Wp/rki/ရှ့ဆုန်
ဆမ္မဆန် (ရှ့ဆုန်)ဧ့ အကြောင်းကို ဓမ္မဟောင်းကျမ်း၊ တရားသူကြီးမှတ်စာ အခန်းတွင် ဖော်ပြပါဟိရေ။ အဇ္ဇရီယယ် (ဣတရေလ) လူမျိုးရို့ဧ့ ရှေးရိုးပုံပြင်တွင် ဆမ္မဆန်မှာ အလွန်ခွန်အားဗလကြီးရေ သူရဲကောင်းအဖြစ် ထင်ယှားလေ ရေ။ ယင့်ခါက အဇ္ဇရီယယ်လူမျိုးရို့မှာ ဖိလစ္စတင်း(ဖိလိတ္တိ) လူမျိုးရို့ဧ့ လက်အောက်တွင်ဟိရေ။ ဆမ္မဆန်ရေ မိမိဧ့ အမျိုးသားတိဖြစ်ရေ အဇ္ဇရီယယ်လူမျိုးအား ဖိလစ္စတင်း လူမျိုးရို့ဧ့ လက်တွင်းမှ ကယ်ရန် ကြိုးစားခသူ ဖြစ်ရေ။ အနောက်တိုင်းစာပေနန့် စကားပုံတိတွင် ဆမ္မဆန်ဧ့ ခွန်အား နန့် ဒလိုင်းလားဧ့ သစ္စာမဲ့ပုံတိကို တင်စားပနာမကြာမကြာ ထည့်သွင်းဖော်ပြလေ့ဟိဧ့။
ဆမ္မဆန်ရေ မိမိနန့်ရည်ငံနေရေ ဖိလစ္စတင်းအမျိုး သမီးထံသို့အလားတွင် လမ်း၌ ခြင်္သေ့တစ်ကောင်နန့် တွေ့ပနာ ထိုသားရဲကို လက်ချည်းသက်သက်ဖြင့် သတ်ဖြတ်ခဧ့။ တစ်ခါ ကေ၊ ဆမ္မဆန်ရေ မြေခွေး ၃ဝဝ ကိုဖမ်း၍၊ အမြီးဖျားတွင် မီးတုတ်ချည်လျက် ဖိလစ္စတင်းလူမျိုးရို့ဧ့ လယ်ယာတိကို မီးရှို့ဖျက်ဆီးပစ်လေ ရေ။ ဖိလစ္စတင်းရို့လည်း ဆမ္မဆန်ဧ့ ဇနီးနန့်တကွ အိမ်သူအိမ်သားတိကို သတ်၍လက်စားချေကြ ဧ့။ ယင့်ခါ ဆမ္မဆန်ရေ မြည်းမေးရိုးတစ်ချောင်းဖြင့် ဖိလစ္စ တင်းအမျိုးသားတစ်ယောက်ကို ရိုက်သတ်လီရေ။ တစ်ဖန် ဆမ္မဆန်ရေ ဒလိုင်းလား (ဒေလိလ)နာမည်ဟိ ရေ ဖိလစ္စတင်းအမျိုးသမီးတစ်ဦးနန့် ရည်ငံပြန်ဧ့။ ထိုမိန်းမ ရေ ဆမ္မဆန်ဧ့ ကြီးမားရေ ခွန်အားရေ သူဧ့ဆံပင်၌ တည်ဟိကြောင်းကို သိရအနိန်နန့် သူအိပ် ပျော်နေခိုက် ဆံပင်ကို ရိတ်ပစ်လီရေ။ ယင့်ခါ ဖိလစ္စတင်းလူမျိုးရို့ရေ ဆမ္မဆန် အားဖမ်းဆီးနိုင်ကြပနာမျက်လုံးအစုံကို ဖောက်ပြီးကေ ထောင် သွင်းအကျဉ်းချထားကြလီရေ။
ဖိလစ္စတင်းလူမျိုးရို့ဧ့ ဒေးဂုန်နတ်ပွဲနေ့တွင် ဆမ္မဆန်ကို ဘုရားကျောင်းထဲသို့ ခေါ်ဆောင်ခကြလီရေ။ ဆမ္မဆန်တွင် ဆံပင်တိ ပြန်၍ပေါက်လာပြီဖြစ်ရာ၊ ခွန်အားလည်းပြန်ပနာပြည့် လာပြီဖြစ်ဧ့။ ဘုရားကျောင်းထဲတွင် ဖိလစ္စတင်းမင်းတိနန့် ဧည့်ပရိသတ်ရို့ဖြင့် ပြည့်လျက်ဟိရေ။ ဆမ္မဆန်လည်း ဘုရား ကျောင်းတိုင်နှစ်ခုကို မှီလျက်ရပ်နဧ့။ ထိုနောက် ဆမ္မဆန်ရေ အားကုန်သွန်ပနာထိုတိုင်တိကိုတွန်းလှဲဖြိုဖျက်လိုက်ရာ၊ ကျောင်း အဆောက်အအုံ ပြိုပျက်ပိကျပနာသူနန့်တကွ ဖိလစ္စတင်းလူမျိုး မြောက်မြားစွာရို့ သေကြေပျက်စီးကုန်ဧ့။
ကဗျာစာဆိုကျော် ဂျွန် မီလတန်က ဆမ္မဆန်အကြောင်းကို ကဗျာဖွဲ့ဆိုခဧ့။ တေးသံစုံဇာတ်နန့် ရုပ်သျှင်ကားတိဖြင့်လည်း ဆမ္မဆန်နန့် ဒလိုင်းလားအကြောင်းကို သရုပ်ဖော်ပြခကတ်ရေ။[1]
ကိုးကား[edit | edit source]
- ↑ မြန်မာ့စွယ်စုံကျမ်း၊ အတွဲ(၄)