Wp/kus/Elizabeth Ofosu-Adjare

Elizabeth Ofosu-Agyare

human

Sex or gender	female
Country of citizenship	Ghana
Name in native language	Elizabeth Ofosu-Agyare
Given name	Elizabeth
Family name	Ofosu
Date of birth	1 March 1974
Place of birth	Berekum
Languages spoken, written or signed	English, Bono, Twi
Occupation	politician
Position held	Member of the 8th Parliament of the 4th Republic of Ghana
Educated at	St Monica's Senior High School, Kwame Nkrumah University of Science and Technology, University of Ghana, Ghana School of Law
Academic degree	Bachelor of Arts, Bachelor of Laws
Academic major	social science, law
Work location	Techiman North District
Work period (start)	2013
Member of political party	National Democratic Congress

Elizabeth Ofosu-Adjare (March 1, 1974) anɛ Gaana lɔya nɛ pɔlitiks nwɛ’ɛdi. Pirɛsidɛn John Mahama da gaansi o nidib ye ba tʋmi o gɔmena la ni yʋʋm tusa ayi nɛ piinɛ atan (2013) la ka gaŋ o ye o an Minista tis Tourism, Culture and Creative Arts. O anɛ Ma’asim tiig Na’adɔɔg la (National Democratic Congress). Nannanna o anɛ Wadmaani paas Gaana Wadmaanib yikanɛ paasi anii la, Gaana Republic ka nɛ paasi anaasi la ni tis Techiman North Constituency sʋ’ʋlim dim.

On sin’iŋ si’em nɛ sakur yɛla

Elizabeth Ofosu-Adjare an onɛ paasi atan o du’adib bipumis piiga la pʋʋgin. O du’adib anɛ Girimadaan Adjei-Mensah onɛ an lɔya, kpikpin nɛ Pɔlitiks nwɛ’ɛd nɛ o pʋ’a Adjei-Mensah onɛ an kpikpin. O da keŋnɛ St Monica's Secondary School bɛ Mampong, Kumasi sʋ’ʋlim la, ani ka da maali o O & A level certificates. Elizabeth Ofosu-Adjare da tɔlisi keŋ Kwame Nkrumah University of Science and Technology ka paami Bachelor of Arts in Social Science kasɛtta gbaʋŋ. O da lɛn tɔlisi keŋ University of Ghana, Legon zamis lɔyanam yɛla tʋgʋ tuon ka di’e LLB yʋʋm tusa ayi nɛ ayi (2002) la ni. Din nya’aŋ ka o maali o degree in law yʋʋm tusa ayi nɛ ayi (2004) la ni.

Tʋʋma

Mrs. Elizabeth Ofosu-Adjare da pin’ili o lɔya tʋʋmanɛ Holy Trinity Chambers n bɛ Kumasi, Ashanti Region la yʋʋm tusa ayi nɛ anaasi (2004) la ni ka tɔlis onɛ sʋ’oe zin’ig la yinne. O da lɛn an Lɔya (lawyer) tis Legal Aid Scheme, Ashanti Region. o paas banɛ gɔsid Multi Trust Financial Company kanɛ bɛ Kumasi la, din yi yʋʋm tusa ayi nɛ anaasi (2004) paae zina. Nannanna o lɛn paas banɛ gɔsid Federation Commodities Limited.

Gaana pirɛsidɛn da lɛn gaŋ o ye paas banɛ gɔsid Tema Oil Refinery yʋʋm tusa ayi nɛ awai (2009) ni. Ka o tʋm paae yʋʋm tusa ayi nɛ piinɛ atan (2013). Pirɛsidɛn John Mahama da gaŋ Elizabeth Ofosu yʋʋm tusa ayi nɛ piinɛ atan Nwadisa atan la yiiga daar(1 March 2013) la ni ye o an Minista tis Tourism, Culture and Creative Arts zin’ikanɛ ka ba nan maal paal.

Pɔlitiks tʋʋma

On da an minista tis Tourism, Culture & Creative Arts la yɛla. Pirɛsidɛn John Mahama da gaŋ Elizabeth Ofosu yʋʋm tusa ayi nɛ piinɛ atan Nwadisa atan la yiiga daar(1 March 2013) la ni ye o an Minista tis Tourism, Culture and Creative Arts zin’ikanɛ ka ba nan maal paal.

On da an minista la,o da tʋmya nɛ lʋga piinɛ anaasi (14) Agencies ka pin’il innovative,novelty tourism programsi paas Ghana's Tourism products & Offerings.

ExploreGhana project

Dinɛ nar nɛ pʋdigir anɛ ExploreGhana project ka o da zuŋi di yʋʋm tusa ayi nɛ piinɛ anaasi (2014) ye di kɛ ka nidib mɔr bɔɔdim tisi akaae zin’ivɛnla Gaana kpɛla. Zuŋir la nya’aŋ yʋma atan. Gaana zin’i vɛnlla la da nyɛ ka labadi’esidib nɛ zin’is kɔn’ɔb kɔn’ɔb pia’adi di yɛla. Ka kɛ ka teŋ la nidb gɔsid zin’ivɛnlla sʋ’ʋŋa, paan zin’is la sʋm, ka di mɔr nyɔɔdi tis Gaana nɛ tɛɛns banɛ kpɛlim la.

National Festival for Arts & Culture

Buudi malʋŋ tita’akanɛ nar pian’ʋk anɛ on da pin’il tigir malʋŋʋ tis Ga State la. Ghana pin’il, nɛ’ɛ da an yiiga ka lʋgʋkaŋa nyaŋi maal tigir malʋŋ kaŋa Ankara sʋ’ʋlim, Greater Accra Region. o da lɛn tiak National Festival for Arts & Culture (NAFAC) ka Ghana Carnival da sin’iŋnɛ sankanɛ ka o kpɛn ɔfis la. Onɛ da lɛn pin’il Tourism levy secretariat la ye di sʋŋ Tourism lampo an yinne kɔbiga pʋʋgin la (1%) di’esʋg nɛ yɔɔb. Lampo la da sʋŋya ka ba paam ligidi tʋm sʋ’ʋlim la tʋʋma da kas kas anɛ di tuon ken yɛla.

Film Bill

Dinɛ ka Ofosu-Adjare da lɛn nyaŋi tʋm on da an Wadmaan la anɛ on da sʋŋ banɛ kpi’ed bɛɛ ya’abid nam tʋʋma nɛ ba tʋʋma zin’ig. O da kɛya ka ba sin’iŋ Film Bill, dinɛ da keŋ Wadmaanibin ka ba tik ka di lieb wada la. Wad paal kaŋa da keŋi tiak wadkʋdʋg kanɛ da bɛ yʋʋm tusir kɔbiwai nɛ pisyuobʋ nɛ yinne la (Act of 1961) yiiga la ka bʋnkaŋa buudi naam ka Film and Television sʋ’ʋlim la paam wada ye ba tʋm Gaana.

On da wien lɛb Seychelles

O da gaad nimbanɛ ka gɔmena da tʋm la tuon (Government Delegation ) ye ba bi’el Kambʋn Na’ab Asantehene Otumfuo Osei Tutu II keŋ Seychelles Islands zin’ikanɛ ka ba da kad Kambʋn Na’ab (King of Ashanti), Nana Prempeh I kpɛn’ɛs mɔɔg sankanɛ ka Kambumis nɛ Na’asaanam da zabid yʋʋm tusir nɛ kɔbis wai la (Ashanti-British war in 1900). Dinɛ da an yiiga ka Kambʋn Na’akanɛ nan zin’i kʋk la zug kaae Seychelles Islands.

Na’asaa teŋ tʋʋma

Tɛɛns kɔn’ɔb kɔn’ɔb tʋʋma ni, o mɔr Gaana zin’ivɛnlla la keŋ zin’is kbɛdigʋ nwɛnɛ World Travel Market, International Tourism Bourse (ITB), FITUR International Travel Fair, Vakantiebeurs Holiday Fair, & China Outbound Tourism & Travel Market (COTTM). Gaana Zin’ivɛnla la nan zi’i nyɛ kuosʋg anwa nwɛnɛ on da bɛ ɔfis la nɛ o yiib la yʋma nya’aŋ yʋma atan.

O da pian’a tisi o taaba banɛ bɛ ninsabilis teŋin nɛ United Nations World Tourism Organization (UNWTO) ye ba kɛ ka ba maal Brand Africa conference Ankara, Ghana kpɛla yʋʋm tusa ayi nɛ piinɛ anu Nwadisa anii la ni (August 2015). Nidibi mi’ o nɛ tʋʋmkanɛ ka o tʋm International Tourism yɛla la da kɛya ka ba da vɔɔt Gaana paas Executive Council tis UN Tourism body di  UNWTO Session kanɛ paas pisi nɛ yinne la (21st) Medellini bɛ Colombia.

La’asbanɛ ni ka o tʋm

O da paas la’askanɛ gɔsid nimma’asim yɛla la (Health Committee) nɛ la’askanɛ gɔsid tʋʋma nyɛɛm yɛla la (Appointments Committee).

Mɛŋ bɛlim

O ɛlnɛ Lawrence Ofosu-Adjare. O anɛ Isaac Kwadwo Adjei-Mensah da kpi la, onɛ da an Minista gɔsid ku’om, tʋʋma nɛ ya yɛla Rawlings gɔmena la ni, ka da an Wadmaani tis Techiman North zin’ikanɛ ka o nan an wadmaan la.