Wp/niu/Fakapage uga

Fakapage Uga

Ko e puahala a nei ke moua aki e tau uga, ko e taha he tau puhala ne kua mahuiga mo e muitua ki ai e tokologa he tau tagata takafaga uga. Ko e uga kua lahi ke nofo ke he tau toafa tule ne tata hifo ke he tau feutu i tahi. Fai uga foki ne nofo ke he tau uho vao uhi, mo e tau vava. Ko e fua niu pakupaku ne fakaaoga mo fakapage uga. Ko e matamui he fuaniu ka hio mo e fakapu ke kitia mai e tau vala niu ki fafo, ko e taha faahi he fua niu ka hehe ai ua e kave pulu niu ke tau mo e pipi ai e page ke he hoe patuo, vilovilo mogoia e fua niu ke mao to toka, ua vilo lahi neke mamutu. Ko e tau ni e page he tau tauaga page fa mahani, poke taha mena ni ne kua kitia ki ai ko e liga fai uga kua nofo ai. Fa mahani ke toka taha e po to ama fakamua e tau page, mitaki lahi ka fakapouli, malu mo e mafana. Ko e uga ne fai fulufulu e ulu ko e uga fifine a ia.