Wp/sdc/Linga sassaresa

From Wikimedia Incubator

Lu sassaresu (dittu puru turritanu) è 'na linga rumanza miridiunari, cumenti lu cossu e lu saldhu, chi fazzi da ponti linghìsthicu fra eddi e cu' li diaretti itariani tuschani e lìguri.

È naddu cumenti diarettu puburanu marchantiri i' lu XII-XIII sécuru, impari a la ziddai di Sàssari. Daboi s'è esthesu a li territóri di la Reprùbbigga di Sàssari, cumenti li vécci curadori giùdiziari di la Flumenargia, la Nurra e la Romangia (o Romania). Abà è fabiddaddu da zircha 125.000 passoni (i' na puburazioni di 175.000, indi zi fabédda puru lu saldhu e l'itarianu) a Sàssari, Posthudorra, Sossu e Isthintini; a Caltheddu Saldhu, Sedini e Zèrigu si fabédda la varieddai diarettari caltheddanesi.