕ | ꠖ | ꠗ | ꠘ | ꠙ | ꠚ | ꠛ | ꠜ | ꠝ | ꠞ | ꠟ | ꠡ | ꠢ | ꠠ | ꠓ |