Wp/rki/စစ်တကောင်းမြို့စစ်ဆင်ထုံး
မင်းထီး လက်ထက် မောက်သူဇာဘင်္ဂါဆယ့်နှစ်မြို့ ကုလားရို့ သက်မင်း ငဖုန်းနန့် ပေါင်းပြီးပနာ ဒီလီပဆာမင်း ထံဝင်လျက် ရေင်းကျန်းလေပြန်ရာ စစ်သူကြီးဓမ္မဇေယျနန့် ကိုယ်ရံ ကြီးပြသထ ထိုနှစ်ယောက်ကိုရဲမက်တစ်သိန်းငါးရေင်းနန့်ချီတက်စေခါ နှိမ်နင်းခရေ။
မဟားစိုးကျွန်းမှာသက်ရို့ရေ ခိုင်လုံစွာနန့်ကြိမ်တန်းတောင်ကခံနီလေရေ။ ကုလားတိလည်း စစ်တကောင်းအဝင် ဟင်ရာဝက သင်္ဘောတစ်ရာ၊ လက်နက်အစုံနန့် ဆီးဆို့နီလေရေ။ ရခိုင်တပ်က မရိမ်ဝမှာသူရဲတစ် ရေင်းနန့် ခိုင်ခန့်စွာနီပြီး စပ်တင်လှေကြီးငါးရာကို ကျောက်တင်စေပြီးမှ သင်္ဘောထွက် ရေကြောင်း၌ ညဉ့်အခါလားပနာ မြှုပ်ထားစေရေ။ ထိုသို့ပြီးလေရာ ဝါးဖေါင်တစ်ထောင်၌ အမှိုက်ပြည့်စွာထည့်လျက် လူရုပ်သဏ္ဍာန် လက်နက်စွဲကိုင်စေပနာ စစ်ဝတ်ဆင်ပြီးလျင် ထိုဝါးဖေါင်မှာအတိ ထည့်လေရေ။ ယင်းသို့ ပြီးမူ ယမ်းအိုးတိစေ့အောင် ဝါးဖေါင်၌ ထည့်လေပနာ ဖြားကြီးရေနိ၌ မြစ်ညာက ထိုဝါးဖေါင်ရို့ကို မျှောလေရာ သင်္ဘောကုလားရို့က လူအမှတ်ထင်ပနာ အမြောက်နန့် ပစ်လေရေ ကာလ ဝါးဖေါင်၌ ယမ်းအိုးကမီးထပနာ သင်္ဘောသို့ ရောက်လတ်လျင် ပင်လယ်သို့ထွက်လေရာ ရေကြောင်းပိတ်ဆို့ ဟိပြန်လေရေကြောင့် မထွက်နိုင်လေ။ ထိုဝါးဖေါင်ရို့ရေ မီးပုံကြီးစွာ ထပ်ကာထပ်ကာ မျောလာထိခိုက် သင်္ဘောကို မီးစွဲလေပနာ သင်္ဘောတပ် ပျက်သုံးလေရာ ကုန်းတပ်ကုလားရို့ စစ်တကောင်းမြို့က ဆုတ်လားကြလေလျှင် မြို့ကို ဓါးလှံမကျိုး လွယ်ကာနန့် ရလေရေ။ [1]
ကိုးကာ[edit | edit source]
- ↑ ရခိုင်သုတအဘိဓာန် - အောင်လှသိန်း (၂၀၁၅)