Wp/kus/Baba Yara Sports Stadium
| Inception | 1959  |
|---|---|
| Sport | association football |
| Country | Ghana |
| Located in the administrative territorial entity | Kumasi |
| Location | Kumasi |
| Coordinate location | 6°40′58″N 1°36′18″W |
| Date of official opening | 1959 |
| Occupant | Asante Kotoko F.C. |
Baba Yara Sports Stadium (ka sieba buon ye Kumasi Sports Stadium) anɛ stadium kanɛ bɛ Kumasi, Ashanti sʋ’ʋlim ka mɔr tʋʋma bɛdegʋ. Dinɛ an Ghana stadium kanɛ zu’oe gati ba wʋsa, ka nyaŋidi nɔkid nidib tusa pisnaasi nɛ kɔbisnu nɛ pisi nɛ anii (40,528).[1] Kumasi Stadium ka ba mɔri nwɛ’ɛd bɔɔl maknam, la’anɛ zɔt zɔtib (athletics) zɔti ani la. Di anɛ yiri tis Africa kilab kanɛ yʋ’ʋri lalig hali la Asante Kotoko nɛ King Faisal.[2]
Labakʋda
United African Company (UAC) da mɛ stadium la yʋʋm tusir, kɔbiswai nɛ pisnu nɛ ayɔpɔ la ni (1957) ka ba da zuŋi di ye di an bɔɔl nwɛ’ɛb zin’ig yʋʋm tusir, kɔbiswai nɛ pisnu nɛ awai la ni (1959). Di yiiga zi’esa la da maalnɛ yʋʋm tusir, kɔbiswai nɛ pisyɔpɔi nɛ yinne la ni (1971). Ba da maligim mɛ stadium la nɛ yʋʋm tusir, kɔbiswai nɛ pisyɔpɔi nɛ ayɔpɔi la ni (1977). Ba da tiaki di yʋ’ʋri tis bɔɔl nwɛ’ɛd onɛ ka ba du’a o Kumasi, Baba Yara (1936–1969, ka nin da mu’oe Asante Kotoko yɛla hali 1955–1961) Wabʋg na’adɔɔg, New Patriotic saŋa la yʋʋm tusa ayi nɛ anaasi la ni (2004).[3] Tʋʋm tita’akanɛ paasi atan ka ba da tʋm bɔɔl pakin la da naaenɛ yʋʋm tusa ayi nɛ anii la ni (2008). Ba da nwa’ zi’esa banɛ bɛ ya-tuona baba la ka maligim mɛ two-tier stand nɛ press, corporate, nɛ VIP dɔɔg. Zi’esa banɛ kpɛlim ba da maligim maali ba sʋ’ʋŋa, ka paas kʋgʋs ka zi’el panel banɛ nyɛt nyain ye di bak banɛ nwɛ’ɛd la nɛ banɛ gɔsid la ka banɛ gɔsid la da nyaŋi zɔ kpɛn’ pak la pʋʋginɛ.
Tournament nam
1978, 2000 nɛ 2008 African Cup of Nations
Stadium la host group maknama ayuobʋ nɛ semi-final mak yinne yʋʋm tusir, kɔbiswai nɛ pissyɔpɔi nɛ anii (1978) African Cup of Nations tournament la ni. Yʋʋm tusa ayi la ni (2000) African Cup of Nations la ni, stadium la da host maknama ayɔpɔi (7).[4] Din nya’aŋ la ba da nwɛ’ yʋʋm tusa ayi nɛ anii (2008) African Cup of Nations la ani. Baba Yara stadium da lɛn host Ghana nɛ Nigeria mak ya’as ban da nwɛ’ɛd World Cup playoff first leg Arizum daar, yʋʋm tusa ayi nɛ pisi nɛ ayi nwadisa atan la dabpisi nɛ anu daar la (Friday March 25, 2022).
Gbanvɛɛnsa
- ↑ https://web.archive.org/web/20140106153914/http://www.fifa.com/classicfootball/clubs/club=1884681/
- ↑ http://www.asantekotokofc.org/Newreel/000108/babayara1.htm
- ↑ http://www.modernghana.com/GhanaHome/SportsArchive/sports_details.asp?menu_id=2&id=VFZSVk1VOVVWVFE9
- ↑ http://news.bbc.co.uk/hi/english/static/sport/football/africa/cup_of_nations/kumasi.stm