Wp/syl/ꠇꠝ꠆ꠙꠥꠐꠣꠞ
ꠇꠝ꠆ꠙꠥꠐꠣꠞ /xomfuʈeɾ/ ꠅꠁꠟ ꠄꠝꠘ ꠄꠈꠐꠣ ꠎꠘ꠆ꠔ꠆ꠞ ꠎꠦꠈꠐꠣꠄ ꠑꠤꠇꠇꠞꠣꠞ ꠢꠥꠇꠥꠝ ꠝꠣꠘꠤꠀ ꠉꠘꠣꠞ ꠈꠣꠝ ꠀꠞ ꠟꠎꠤꠇꠣꠟ ꠈꠣꠝ ꠅꠐꠧꠝꠦꠐꠤꠇ ꠈꠞꠔ ꠚꠣꠞꠦ ⁕ ꠄꠛꠟꠣꠇꠥꠞ ꠇꠝ꠆ꠙꠤꠃꠐꠣꠞꠞ ꠈꠝꠔꠣ ꠀꠍꠦ ꠄꠈꠎꠣꠔꠞ ꠀꠉꠦ ꠔꠘꠦ ꠑꠤꠇ ꠇꠞꠤ ꠞꠣꠈꠣ ꠢꠥꠇꠥꠝ ꠝꠣꠘꠣꠞ ꠛꠣ ꠚꠟꠧ ꠈꠞꠣꠞ ⁕ ꠁꠔꠣꠞꠦ ꠈꠀ ꠅꠄ ꠙꠉ꠆ꠞꠣꠝ ⁕ ꠁꠔꠣ ꠙꠉ꠆ꠞꠣꠝꠞ ꠖꠣꠄ ꠇꠝ꠆ꠙꠥꠐꠣꠞꠦ ꠛꠃꠔꠎꠣꠔꠞ ꠈꠣꠝ ꠈꠞꠔ ꠚꠣꠞꠦ ⁕ ꠄꠈꠐꠣ ꠀꠍꠔꠣ ꠇꠝ꠆ꠙꠥꠐꠣꠞꠧ ꠕꠣꠈꠦ ꠢꠣꠞꠒꠅꠄꠀꠞ ꠨ ꠅꠙꠣꠞꠦꠐꠤꠋ ꠍꠤꠡ꠆ꠐꠦꠝ (ꠝꠥꠟ ꠍꠚꠐ꠆ꠅꠄꠀꠞ) ꠀꠞ ꠕꠥꠞꠣ ꠟꠔ ꠡꠢ ꠅꠔꠣꠞ ꠉꠣꠟꠣ ꠈꠄꠈꠐꠣ ꠍꠣꠝꠣꠘ ꠎꠦꠔꠣ ꠎꠞꠥꠞꠤ ꠀꠞ ꠈꠣꠝꠧ ꠟꠣꠉꠦ ꠨ ꠇꠝ꠆ꠙꠤꠃꠐꠣꠞ ꠖꠤ ꠇꠥꠘꠥ ꠈꠣꠝ ꠈꠞꠔꠦ ꠨ ꠁꠔꠣ ꠡꠛꠞꠦ ꠄꠈꠟꠉꠦ ꠈꠀ ꠅꠄ ꠇꠝ꠆ꠙꠥꠐꠣꠞ ꠍꠤꠡ꠆ꠐꠝ ⁕ ꠀꠛꠣꠞ ꠇꠝ꠆ꠙꠥꠐꠣꠞ ꠍꠤꠡ꠆ꠐꠝ ꠈꠁꠔꠦ ꠄꠈꠟꠉꠦ ꠎꠥꠠꠣ ꠀꠞ ꠈꠣꠝ ꠈꠞꠞꠣ ꠇꠝ꠆ꠙꠤꠃꠐꠣꠞ꠆ꠞꠦꠅ ꠛꠥꠎꠣꠄ ⁕
ꠇꠣꠝ[edit | edit source]
ꠘꠣꠘꠣꠘꠎꠣꠔ ꠖꠞꠈꠣꠞ ꠀꠞ ꠎꠤꠘꠤꠡꠅ ꠇꠝ꠆ꠙꠥꠐꠣꠞ ꠈꠣꠝꠧ ꠟꠣꠉꠣꠘꠤ ꠅꠄ ⁕ ꠁꠘ꠆ꠒꠣꠍꠐ꠆ꠞꠤꠀꠟ ꠀꠞ ꠊꠞꠞ ꠖꠞꠈꠣꠞꠤ ꠛꠃꠔꠎꠤꠘꠤꠡ ꠅꠞ ꠇꠘ꠆ꠐꠞꠟ ꠍꠤꠡ꠆ꠐꠝ ꠢꠤꠡꠣꠛꠦ ꠇꠝ꠆ꠙꠥꠐꠣꠞ꠆ꠞꠦ ꠈꠣꠝꠧ ꠟꠣꠉꠣꠘꠤ ꠅꠄ ⁕ ꠊꠞꠞ ꠟꠣꠉꠤ ꠛꠤꠡꠦꠡ ꠈꠞꠤ ꠛꠣꠘꠣꠁꠟ ꠇꠝ꠆ꠙꠥꠐꠣꠞ ꠍꠤꠡ꠆ꠐꠦꠝꠞ ꠝꠣꠏꠦ ꠀꠍꠦ ꠝꠣꠁꠇ꠆ꠞꠧꠅꠄꠛ ꠅꠜꠦꠘ ꠀꠞ ꠞꠤꠝꠐ ꠇꠘ꠆ꠐꠞꠟ ꠨ ꠚꠦꠇ꠆ꠐꠞꠤꠞ ꠟꠣꠉꠤ ꠛꠣꠘꠣꠁꠟ ꠅꠁꠟ ꠞꠛꠐ ꠀꠞ ꠇꠝ꠆ꠙꠤꠃꠐꠣꠞꠞ ꠡꠣꠎ꠆ꠎꠦ ꠘꠈꠡꠣ (CAD) ꠨ ꠁꠔꠣ ꠍꠣꠠꠣꠅ ꠢꠣꠝꠦꠡꠣ ꠈꠣꠝꠞ ꠟꠣꠉꠤ ꠛꠣꠘꠣꠁꠟ ꠘꠤꠎꠞ ꠇꠝ꠆ꠙꠤꠃꠐꠣꠞ (PC) ꠀꠞ ꠝꠥꠛꠣꠁꠟ ꠛꠣ ꠁꠍꠝꠣꠞ꠆ꠐ ꠚꠘ ⁕ ꠁꠘ꠆ꠐꠣꠞꠘꠦꠐ ꠇꠝ꠆ꠙꠤꠃꠐꠣꠞ ꠖꠤꠃ ꠌꠣꠟꠣꠘꠤ ꠅꠄ ꠀꠞ ꠁꠇꠐꠣꠄ ꠇꠥꠐꠤ ꠇꠥꠐꠤ ꠇꠝ꠆ꠙꠤꠃꠐꠣꠞ ꠀꠞ ꠇꠝ꠆ꠙꠤꠃꠐꠣꠞꠞ ꠌꠣꠟꠣꠅꠞꠣꠞꠦ ꠄꠇ ꠇꠞꠦ ⁕
ꠁꠔꠤꠀꠡ[edit | edit source]
ꠚꠄꠟꠣ ꠎꠛꠣꠘꠣꠞ ꠇꠝ꠆ꠙꠤꠃꠐꠣꠞ ꠈꠣꠟꠤ ꠉꠘꠣꠞ ꠈꠣꠝꠧ ꠟꠣꠉꠔꠅ ꠨ ꠢꠃ ꠚꠥꠞꠣꠘꠣ ꠎꠝꠣꠘꠣ ꠔꠘꠦ ꠄꠛꠣꠇꠣꠍꠞ ꠟꠣꠈꠣꠘ ꠡꠥꠎꠣ ꠉꠘꠣꠞ ꠎꠘ꠆ꠔ꠆ꠞ ꠖꠤ ꠝꠣꠘ꠆ꠡꠦ ꠢꠤꠡꠣꠛ ꠈꠞꠔꠣ ⁕
ꠟꠇ[edit source]
==ꠀꠞꠧ ꠖꠦꠈꠂꠘ==
ꠕꠥꠇꠣꠘꠤ[edit source]
ꠀ | ꠁ | ꠃ | ꠄ | ꠅ | ꠇ | ꠈ | ꠉ | ꠊ | ꠌ | ꠍ | ꠎ | ꠏ | ꠐ | ꠑ | ꠒ |
ꠔ | ꠕ | ꠖ | ꠗ | ꠘ | ꠙ | ꠚ | ꠛ | ꠜ | ꠝ | ꠞ | ꠟ | ꠡ | ꠢ | ꠠ | ꠓ |