Wp/liv/Nõvkub Īt
.svg)
Nõvkub Īt um ikš jedmõļi valst Mōgõr-Eirōpõs ja Pūoj- Āzijs Vāldamier rāndast Vagā Okeōņ sōņõ ja Mustā mier jūst Arktīk okeōņ sōņõ.
Nõvkub Īt vȯļ amā sūrimi valst mōīlmas. Täm pitkit mōgõrstõ vežgõr-pēḑõn vȯļ 10 900 km. Nõvkub Īt pǟjālgab vȯļ Māskab.
[edit] Istōrij
Nõvkub Īt pūojtiztõ detsembõrs 1922 kommunistliz Krīevõmō ja tuoizt Nõvkub Republikõd pūolst pierrõ siedā ku Krīevõmōl vȯļ 1917 vindõn kommunistõd revolūtsij. Až kommunistõd jūodiji Vladimir Lenin kūoliz āigasts 1924 īrgiz võitlõks väg pierāst, mis lopīz āigasts 1927 až Jossif Stalin sai vindimiz ja īrgiz irmõz diktatūr.
1940 Nõvkub Īt okupīeriz ka Vāldamier valdõd ja Moldova. Nēšti saitõ ūd nõvkub pepublikõd. Industrij ja vīļakub võtīztõ valst joudziz kontrol alā, miljūonidi rovst sōtiztõ vizā-kuoddõz ja tīe azūmiz Tsībõrmōlõ. Nõvkub diktatūr tei pǟgiņ slikţõ-tīemiži ka Leţmōl ja Līvõd rāndas, kus kilād eitõ tijāks, sīestõ ku valst äb laskõn rovst jemīņ mier pǟlõ lǟdõ. Tuoiz Mōīlmasuodā āigal okupīeriz Nõvkub Īt mingiži Mōgõr-Eirōp valstidi ja pūojtiz sǟl eņtšõn alūmnikād pippā-režīmidi.
Pierrõ Stalin kūolimizt sai Nõvkub Īt jūodijizõks Nikita Hruštšov kīnga vōļikšimiz āigal sōtiztõ rakeţõd rovstõks mōīlma-rūim sīezõ āigasts 1961. Kōgiņ aigõ vōlikšiz Leonid Brežnev (1964-1982).
[edit] Sa-sadāmi
Až ūž jūodiji Mihhail Gorbatšov kōļiz valdõ immõr sǟdlõ, īrgiztõ dumpõd mis rezultātõs um täm sa-sadāmi, Nõvkub Īt sa-sadīz 1991 až täm republikist saitõ īž pīlõbõd valdõd.
