Wp/rsk/Меркалийова скала
Меркали—Канкани—Зиберґова скала (MCS скала), познатша лєм як Меркалийова скала, дефинує зявенє и пременки, хтори виволую трешеня жеми, при людзох и животиньох. Тиж, описую и пременки на будинкох и у природи, хтори наставаю як пошлїдок трешеня жеми. Наволана є по сеизмогоґох хтори ю дефиновали, а то: Дюжепе Меркали, Канкани и Зиберґ.
Меркалийова скала[edit | edit source]
Ма 12 ступнї:
- 1 — Людзе нє чувствую трешенє.
- 2 — Даєдни людзе чувствую кед су у стану мированя або на висших поверхох у будинку.
- 3 — Векшина людзох, хтори у завартим простору чувствую трешенє. Предмети хтори виша (нпр. лустери) ше колїмбаю. Людзе на отворим нє чувствую трешенє.
- 4 — Векшина людзох, хтори у завартим простору чувствую трешенє. Предмети, хтори виша, ше колїмбаю, танєри черкаю, облаки и дзвери шкрипя.
- 5 — Углавним шицки чувствую трешенє. Тоти хтори шпя — будза ше. Дзвери ше отвераю, судзина пада, слики на муре ше колїмбаю. Мали предмети ше преврацаю. Древа ше можу колїмбац, чечносц хтора у отворених судзинох виплюскує зоз нїх.
- 6 — Шицки чувствую трешенє. Людзе маю почежкосци рушац ше. Предмети падаю зоз полїчкох. Слики падаю зоз мурох. Мебель ше порушує. Пука малтер. Древа ше трешу. Правя ше менши чкоди на хижох хтори подло збудовани.
- 7 — Людзе маю почежкосци стац, вожаче чувствую же ше превозка треше. Даєден мебель пука. Черепи падаю зоз крова. Менши до штреднї очкодованя на квалитетних будинкох. Значнєйши очкодованя на старих будинкох.
- 8 — Вожаче маю почежкосци вожиц превозки. Валяю ше хижи. Високи будовнї як цо то солитери и комини ше колїмбаю и можу ше звалїц. Добре збудовани будинки прецерпя озбильни очкодованя. Стебла ше ламу. Уровень води у студньох ше меня.
- 9 — Добре вибудовани будинки маю озбильни очкодованя. Под'жемни циви пукаю. Жем пука. Резервоари маю озбильни очкодованя.
- 10 — Векшина хижох очкодована. Даєдни мости ше валяю. Брани маю озбильни очкодованя. Вода ше вилїва на побрежя рикох, озерох. Желєзни шини ше деформую. Жем пука на вецей местох.
- 11 — Векшина хижох звалєна по темель. Даєдни мости ше валяю. Глїбоки розпукнуца жеми. Желєзни шини цалком деформовани.
- 12 — Углавним шицко знїщене. Будинки лєца до воздуху. Жем ше порушує як габа. Високи стини ше порушую.