Wp/rki/နယူထရွန်ကြယ်
နယူထရွန်ကြယ် ရေ ဒြပ်ဆွဲအားပြိုကွဲမှုကြောင့် ဖြစ်တည်လာရေ သိပ်ရီးရေ ကြယ်ဖြစ်ရေ။ ယင်းရို့ဧ့ မူလကြယ်တိရေ ကကောင်းကြီးမားလှပြီး ဆူပါနိုဗာ ဖြစ်စဉ်ပြီးမှ ဖြစ်တည်လာကတ်ရေ ကြယ်ဖြစ်ရေ။ နယူထရွန်ကြယ်တိရေ စကြဝဠာတွင် အသေးဆုံးကြယ်တိဟု သတ်မှတ်နိုင်ပြီး အချင်းအားဖြင့် ၁၂-၁၃ ကီလိုမီတာ (၇ မိုင်) ခန့်သာဟိရေ။ နယူထရွန်ကြယ်တိရေ ကြယ်တစ်ခုလုံးအား နူထရွန်တိဖြင့် ဖွဲ့စည်းထားရေ။ နူထရွန်တိရေ အက်တမ်ထက် သေးငယ်ရေ အမှုန်တိဖြစ်ကာ ပရိုတွန်ထက် တဖဲ့ချေသာ ကြီးမားရေ။ နယူထရွန်ကြယ်တိရေ ကကောင်း ပူပြင်းမည်ဟု ယူဆရရေ။ နယူထရွန်ကြယ်တစ်စင်းရေ နေထုထည်ဧ့ အနည်းဆုံး ၁.၁ မှ ၃ ရာခိုင်နှုန်းသာ ဟိရေ။[1][2] များရေအားဖြင့် အပူချိန်ရေ ~၆×၁၀၅ K ဟိရေ။[3][4][5][6] နယူထရွန်ကြယ်တွင်ဟိရေ သာမန်မီးခြစ်အရွယ်အစား အရာဝတ္ထုတစ်ခုရေ တန်ချိန်ပေါင်း ၅ ထရီလီယံနီးပါးခန့် အလေးချိန်ဟိမည်ဖြစ်ရေ။
ယှာဖွီတွိ့ဟိမှုသမိုင်း[edit | edit source]
၁၉၃၄ ခုနှစ်တွင် Walter Baade နန့် Fritz Zwicky ဆိုသူရို့က နယူထရွန်ကြယ်တည်ဟိကြောင်း အဆိုပြုခရေ။[7] တစ်နှစ်ကြာကေ James Chadwick မှ နယူထရွန်ကြယ်အား ယှာဖွီတွိ့ဟိခရေ။
လည်ပတ်မှု[edit | edit source]
နယူထရွန်ကြယ်တိရေ ကကောင်းမြန်ဆန်စွာ လှည့်ပတ်ကတ်ရေ။ မွီးကင်စကြယ်တိရေလည်း တစ်စက္ကန့်ကေ အကြိမ်ပေါင်းတိစွာ လှည့်ပတ်ကတ်ရေ။ နယူထရွန်ကြယ်တိရေကား တစ်စက္ကန့်ကေ အကြိမ်ရာပေါင်းတိစွာ လှည့်ပတ်ကတ်ရေ။ အကြောင်းမူ အနီးအနားဟိ အဖော်ကြယ်ဆီမှ အရာဝတ္ထုတိကို စုပ်ယူကာ အဟိန်တင်သကဲ့သို့ဖြစ်ရေကြောင့်ပေတည်း။ အချိန်ကြာလာကေ လည်ပတ်နှုန်းရေ ကျဆင်းလားကတ်ရေ။ သက်တမ်းရင့်ရေနယူထရွန်ကြယ်တိရေ တစ်စက္ကန့်ကေ အကြိမ်ရေတိစွာခန့်သာ လည်ပတ်ကြတော့ရေ။
သိပ်ရီးမှုနန့် အကွာအဝီးတိ[edit | edit source]
ဂုလက်ဟိအချိန်တွင် နဂါးငွေ့တန်း ဂယ်လက်ဆီနန့် မစ်ဂဲလ်လစ်နစ် တိမ်တိုက်တွင် နယူထရွန်ကြယ်ပေါင်း ၂ဝဝဝ အထိ သိဟိထားရေ။ အများစုဖို့ ရေဒီယို ပါလဆာတိအဖြစ် ခြီရာခံမိထားရေ။ အချို့ရေ အနီးစပ်ဆုံး နယူထရွန်ကြယ်တိဖို့ RX J1856.5-375 (အလင်းနှစ် ၄ဝဝ အကွာခန့်) နန့် PSR J0108-1431 (အလင်းနှစ် ၄၂၄ အကွာ) ရို့ဖြစ်ကတ်ရေ။
ဒွိနယူထရွန်ကြယ်တိ[edit | edit source]
အကျွန်ရို့သိရေ နယူထရွန်ကြယ်တိဧ့ ၅ ရာခိုင်နှုန်းရေ အဖော်ကြယ်တိဧ့အဖွဲ့ဝင်တိဖြစ်ကတ်ရေ။ ဒွိနယူထရွန်ကြယ်တိဧ့ ဖွဲ့စည်းပုံနန့် ဆင့်ကဲပြောင်းလဲမှုတိရေ ရှုပ်ထွီးလှရေ။[8] အဖော်ကြယ်ရေ သာမန်ကြယ် သို့မဟုတ် ကြယ်ဖြူပု သို့မဟုတ် အခြားနယူရွန်ကြယ်တိ ဖြစ်နိုင်ရေ။ ခေတ်သစ်သီအိုရီတိအရ နယူထရွန်ကြယ်တိရေ တွင်းနက်အဖော်တိနန့် တည်ဟိနိုင်ရေလို့ဆိုရေ။ ယင်းဒွိစနစ်တိရေ ဒြပ်ဆွဲအားလှိုင်းတိဧ့ အဓိကပင်ရင်းဖြစ်နိုင်ရေ။ ဒွိကြယ်စနစ်တွင်ဟိရေ နယူထရွန်ကြယ်တိရေ X-ray တိအား ထုတ်ပီးရေ။
ပြခန်း[edit | edit source]
-
ဗီဒီယို - ထုထည် အချင်းမိုင် ၁၆ (၂၅ ကီလိုမီတာ) ဟိရေနယူထရွန်ကြယ်တွင် ကမ္ဘာအလုံးပေါင်း ၅ဝဝဝဝဝ ထည့်ထားနိုင်ရေ။
-
ဗီဒီယို - နယူထရွန်ကြယ် တိုက်မိပုံ (သရုပ်ဖော်ပြချက်)။
-
ဗီဒီယို - နယူထရွန်ကြယ် ထိတိုက်မိခြင်း။
အခြားကြည့်ရန်[edit | edit source]
ကျမ်းကိုး[edit | edit source]
- ↑ "On the Mass Distribution and Birth Masses of Neutron Stars" (September 2012). The Astrophysical Journal 757 (1): 13. doi:. Bibcode: 2012ApJ...757...55O. Retrieved on 14 May 2015.
- ↑ "On the Maximum Mass of Neutron Stars" (19 November 2013). International Journal of Modern Physics 1 (28): 1330018. doi:. Bibcode: 2013IJMPE..2230018C. Retrieved on 14 May 2015.
- ↑ Bulent Kiziltan (2011). Reassessing the Fundamentals: On the Evolution, Ages and Masses of Neutron Stars. Universal-Publishers. ISBN 1-61233-765-1.
- ↑ Neutron star mass measurements
- ↑ "Nasa Ask an Astrophysist: Maximum Mass of a Neutron Star". Archived from the original on 9 November 2014. Retrieved 30 October 2015.
- ↑ Paweł Haensel; A Y Potekhin; D G Yakovlev (2007). Neutron Stars. Springer. ISBN 0-387-33543-9.
- ↑ Baade, Walter (1934). "Remarks on Super-Novae and Cosmic Rays". Phys. Rev. 46 (1): 76–77. doi:. Bibcode: 1934PhRv...46...76B.
- ↑ Tauris & van den Heuvel (2006), in Compact Stellar X-ray Sources. Eds. Lewin and van der Klis, Cambridge University Press http://adsabs.harvard.edu/abs/2006csxs.book..623T