Wp/lkt/Oscar Howe

Oscar Howe (Dakȟód čhažé: Masyúha Hokšína, Chaŋwápe Nabdéča Wí ičí13, 1915 – Chaŋwápe Kasná Wí, ičí7, 1983) itówapi káǧa očháštȟaŋiŋ héčha. Oyáŋke waŋ Kȟaŋǧí Okhúte ektá yaŋké kiŋ Chaŋpúŋpuŋ Wakpána eyápi kiŋ ektá tȟúŋpi na Iháŋktȟuŋwaŋna kiŋ héčha.

Wayáwa

Hokšína háŋl Wakpá Síča ektá Pierre Indian School ektá wayáwa í. Heháŋn ohákab Santa Fe Indian School ektá wayáwakhiyapi, na hétu é kȟoškánaka kiŋ dé nína wówa wayúphike kiŋ abdézapi.

Héčhiya gduštáŋ héhaŋ Oklahoma ektá oyáwawa waŋkátuya én wóuŋspe khuwá. Thihépiya akáŋnkáŋn itówapi tȟaŋkíŋkiŋyaŋ káȟ uŋspéič’ičhiya. Deháŋn Kȟowákataŋ Otȟúŋwe ektá dápi háŋtaŋš, auditorium ektá itówapi tȟáwa kiŋ waŋdákapi kte.

Okíčhize

Makȟówaŋčaya Okíčhize Inúŋpa kiŋ ičhúŋhaŋ, akíčhita éd ópȟa, ka mniwáŋča kȟowákataŋ Iyášiča ób kičhís í. Héčhiya wíŋyaŋ waŋ Heidi Hampel ečíyapi é átayiŋ na ohákab tȟawíčutȟuŋ.

Tȟóni oíhaŋke

Khéya Wíta én gdípi héhaŋ, South Dakota Owáyawa Waŋkátuya én waúŋspewičhakhiya, ka ečhéd makȟá wičhóni ékignake, ómakȟa 1983 héhaŋ. Naháŋȟči taŋyáŋ kiksúyapi ka itówapi eyá káǧe kiŋ hená makȟásitomniyaŋ otkéyapi.