Wp/sdc/Grammàtigga sassaresa

VikiLéttara

Cantieri - Trabagli currenti

Chissu arthìcuru è in custhruzioni. Pudeddi cuntribuì a la so' redazioni.

Grammàtigga sassaresa:.

Orthografia

L'azzentu (accentu)

No è nezzessàriu punì l'azzentu sobbra li paràuri piani.

Presèmpiu, è giusthu punillu sobbra prubìnzia (pa infuimmà chi si leggi prubìnzia e no prubinzìa) ma no à sensu punillu sobbra prubinzi o prubinziari.

Matessi chisthioni vari pa l'azzentu sobbra réttiri, mammìfari (giusthu) ma è inùtiri cun animari vertebraddi, pesci, pidzoni.

Li aipiraddi (espiraddi, arenaddi)

Li aipiraddi, puru ciamaddi espiraddi o arenaddi, sò ...

dentari:

lth: ùlthimu
rth: morthu, porthu, torthu, urthuranu
sth: isthiu, chisthu, cabbisthùria

ldh: caldhu
rdh: cardhu, Sardhigna
sdh: giurisdhizioni, isdhinti(g)gaddu

o gutturari:

lch: di malchori, (c)alche/i
rch: barchoni, kerchu/cherchu
sch: (i)schora, ischutzurà/ischuzzurà

lgh: algha
rgh: no t'allarghà assai!, varghogna
sgh: isghàibu, (d)isghanaddu.

Lu grafema (la cumbinazioni di léttari) sg:

gèsgia, chisgina, càsgiu, rasgioni

Li vèibbi (vèibi)

Vèibbi ausiriari

Li vèibbi ausiriari so assé e abé.

Vèibbu assé (assè)

Indicatibu prisenti (Ind. pris.)

eiu (eu, eju) soggu (so')

tu sei (se')

eddu, edda, ghissu, ghissa, vosthè è

noi semmu (sèmu)

voi (voiasthri), vosthè seddi

eddi, ghissi so (sò)

Indicatibu impaiffettu
(Ind. imp.)

eu era

tu eri

eddu era

noi èrami

voi èraddi

eddi èrani

Ind. pass. pross.

eiu soggu isthaddu

tu sei isthaddu

eddu è isthaddu

noi semmu isthaddi

voi seddi isthaddi

eddi so isthaddi

Inf. pris.

assé

Inf. pass.

assé isthaddu

Indicatibu futuru sémprizi (Ind. Fut. semp.)

eiu (eu, eju) saràggiu (saraggiu)

tu saré (sarai)

eddu, edda, ghissu, ghissa, vosthè sarà

noi saremmu (saremu)

voi (voiasthri), vosthè sareddi

eddi, ghissi sarani

Vèibbu abé

Ind. pris.

eu àggiu (aggiu)

tu hai (ai)

eddu ha (à, hà)

noi abemmu (avemmu, abemu, avimmu)

voi abeddi

eddi hani (ani)

Ind. imp.

eu abia

tu abì o abisthi

eddu abia

noi abìami

voi abìaddi

eddi abìani

Ind. pass. pross.

eiu àggiu auddu

tu hai auddu

eddu ha auddu

noi abemmu auddu

voi abeddi auddu

eddi hani auddu

Inf. pris.

abé

Inf. pass.

abé auddu

Ind. Fut. semp.

eu abaràggiu (abaraggiu)

tu abaré (abarai)

eddu abarà

noi abaremmu (abaremu)

voi abareddi

eddi abarani

Vèibbi rigurari

Li coniugazioni di li vèibbi rigurari so dui. Li disthinghimmu da la desinènzia di l’infiniddu prisenti, dibessa una da l’althra.
La primma desinènzia è in -à (labà, magnà, cantà, amà).
La di dui è in -ì (currì, finì, arribì, parthì).

Primma coniugazioni (magnà, labà, cantà, ...)

Ind. pris. att.

eu cantu

tu canti

eddu canta

noi cantemmu

voi canteddi

eddi càntani

Ind. imp. att.

eiu (eu) cantaba

tu cantabi

eddu cantaba

noi cantàbami

voi cantàbaddi

eddi cantàbani

Ind. pass. pross.

eiu (eu) àggiu cantaddu

tu hai cantaddu

eddu ha cantaddu

noi abemmu cantaddu

voi abeddi cantaddu

eddi hani cantaddu

Inf. pris.

cantà

Inf. pass.

abé cantaddu

Segunda coniugazioni (currì, finì, arribì, ...)

Ind. pris. att.

eu curru

tu curri

eddu curri

noi currimmu

voi curriddi

eddi cùrrini

Ind. imp. att.

eiu (eu) curria

tu currì (curristhi)

eddu curria

noi currìami

voi currìaddi

eddi currìani

Althri vèibbi irrigurari

dà

Ind. pris.

eu doggu

tu dai

eddu dazi (dazzi)

noi demmu

voi deddi

eddi dani (dàzini, dazzini)

dì

Ind. pris.

eu diggu

tu dizi (dì)

eddu dizi (dizzi)

noi dimmu

voi diddi (didi, dizzeddi)

eddi dìzini (dìzzini)

dibì/dubé

Ind. pris.

eu debu (devu)

tu debi

eddu debi

noi dibimmu/dubimmu

voi dibiddi/dubiddi

eddi dèbini

fa/fà

Ind. pris.

eu fozzu (fotzu)

tu fazzi (fai)

eddu fazzi (fazi)

noi femmu (fèmu)

voi feddi (fédi)

eddi fàzzini (fàzini, fani)

isthà/sthà

Ind. pris.

eu (i)sthoggu

tu (i)sthai

eddu (i)sthazi (isthazzi)

noi (i)sthemmu

voi (i)stheddi

eddi (i)sthàzini (isthàzzini)

pudé

Ind. pris.

eu/éiu possu

tu pói

eddu pó/pò

noi pudimmu (pudemmu)

voi pudiddi (pudeddi)

eddi poni (póni)

punì

Ind. pris.

eu pongu

tu poni

eddu poni

noi punimmu

voi puniddi

eddi pònini

sabé (sabbé)

Ind. pris.

eu soggu

tu sai

eddu sa (sà)

noi sabemmu (sabbemmu)

voi sabeddi (sabbeddi)

eddi sani

vidé/vidè

Ind. pris.

eu veggu

tu vedi

eddu vedi

noi vidimmu (videmmu)

voi vididdi (videddi)

eddi vèdini

vuré/vulé

Ind. pris.

eu vogliu (vògliu)

tu vói (bói)

eddu vó/vò (bó)

noi vuremmu (vurimmu, vulemu, vulimmu)

voi vureddi (vuriddi, vuleddi)

eddi voni (vóni)

Bibriografia

- Gian Paolo Bazzoni, Elementi di Grammatica Sassarese, SIG, Muros, 1999.

Vidé puru