Wp/nr/Isibongo sikamma owendileko
Isingeniso[edit | edit source]
Isitjhaba samaNdebele sesithuthuke ngeendlela ezinengi emikhakheni ehlukahlukeneko. Kuqakathekile bona imvelaphi yaso yazeke begodu ihlaliswe ngendlela efaneleko. Umuntu nakakhulako ukhamba iingaba ezithileko zepilo begodu ngokwesitjhaba samaNdebele, esinye nesinye isigaba sinebizo begodu kukhona okulindelekileko okukhambisana nesigabeso.
Iingaba zokukhula komuntu wengubo[edit | edit source]
Umntwana womntazana nakabelethwako uphiwa ibizo azokubizwa ngalo ukufikela la aba litlawana khona. Nasele alitlawana kukhona isiko elinziweko elibizwa ngokuthomba. Isibonelo, umntazana lo nakabelethwako unikelwe ibizo likaThandeka, ngemva kobana adluliswe anikelwe ibizo likaNdlelehle. Umntazana lo nangabe ungewakwaSkhosana uzokubizwa ngoNaSkhosana. UNaSkhosana lo nanyana angathathwa kwaMahlangu uzokubizwa ngoNaSkhosana. Njengombana sele athethwe kwaMahlangu usokunikelwa ibizo lakhe lekwendeni.
Kuqakathekile bona sazi bona umma oliNdebele nasele athethwe unikelwa ibizo likamalukazana. Esitjhabeni samaNdebele kukhona amabizo amahlanu anikelwa abomakoti, kukhona uLombeni, uKumbuza, uMaphangela noMzangobe.