Wp/krl/Isaac Newton

Isaac Newton (1689).

Sir Isaac Newton (julianisen kalenterin mukah 25. talvikuuta 1642 – 20. šulakuuta 1726, gregorijanisen kalenterin mukah 4. pakkaiskuuta 1643 Woolsthorpe-by-Colsterworth – 31. šulakuuta 1727 London) oli enklantilaini fiisikko, matematikko, astronomi, kullanluatija ta filosofi. Newton loi peruštan klassillisella mehaniikalla tevokšeššah Philosophiae Naturalis Principia Mathematica vuotena 1687. Principiašša Newton ešitteli painovoima- ta liikehlakih. Principiata pietäh Keplerin 1600-luvun alušša alottaman tiijollisen vallankumoukšen kohokohtana. Newtonie pietäh Gottfried Leibnizin rinnalla differentiali- ta integralilašennan kekšijänä.