Wp/kus/Mustapha Ussif

Ussif Mustapha

human

Sex or gender	male
Country of citizenship	Ghana
Given name	Mustafa
Date of birth	16 August 1979
Place of birth	Ghana
Languages spoken, written or signed	English
Occupation	politician, financial analyst, teacher
Position held	Member of the 6th Parliament of the 4th Republic of Ghana, Member of the 8th Parliament of the 4th Republic of Ghana, Minister for Youth and Sports
Educated at	University of Gloucestershire
Residence	Accra
Member of political party	New Patriotic Party
Candidacy in election	2020 Ghanaian general election, 2016 Ghanaian general election
Religion or worldview	Islam

Mustapha Ussif (16 August 1979) anɛ Gaana pɔlitiks nwɛ’ɛd. Anɛ Wabʋg na’adɔɔg la nid ka paas Gaana Wadmaanib yikanɛ paasi anii Gaana Republic kanɛ paasi anaasi la ni. O zi’ennɛ tis Yagaba-Kubori bɛ North East Sʋ’ʋlim, Gaana. Yʋʋmtusa ayi nɛ pisi nɛ yinne la yʋʋmpaal nwadig la ni ka Nana Akufo-Addo da gaŋ o ye o an minista tis pu’asada nɛ dasam nɛ ninwisigir yɛla.

O bɛlim nɛ sakur yɛla

Ba da du’a Ussifnɛ yʋʋmtusir kɔbiswai nɛ piyɔpɔi nɛ awai la nwadisa anii la dabpiinɛ ayuobʋ daar (16-08-1979). O yinɛ Tantaala n bɛ Tamar sʋ’ʋlim, Gaana. O da keŋ Bagabaga Teacher Training College nɛ Anglia Ruskin University ani ka da di’e Bachelor of Arts degree in International Business and Management yʋʋm tusa ayi nɛ piiga la ni (2010). O da tɔlisi keŋ University of Gloucestershire ka naae ani yʋʋm tusa ayi nɛ piinɛyinne (2011) nɛ master's degree ligidi nɛ ligidsu’ab yɛla (Finance and Investment).

Tʋʋma

Ussif da tʋmnɛ ligidsu’ad tʋʋma Ray and Associates, UK yʋma tusa ayi nɛ piiga (2010). Yʋʋmkan ni ka o lɛn tʋm Freelance Consultant tis Action Aid UK.

Pɔlitiks

On da lieb wadmaan la

Ussif da kpɛn’ Wadmaannam yin la yʋʋmtusa ayi nɛ piinɛ atan la yʋʋmpaal nwadig daba ayɔpɔi daar on da nyaŋi o tiraan Abdul-Rauf Tanko Ibrahim la. O anɛ wabʋg na’adɔɔg (NPP) la nid. O da an wadmaani tis Yagba-kubori lin yi yʋʋm tusa ayi nɛ piinɛ atan’ keŋ paae yʋʋm tusa ayi nɛ piinɛ ayɔpɔi la Gaana Wadmaannib yikanɛ paasi ayuobʋ la, ka din nya’aŋ ka o tiraan, Abdul-Rauf Tanko Ibrahim, ma’asim tiig nid la da di ka bas o yʋʋm tusa ayi nɛ piinɛ ayuobʋ vɔɔtʋg yʋʋm la.

On da bɛ Gaana wadmaanib yikanɛ paasi ayuobʋ la, o da tʋm la’askanɛ gɔsid sanlimanam tʋʋma nɛ bugum yɛla la, o da lɛn tʋm la’askanɛ gɔsid suoya banɛ ka ba dɔlisid wadmaannib yin la.

Yʋʋm tusa ayi nɛ pisi vɔɔtʋg yʋʋm la, o da nya’ nɛ wabʋg nidib taaba ka sɔ’ pʋ yina nya’ nɛ o ka o da zi’en wabʋg na’adɔɔg la nɔba zugʋ nya’ yʋʋm tusa ayi nɛ pisi nwadis piinɛ ayi vɔɔt la. O da diya ka bas onɛ nya’ad nɛ o nɔɔri ayi’ la, Abdul-Rauf Tanko Ibrahim. O da paam vɔt tusa piinɛ anii, kɔbiga nɛ pisnu nɛ atan (18, 153), pisyuobʋ nɛ anaasi du’al yinne kɔbiga pʋʋgin (64.01%) ka o tiraan la paam vɔɔt tusa awai, kɔbistan nɛ piswai nɛ atan (9, 393) dinɛ an pistan nɛ atan du’al piinɛ anaasi kɔniga pʋʋgin (33.14%)

Lʋgkanɛ gɔsidi atʋm tis gɔmena la kpɛɛm

Yʋʋm tusa ayi nɛ piinɛ ayɔpɔi nii, pirɛsidɛn Nana Akufo-Addo da kpɛn’ɛ o yiiga saŋa la da gaŋ o ye o an onɛ kpɛɛm tis lʋgʋr kanɛ gɔsidi atʋm tis gɔmena la.

On da an minsta onɛ gɔsid pʋ’asada nɛ dasam nɛ ninwisigir yɛla

On da di Yagaba-kubori kʋk la yʋʋmtusa ayi nɛ pisi vɔɔtʋgin la, yʋʋm tusa ayi nɛ pisi nɛ yinne yʋʋmpaal nwadig la dabpisi nɛ yinne daar, Pirɛsidɛn Nana Akufo-Addo da lɛn di pirɛsidɛn la, da gaŋ o ye o an pʋ’asada nɛ dasam nɛ ninwisigir yɛla minista. O wadmaan taaba la da vɛɛns o yɛla ka bu’os o bu’osa ka o nyaŋi lɛbis sʋ’ʋŋa, ka yʋʋm tusa ayi nɛ pisi nɛ yinne nwadis atan la daba anu la daar, ba da tis on nɛ o taaba pisi nɛ ayɔpɔi sieba suor ye ba sin’iŋ tʋʋma Jubilee House Ankara pʋʋgin.

Mɛŋ bɛllim

Ussif mɔr pu’a nɛ biisi ayi. O anɛ pʋ’ʋsidnɛ mɔɔm pʋ’ʋsim.