Wp/nod/ᨷᩕ᩠ᨿᩣᨷᩕᨯᩥᩇᩛ᩼
ᨷᩕ᩠ᨿᩣᨷᩕᨯᩥᩇᩛ᩼, ᨷᩢᨱ᩠ᨬᩣᨷᩕᨯᩥᩇᩛ᩼ ᨣᩤ ᩋᩮᩋᩱ (AI ᨪᩮ᩠ᨦᩥ᩵ᩉ᩠ᨿᩬᩴ᩶ᩃᩩᨠ᩼ᨣᩤᩴᨲᩮ᩠ᨾᨽᩣᩈᩣᩋ᩠ᨦᩢᨠᩕᩥ᩠ᩈ Artificial Intelligence) ᨤᩨᨷᩕ᩠ᨿᩣ (ᨠᩣ᩠ᩁᩁ᩠ᨷᩢᩁᩪ᩶ ᩈᩘᨣᩕᩰᩬᩡᩉ᩼ ᩓᩋᨶᩩᨾᩣ᩠ᨶᨡᩬᩴ᩶ᨾᩪᩃ᩼) ᨴᩦ᩵ᩈᨯᩯ᩠ᨦᩋᩬᨠᨯᩰ᩠ᨿᩫᨣᩕᩮᩬᩨ᩵ᨦᨧᩢᨠ᩠ᨠ᩼ᨠ᩠ᩃᩫ ᨹᩯ᩠ᨠᨠ᩠ᨷᩢᨷᩕ᩠ᨿᩣᨴᩦ᩵ᩈᨯᩯ᩠ᨦᩋᩬᨠᨯᩰ᩠ᨿᩫᨾᨶᩩᩔ᩼ᨴᩘ᩠ᩃᩣ᩠ᨿᨣᩤᩈᩢᨲ᩠ᩅ᩼ᩋ᩠ᨶᩨ᩵᪩ ᨲ᩠ᩅᩫᩀ᩵ᩣ᩠ᨦᨡᩬᨦᩅ᩠ᨿᨠᨠᩣ᩠ᩁᨴᩦ᩵ᨷᩕ᩠ᨿᩣᨷᩕᨯᩥᩇᩛ᩼ᨿᩮ᩠ᨿᩡᨯᩱ᩶ ᨩᩮᩬᩨ᩶ᩋᩅ᩵ᩤ ᨠᩣ᩠ᩁᩁᩪ᩶ᨧᩣᩴᨣᩤᩴᩋᩪ᩶, ᨤᩬᨾᨽ᩠ᩅᩥᨴᩮᩬᩥᩁ᩼ᩅᩥᨴᩢᩆ᩠ᨶ᩼, ᨠᩣ᩠ᩁᨸᩯᩖᨽᩣᩈᩣ (ᨵᩢᨾ᩠ᨾᨩᩣ᩠ᨲ), ᩓᨠᩣ᩠ᩁᨹᩪᨠᨿᩰ᩠ᨦᩫᨡᩬᩴ᩶ᨾᩪᩃ᩼ᨴᩦ᩵ᨸᩬ᩶ᩁᨡᩮᩢ᩶ᩣᩁᨷ᩠ᨷᩫ᪩
ᨠᩣ᩠ᩁᨷᩕᨿᩩᨠ᩠ᨲ᩼ᨩᩲ᩶ᨷᩕ᩠ᨿᩣᨷᩕᨯᩥᩇᩛ᩼ᨾᩦᩉᩖᩣ᩠ᨿᩀ᩵ᩣ᩠ᨦ ᨩᩮᩬᩨ᩶ᩋᩅ᩵ᩤᨣᩕᩮᩬᩨ᩵ᨦᨾᩨᨪᩰᩬᩡᩉᩣᨹ᩵ᩣ᩠ᨶᩅᩮ᩠ᨷᩢᨡ᩠ᨶᩢ᩶ᩈᩪᨦ (ᨩᩮᩬᩨ᩶ᩋᩅ᩵ᩤ ᨣᩪᨣᩮ᩠ᩃᩥᩈᩮᩥᩁ᩠ᨩ᩼), ᩁᨷ᩠ᨷᩫᨣᩤᩴᨶᩯᩡᨶᩣᩴ (ᨩᩲ᩶ᨯᩰ᩠ᨿᩫᩀᩪᨵᩪᨷ᩼, ᩋᩯᨾᨪᩬᨶ᩼, ᩓᨶᩮ᩠ᨲᩢᨼᩖᩥᨣ᩠ᩈ᩼), ᨠᩣ᩠ᩁᨡᩮᩢ᩶ᩣᨧᩲᨣᩤᩴᩋᩪ᩶ᨡᩬᨦᨾᨶᩩᩔ᩼ (ᨩᩮᩬᩨ᩶ᩋᩅ᩵ᩤ ᩈᩥᩁᩦ, ᩋᩃᩮ᩠ᨠᩢᨪᩣ), ᩁ᩠ᨳᩫᨿᨶ᩠ᨲ᩼ᨡ᩠ᨷᩢᨷᩯ᩠ᨷᩋᩢᨲ᩠ᨲᨶᩮᩣᨾ᩠ᨲᩢ, ᨣᩕᩮᩬᩨ᩵ᨦᨾᩨᩈ᩶ᩣ᩠ᨦᨸᩯᩖᨦᩉᩲ᩠ᨾ᩵ᩓᩈ᩶ᩣ᩠ᨦᩈᩢᩁ᩠ᨣ᩼ (ChatGPT ᩓ ᨦᩣ᩠ᨶᩆᩥᩃ᩠ᨷᩋᩮᩋᩱ), ᩁᨷ᩠ᨷᩫᨲ᩠ᨯᩢᩈ᩠ᨶᩥᨧᩲᨷᩯ᩠ᨷᩋᩢᨲ᩠ᨲᨶᩮᩣᨾ᩠ᨲᩢ’ ᩓ ᩁᨷ᩠ᨷᩫᨠᩣ᩠ᩁᨡᩯ᩠ᨦ᩵ᨡ᩠ᨶᩢᨣᩮᨾ᩠ᩈ᩼ᨠ᩠ᩃᩫᨿᩩᨴ᩠ᨵ᩼ᨶᩲᩁᨯ᩠ᨷᩢᩈᩪᨦᩈᩩᨯ (ᨩᩮᩬᩨ᩶ᩋᩅ᩵ᩤ ᩉ᩠ᨾᩣ᩠ᨠᩃᩩᨠ᩼ ᩓᨠᩰᩬᩡ)᪩