Wp/lus/Australia
Australiaram, dànchàwi hminga Commonwealth of Australia tih, hi khawvêl pangpèr chhim lama ram a ni a, Australia khawmualpui, Tasmania leh a hualtu tuipui India Tuipui leh Tuifinriat Dam-a thliarkar nepnawi tam tak siàm a ni. Ram zauzawngah khawvêl ramah parukna a ni. Hmar lamah Indonesiaram, Timorchhakram leh Papua New Guinea te a rï a, hmarchhak lamah Vanuatu, Solomon Thlirkarte leh Kaledawnia thar te'n an hual bawk a, chhimchhakah New Zealand-in a ep bawk a ni.
Kum zabi 18-na chawhnu lama Iurâwpmihovin hë ram an luah hma daihah kum 40,000 chhung vêl zet chu Australia luahtu hnam bilhovin an lo luah tawh a. Hêng hnamte hi ṭawng chi hrang 250 zet hmang hnam hrang hrang an ni. Kum 1606-a Datch daidarmiten hë ram hi an hmuhchhuah hnuah kum 1770 khan Britain Ropui chuan a ram khawchhak lam tiave chu a hauh va, kum 1788, pawlkût thla ni 26 aṭang khan Chhim Wales Thar (New South Wales) chu misual hrem tùrte thawnbona hmun atana hman niin luah a lo ni chho ta a ni. Zawi zawiin mipui an lo tam ve deuh deuh va, Australia khawmualpui chu daidar chho zëlin rorèlna hmun lalram péng hrang hrang Britain Ropui lalram chuan a din zël a. Chûng lalram péng hrang hrangte chu insuihkhâwmin kum 1901, pawlkût thla ni 1 khan Australiaram (Commonwealth of Australia) chu an lo din ta a ni.
Australiaram hi ram hmasawn leh changkang tak niin tünah hian (kum 2012) khawvêla sumrel nei lian ber ram 13-na a lo ni ta a ni. Mimal kum khat thawh chhuah tam lamah 5-na a ni bawk.
Hming ṭobul[edit | edit source]
Australia tih hming hi latin thumal australis tih aṭanga lâk a ni a, chu chu chhim lam tihna a ni.
Khawpuite[edit | edit source]
Australiarama khawpui lian deuh deuhte chu hengte hi an ni:
| Australiaram chhunga mipui chen tam zualna hmunte (Kum 2011, nikir thlaa Australian Bureau of Statistics chhûtdàn)[1] | |||||||||||
|---|---|---|---|---|---|---|---|---|---|---|---|
| Dinhmun | Khawpui hming | Rambung | Mipui zât | Dinhmun | Khawpui hming | Rambung | Mipui zât | ||||
| 1 | Sydney | NSW | 4,627,345 | 11 | Greater Hobart | TAS | 216,656 | ||||
| 2 | Melbourne | VIC | 4,137,432 | 12 | Geelong | VIC | 180,805 | ||||
| 3 | Brisbane | QLD | 2,074,222 | 13 | Townsville | QLD | 176,347 | ||||
| 4 | Perth | WA | 1,738,807 | 14 | Cairns | QLD | 153,075 | ||||
| 5 | Adelaide | SA | 1,212,982 | 15 | Toowoomba | QLD | 132,936 | ||||
| 6 | Gold Coast-Tweed | QLD / NSW | 600,475 | 16 | Darwin | NT | 128,073 | ||||
| 7 | Newcastle | NSW | 552,776 | 17 | Launceston | TAS | 106,655 | ||||
| 8 | Canberra-Queanbeyan | ACT / NSW | 417,860 | 18 | Albury-Wodonga | NSW / VIC | 107,086 | ||||
| 9 | Wollongong | NSW | 293,503 | 19 | Ballarat | VIC | 97,810 | ||||
| 10 | Sunshine Coast | QLD | 254,650 | 20 | Bendigo | VIC | 92,934 | ||||
Thulâkna[edit | edit source]
- ↑ "3218.0 - Regional Population Growth, Australia, 2010-11". Australian Bureau of Statistics. Kum 2012, vau thla ni 30. http://www.abs.gov.au/ausstats/abs@.nsf/Latestproducts/3218.0Main%20Features112010-11?opendocument&tabname=Summary&prodno=3218.0&issue=2010-11&num=&view=. Retrieved Kum 2012, vau thla ni 30.