Wp/mfb/Jakarta

Daerah Khusus Ibukota Jakarta (DKI Jakarta, Jakarta Raya) adalah ibukota Indonesia. Jakarta adalah sikok-sikok e kota di Indonesia yang punye status setingkat provinsi. Jakarta ade e di bagian barat laut Pulau Jawe. Name lame Jakarta Sunda Kelapa (sebelum 1527), Jayakarta (1527-1619), Batavia/Batauia, atau Jaccatra (1619-1942), kek Djakarta (1942-1972).

Lapang Jakarta kecit nian, cume 661,52 km² (lautan: 6.977,5 km²), tapi yang tinggel di sane lah nyampai 9.588.198 orang (2010). Wilayah metropolitan Jakarta (Jabotabek) yang orang e lah nyampai 28 juta, merupakan metropolitan paling besak di Indonesia kek urutan keenem di dunia.

Di Jakarta ampir semue suku bangsa Indonesia ge ade. Menurut itungan penduduk taun 2000, ade 7 ikok kelompok suku paling banyak yang tinggel di Jakarta, yaitu Suku Jawe, Betawi, Sunda, Cin, Batak, Minangkabau , Melayu, Bugis, Madura, Banten kek Banjar.