Wp/kus/Philip Basoah
| Sex or gender | male  |
|---|---|
| Country of citizenship | Ghana |
| Name in native language | Philip Atta Basoah |
| Given name | Philip |
| Family name | Basoah |
| Date of birth | 18 November 1969 |
| Place of birth | Kumawu |
| Date of death | 27 March 2023 |
| Languages spoken, written or signed | English, Asante |
| Occupation | politician, teacher |
| Position held | Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana |
| Educated at | University of Cape Coast, PSB Paris School of Business |
| Work location | Kumawu |
| Member of political party | New Patriotic Party |
| Religion or worldview | Christianity |
| Location | Ashanti Region |
Philip Atta Basoah[1] da anɛ Ghana pɔlitis nwɛ’ɛd ka paas Wadmaanib yikanɛ paasi ayɔpɔi la Ghana Republic kanɛ paasi anaasi la ni zi’eni tis Kumawu Constituency bɛ Ashanti Region sʋ’ʋlim la dim. O da zi’enɛ Wabʋg Na’adɔɔg (New Patriotic Party zug).[2][3][4]
On si’iŋ si’em yɛla
Ba da du’a Philip nɛ yʋma tusir nɛ kɔbiswai nɛ pisyuobʋ nɛ awai Nwadis pii nɛ yinne la li dabpiinɛ anii daar (November 18, 1969), ka da kpi Atini daar, Yʋma tusa ayi' nɛ pisi nɛ atan' la Nwadisa atan' la dabpisi nɛ ayɔpɔi daar (Monday, 27th March, 2023).[5] O yinɛ Kumawu teŋkanɛ bɛ Ashanti region sʋ’ʋlim, Ghana nwa ni la.
O sakur ken yɛla
O da maali o master's degree kasɛta gbaʋŋ nɛ Paris graduate school of management yʋma tusa ayi' nɛ pii nɛ ayi' (2012) ka maali o Bachelor of Arts kasɛta gbaʋŋ bɛ University of Cape Coast yʋma tusa ayi' la ni (2000).[6] O da lɛn maali o GCE A level nɛ yʋma tusir nɛ kɔbiswai nɛ piswai nɛ anaasi (1994), nɛ o GCE O level yʋma tusir nɛ kɔbiswai nɛ piswai nɛ yinne (1991) ka maali o MLSC kasɛta gbaʋŋ bɛ yʋma tusir nɛ kɔbiswai nɛ pisnii nɛ ayuobʋ (1986) la ni.[2]
Tʋʋma yɛla
O da anɛ projects coordinator tis gbaʋŋ zamisʋg lʋgʋr la (Ghana Education Service), kanɛ bɛ Ashanti Region la. O da lɛn anɛ Diisi (District Chief Executive) bɛ Ministry of Local Government n tis Sekyere East District din yi yʋma tusa ayi' nɛ anu Nwadisa ayuobʋ la (June 2005) ti paae yʋma tusa ayi' nɛ awai yʋʋmpaal Nwadig (January 2009). O da anɛ pa’an-pa'an bɛ Agogo Senior High School.[2][6]
Pɔlitis nwɛ'ɛb yɛla
O da paas nɛ Wabʋg Na’adɔɔg la ni, (NPP) ka an Wadmaani tis Kumawu Constituency teŋ sʋ’ʋlim kanɛ bɛ Ashanti region la. Yʋma tusa ayi' nɛ pii nɛ ayuobʋ (2016) kanɛ da an Ghana wʋsa vɔɔdʋg tita'ar la ni la, o da di Wadmaan kʋk la nɛ vɔɔt kal tusa pisi nɛ yinne nɛ kɔbisyɔpɔi nɛ piswai nɛ anaasi (21,794) ka li an pisyɔpɔi nɛ anii du’ali ayi' kɔbʋg pʋʋgin (78.2%), ka Ma’asim tiig Na’adɔɔg (NDC) nid Emmanuel William Amoako da paam vɔɔt kal tusa anu nɛ kɔbisnii nɛ piswai nɛ awai (5,899) ka li an pisi nɛ yinne du’ali ayi' kɔbʋg pʋʋgin (21.2%), ka CPP nid Opoku Kyei Clifford paam vɔɔt kal kɔbiga nɛ pisnii nɛ anii (188) ka li an nɛɛm du’ali ayɔpɔi kɔbʋg pʋʋgin (0.7%).[7] Yʋma tusa ayi' nɛ pisi la nii (2020) Gaana wʋsa vɔɔtʋg la nii, o da di Wadmaan kʋk la nɛ vɔɔt kal tusa pii nɛ anaasi nɛ kɔbiswai nɛ pisyuobʋ (14,960) ka li an pisnu nɛ yinnɛ du’al yinne kɔbʋg pʋʋgin (51.1%), ka Ma’asim tiig (NDC) nid Bernard Opoku Marfo mɛ da mɔri vɔɔt kal tusa ayi' nɛ kɔbisnaasi nɛ pistan' nɛ awai (2,439) ka li an anii du’al atan' kɔbʋg pʋʋgin (8.3%), ka onɛ pʋ zi’en Na’adɔsi’a bɛɛ pʋ dɔl paati si'a la (Independent parliament), Duah Kwaku mɛ da paam nɛ tusa pii nɛ yinne nɛ kɔbisyuobʋ nɛ piswai nɛ anii (11,698) ka li an pisnaasi kɔbʋg pʋʋgin (40%), ka GUM nid Nana Amoako mɔr vɔɔt kal kɔbiga nɛ pisyɔpɔi nɛ anaasi (174) ka li an nɛɛm du’ali ayuobʋ kɔbʋg pʋʋgin (0.6%).[8]
La’asbanɛ ni ka o tʋm
O da anɛ kʋkdaani tis la’askanɛ gɔsid Employment, Social Welfare and State Enterprises la. O da lɛn paas la’askanɛ gɔsid tam nɛ tiis yɛla ka lɛn paas la’askanɛ gɔsid nidib gaansʋg yɛla.[2]
Tʋʋmsʋma sʋŋir yɛla
Yʋʋm tusa ayi nɛ pisi nɛ yinne Nwadisa anaasi la ni, April 2021, o da nɔk la’adi tis Kumawu Constituency sʋ’ʋlim ye ba di’e zamis pʋ’asada nɛ Dasam nu’ug tʋʋma.[9]
Mɛŋ bɛlim
O anɛ Kristo biig[2]
O kum yɛla
Basoah da kpinɛ yʋʋm tusa ayi nɛ pisi nɛ atan Nwadisa atan la dabpisi nɛ ayɔpɔi daar (27th March, 2023). O da mɔr yʋma pisnu nɛ anaasi (54years).[10][11]
Gbanvɛɛnsa
- ↑ https://www.myjoyonline.com/kumawu-bodomasi-npp-youth-vow-to-vote-skirt-and-blouse-in-december/
- ↑ 2.0 2.1 2.2 2.3 2.4 https://www.parliament.gh/mps?mp=162
- ↑ https://www.myjoyonline.com/philip-basoah-confident-of-beating-ahomka-lindsay-to-retain-kumawu-seat-in-npp-primaries/
- ↑ https://asaaseradio.com/mp-petitions-police-over-kumawu-commanders-unruly-conduct/
- ↑ https://citinewsroom.com/2023/03/kumawu-mp-philip-basoah-dies-aged-54/
- ↑ 6.0 6.1 https://ghanamps.com/mp/basoah-philip-2/
- ↑ http://ghanaelections.peacefmonline.com/pages/2016/parliament/ashanti/kumawu/
- ↑ https://web.archive.org/web/20230528121312/https://comingsoonnews.com/what-happened-to-philip-basoah-mp-for-kumawu-philip-basoah-has-passed-away/
- ↑ https://www.myjoyonline.com/government-is-expanding-tvet-education-to-increase-enrollment-kumawu-mp/
- ↑ https://citinewsroom.com/2023/03/kumawu-mp-philip-basoah-dies-aged-54/
- ↑ https://www.myjoyonline.com/majority-mps-wear-black-as-parliament-mourns-late-philip-basoah/