Wp/kri/2014 FIFA Wol Kap

Di 2014 FIFA Wol Kap na bin di 20th FIFA Wol Kap, di 4 ia wol championship fo man nashonal futbal tim we FIFA oganaiz. I bin apin na Brazil frɔm 12 Jun to 13 Julay 2014, afta dɛn gi di kɔntri di rayt fɔ ɔganayz di kɔmpitishɔn insay 2007. Na di sɛkɔn tɛm we Brazil bin stej di kɔmpitishɔn, di fɔs tɛm na insay 1950, ɛn na di nɔmba fayv tɛm we dɛn bin gɛt am Sawt Amɛrika. 31 nashɔnal tim dɛn bin advans tru kwalifayeshɔn kɔmpitishɔn fɔ jɔyn di ɔs neshɔn na di fainal tɛnament (wit Bosnia ɛn Ɛzigovina as di wan nɔmɔ we bigin fɔ ple). Na 64 mats dɛn bin ple na 12 ples dɛn we de na di sem siti dɛn we de ɔs di gem ɔlsay na Brazil. Fɔ di fɔs tɛm na wan Wol Kap fainal, di mats ɔfisa dɛn yuz gol-layn tɛknɔlɔji, ɛn bak vanishing sprɛy fɔ fri kik.[6] FIFA Fan Fest na ɛni ɔs siti bin gɛda wan totɛl fɔ 5 milyɔn pipul dɛn, ɛn di kɔntri bin gɛt 1 milyɔn visitɔ dɛn frɔm 202 kɔntri dɛn.[7] Spain, we na di difendin champion, bin komot fo di grup stej, wit Ingland and Italy. Yurugway bin komot fo di raun of 16, and France komot fo di kwata fainol. Di ɔs neshɔn Brazil, we bin dɔn win di 2013 FIFA Kɔnfɛdɛreshɔn Kɔp, lɔs to Jamani 7–1 na di sɛmi fainal ɛn leta i dɔn na di nɔmba 4 ples.[8] Insai di fainol, Germany win Argentina 1-0 afta ekstra taim tanks to wan Mario Götze haf-voli fo di nomba 113 minit of di fainol to win di tovment and sekur di kontri nomba fo wol taitol, di fes wan afta Jaman riyunifikeshon fo 1990, wen as West Germany dem tu biat Argentina wit di sem skoa fo 90 minit fo di Wol Kap fainol. Jamani bi di fɔs Yuropian tim fɔ win wan Wɔl Kap we dɛn bin stej na di Amɛrika dɛm,[9] ɛn dis rizɔlt bin mak di tɔd kɔnsɛkutiv taytul we Yuropian tim win, afta Itali insay 2006 ɛn Spain insay 2010.