Wp/nod/ᩈᩫ᩠ᨾᨯᩮ᩠ᨫᨻᩕᨾᩉᩣᨴᩮᩅᩦᨸᩮ᩠ᨶᨧᩮᩢ᩶ᩣᩋᩮᩃᩥᨪᩣᨷᩮ᩠ᨴᨴᩦ᩵ ᪒ ᩉᩯ᩠᩵ᨦᩈᩉᩁᩣᨩᩋᩣᨱᩣᨧᩢᨠ᩠ᨠ᩼
ᩈᩫ᩠ᨾᨯᩮ᩠ᨫᨻᩕᨾᩉᩣᨴᩮᩅᩦᨸᩮ᩠ᨶᨧᩮᩢ᩶ᩣᩋᩮᩃᩥᨪᩣᨷᩮ᩠ᨴᨴᩦ᩵ ᪒ (ᩋᩢ᩠ᨦᨠᩕᩥ᩠ᩈ: Elizabeth II; ᪂᪁ ᨾᩮᩇᩣᨿᩫ᩠ᨶ ᨣ.ᩈ. ᪁᪉᪂᪆ - ᪈ ᨠᩢᨶ᩠ᨿᩣᨿᩫ᩠ᨶ ᨣ.ᩈ. ᪂᪀᪂᪂) ᨴᩕᩫ᩠ᨦᨸᩮ᩠ᨶᨠᩕᩈᩢ᩠ᨲᨡᩬᨦᩈᩉᩁᩣᨩᩋᩣᨱᩣᨧᩢᨠ᩠ᨠ᩼ ᩓᨻᩕᨷᩕᨾᩩᨡ᩼ᨡᩬᨦᨳᩯ᩠ᨾ ᪁᪄ ᨷᩕᨴᩮ᩠ᩆᨧᩣ᩠ᨠ ᪅᪃ ᩁᩢᨭᩛ᩼ᩈᨾᩣᨪᩥ᩠ᨠᨶᩲᨣᩕᩮᩬᩨᩋᨧᩢᨠ᩠ᨠᨽᩫᨻᩛ᩼ᩉᩯ᩠᩵ᨦᨷᩕᨩᩣᨩᩣ᩠ᨲ, ᨷᩕᨵᩣ᩠ᨶᨣᩕᩮᩬᩨᩋᨧᩢᨠ᩠ᨠᨽᩫᨻᩛ᩼, ᩓᨷᩕᨾᩩᨡ᩼ᩈᩪᨦᩈᩩᨯᩉᩯ᩠᩵ᨦᨣᩕᩥᩈ᩠ᨲᨧᩢᨠ᩠ᨠ᩼ᩉᩯ᩠᩵ᨦᩋᩢ᩠ᨦᨠᩕᩥ᩠ᩈ᪩ ᨴᩕᩫ᩠ᨦᨸᩮ᩠ᨶᨻᩕᩈᩢᨲᩕᩦᨴᩦ᩵ᩈ᩠ᩅ᩻ᩮᩥ᩠ᨿᩁᩣᨩᩈᩫᨾ᩠ᨷᩢᨲᩥ᩼ᨶᩢ᩠᩵ᨦᨾᩮᩬᩨᨦᨾᩮᩥ᩠ᨶ ᪇᪀ ᨸᩦ ᨶᩢ᩠ᨷᩅ᩵ᩤᨾᩮᩥ᩠ᨶᨶᩣ᩠ᨶᨴᩦ᩵ᩈᩩᨯᨶᩲᨷᩕᩅᩢᨲ᩠ᨲᩥᩆᩣᩈ᩠ᨲᩕ᩼ᩋᩢ᩠ᨦᨠᩕᩥ᩠ᩈ ᨾᩮᩥ᩠ᨶᩉᩮᩖᩬᩥᩋᩈᩫ᩠ᨾᨯᩮ᩠ᨫᨻᩕᨾᩉᩣᨴᩮᩅᩦᨸᩮ᩠ᨶᨧᩮᩢ᩶ᩣᩅᩥ᩠ᨣᨴᩬᩴᩁ᩠ᨿᩮ ᨪᩮᩥ᩠᩵ᨦᨸᩮ᩠ᨶᨧᩮᩢ᩶ᩣᨾᩯ᩵ᨡᩬᨦᨧᩮᩢ᩶ᩣᨸᩪ᩵ᨡᩬᨦᨻᩕᨶᩣ᩠ᨦ ᩓᨶᩢ᩠ᨷᩅ᩵ᩤᨾᩮᩥ᩠ᨶᨶᩣ᩠ᨶᨸᩮ᩠ᨶᩃᩣᩴᨯᩢ᩠ᨷᨴᩦ᩵ ᪂ ᨡᩬᨦᩃᩰᩫ᩠ᨠ ᨿᩬ᩵ᨾᨧᩣ᩠ᨠᨻᩕᨸᩮ᩠ᨶᨧᩮᩢ᩶ᩣᩉᩖᩩᨿ᩠ᩈ᩼ᨴᩦ᩵ ᪑᪔ ᩉᩯ᩠᩵ᨦᨺᩕᩢ᩠᩵ᨦᩔᩮ᪩