Wp/lus/Romani hnam
- HRIAT TÙR: He thuziak hi siamṭhat féa hriatnazempui thu kalhmang pangngai dah a ngai.
Sâp ṭawnga gypsy tia an sawi maiho hi anmahni ṭawng chuan Roma, Romani, Rom adt. tiin an insawi ṭhin a. Zermanramah te, Ferênramah te i kal chuan khawmuallawngsei chawlhhmun ilova tangka dere khat lek i nei em? Ei tùr ka nei lo va, mâw! Khawngaihin! tia lo hmuaktu che, vai hmél pu lek lek, ngo zâwk tlangpui deuh, mahsé bawrchhawr ve tak tak, -ho kha Rom mi an nih loh chuan thil dangdai tak i tawng tihna a ni mai.
Inhmunloram nei lova bûklìr (caravan)-a khawsa an ni tlangpui a, tin, hnam khat, ṭawng khat hmang ni lovin Mizo tih ang deuh hleka ṭawng hrang hrang chi 8-a inṭhen an ni a, mahsé an ṭobul leh ziarang a thuhmun ve vek a ni.
Thuziak a tàwi zâwk nan a remin rem leh ta mai mai ila:
An hnam ṭobul[edit | edit source]
Rom-ho hi Indiaram hmarthlang, Rajasthan leh a chhehvêl ram aṭanga Europe khawmualpuia IPhK. (Isua pian hnu kum tihna!) 500 & 1000 inkár vêla thlangtla ta nia hriat an ni a. An zefang (gene) zirnaah pawh tuna Jat miho nèn khuan an inlaichìn takzet tih chhuidawn a ni.
An ṭawng[edit | edit source]
Vaikhawchhuak an ni tih a lan chian lehna pakhat chu, an hmelhmang mai bâkah an ṭawng hi a ni. Vai ṭawngho ang bawkin an ṭawng hi Indo-Aryan ṭawng a ni ve a, tui pawh hi pàní an ti ve a ni awm e. (Hei chu sawi mai mai, tui pàní an tih vanga inlaichin ngawtna chhan tùr a awm lo. Keini pawhin thingzaichem hi àrá kan tih ve bawk ṭhin tho hi ) Panjabi ṭawng nèn a kalphung ṭhenkhat leh thumal ṭhenkhat a thuhmun a ni.
Tihduhdahna[edit | edit source]
An hnam hi buaina tinréng tuara khawvêl chhim leh hmàr hrút an ni a. An chenna ram miten an hmuhsita hnawksak an tih bâkah indopui pahnihna lái khán Tlangvál Hitlerthanga’n a sûat ṭeuh mai a. Romani naupang ṭhenkhatte phei chu phìr inhnungzawm (siamese twins chi khat) zir chianna atán tìin an hnungzáng leh an hnungzáng te an ṭhuizawmsak a ni. Dr. Mengele-a phei kha chuan Romani naupangho kha a làwm zual êm êm a, chithlum leh hmuamtelel ilo pein boruakchhe pindanah te a kâwi lût diah diah zël a ni.Indopui 2-naah khan Romani mi hi nuai 2 leh mtd. 1.5 inkár vêl an sûat a ni.