Wp/lus/Hrawva
From Wikimedia Incubator
Hrawva hi kum 1893-ah a piang a. Kum 1924-ah B.A pass hmasa ber pahnih zinga pakhat a ni. Kum 1926-ah Govt Boys’ M.E School zirtirtu a ni tan a, kum 1927-1945 thleng he school-ah hian Headmaster a ni. Kum 1942 atangin 1954 thleng Venghlui lal a ni a, kum 1956 April ni 28-ah a thi a, Aizawl Venghlui thlanmualah phûm a ni. Hrawva hian hla 15 a phuah a, hla thu mawi tak leh awmze nei taka hla phuah thiam a ni.
[edit] A hla phuahte
- Mi Ropui
[edit] A Kutchhuak Ropui
MI ROPUI
Pianna thu lam ka chhui lo,
Hming pawh hriat a ngai chuang lo;
Thinlung lam a dik phawt chuan,
Mi ropuiah ka ngai ţhin.
Hausakna ka ngaithla lo,
Rethei tê pawh ni mah se,
Mihring thinlung dik tak chu,
A neih chuan a tâwk a ni.
Khawi aţanga lo chhuak nge?
Khawii hmuna seilian nge?
Tui pawh a thianghlim phawt chuan,
A chhuahna hriat a ngai lo.
Lalin nge ni hnam tlâwm in?
A chênna hriat a ngai lo;
Hei erawh min chhâng teh,
Mi rinawm a ni em le?
[edit] References
- Class-V Mizo (MBSE) Third Impression : 2006
