Wp/sdh/حەدیسێ ئەکراد
حەدیسێ ئەکراد حەدیسیگ لە دینی شیعەس ک چەن کەسەیل وتیان ک ئی حەدیسەگە قسە وە کوردەیل کردیا. ئیم وتنی ڕاس نەۊ. حەدیسەگە: «وَلا تَنْكِحُوا مِنَ الأكْرَادِ أَحَداً فَإِنَّهُمْ جِنْسٌ مِنَ الْجِنِّ كُشِفَ عَنْهُمُ الْغِطَاءُ».[1] وە کوردی خوارین: «هەمسەرگری نەکەن وە هیچ کەسیگ لە ئەکراد. خوەیان نەژادیگ لە جن ک پوشەش نەۊی وەبانیان».
ئەکراد (أكراد) وە زوان عەرەبی لە ڕیشەیل «کە-رە-دە» (كَ رَ دَ) هاتنە. هەر وشەیگ ک لە ڕیشەیل «کە-رە-دە» هات یانی «دەرکردن». یانی ئەگەر وە زوان عەرەبی کەس ئۊشد «كَرَدَهُ إلى الجبال» (کەرەدەهو ئیلەل جیبال) ئی یانی «دەری کرد لە زەۊی خوەی و کلی کرد ئەڕا جەوەڵ». فرە جار وەک جەزا دەریان کردنە چۊن ئەکراد چشتیگ گەن کردیان.
ڕاسە ک ئەکراد جارجار یانی کوردەیل، وەلێ ئەکراد جارجاریش یانی «ئەوانە ک کەسیگ دەریان کردیایە لە زەۊی خوەیان» و هیچ پەیوەند وەگەرد کوردەیل نیەرن. ئەکراد تۊەنن هیندی یا چینی یا ئەفریقیایی یا ئەمریکی یا سپانی یا ئۆروپی یا عەرەب یا هەر نەژادیگ تر بۊن.
یەکمین، «وَلا تَنْكِحُوا مِنَ الأكْرَادِ أَحَداً» یانی «هەمسەرگری نەکەن وە هیچ کەسیگ لە ئەکراد»، یانی ئەکراد نەژادیگ فەرە گەن بۊ و هەمسەرگری نەکە وەگەرد یەکی لەلیان چۊن ژیەن لەناو شۊنگ بی قانوون و بی زانیاری و هەم شۊنیان نیە چۊن خوەیان خەلقی شۊنگ تر، بەڵام کەسیگ تر کلیان کردیاسە ئمشۊنە وەک جەزا یانی خوەیان کەسەیل گەنن و چشتەیل خەراو کردیان و وەی بوونەوە هەمسەرگری نیەکەیمن وەگەرد هیچ کەسیگ لە ئەکراد.
دۊمین «فَإِنَّهُمْ جِنْسٌ مِنَ الْجِنِّ كُشِفَ عَنْهُمُ الْغِطَاءُ» یانی «خوەیان نەژادیگ لە جن ک پوشەش نەۊی وەبانیان». لە ئی جومڵەیگ، جن لە وشەێ عەرەبێ «الجَنِين» هات. «الجَنِين» یانی «کۆرپەل». کۆرپەل یانی مناڵ ک لەناو زگی داڵگی ژیەد و نە تیەدە دنیا. کۆرپەلەگان لەناو پوشەش بوون وەرجەی هاتنی خوەیان ئەڕا دنیا و ئیم پوشەش ناوی «کیسی ئامنیۆتی» بیە. ئەگەر پوشەش (کیسی ئامنیۆتی) وەبان کۆرپەل نیە، کۆرپەلەگە دیارەو بوود و فەرە ئاسانەو بوود ک بۊنسیایدەی. «فَإِنَّهُمْ جِنْسٌ مِنَ الْجِنِّ كُشِفَ عَنْهُمُ الْغِطَاءُ» (خوەیان نەژادیگ لە جن ک پوشەش نەۊی وەبانیان) یانی ئەکراد ژیەن لە شۊنگ ک فەرە ئاسانە ک کەسی تۊەند بۊنسیایدەی چۊن کۆرپەل ک پوشەش نیەرد.
لە ئاخر، ئەم حەدیسە باسی کوردەیل نەکردیایە و باسی جنەیلیش هەم نەکردیا. قسە کردیا وەبان خەلقیگ ک کاری فەرە خەراو بکەن تا کەسیگ دەریان کردیاس و کلیان کردە شۊنگ تر و ئەم شۊنە فەرە دیار بۊ، فەرە ئاسانە ک کەس بۊنسیادەی وەک ئاسانیەتی دۊنستی کۆرپەل ک پوشەش نەۊی وەبانی. ئەکراد تۊەستن هەر میللەت بۊن. لەناو تەواوی ئسلام، قسەیل گەن وەبان کورد و وەبان هەر میللەت نیە. ئسلام ئۊشد هەر میللەت یەکسان بوون و هیچ فەرق نیە چۊن گشتیان مناڵەیلی ئادەم و حەوا بوون.