Wp/kri/1989

1989 (MCMLXXXIX) na bin kɔmɔn ia we bigin pan Sɔnde pan di Gregorian kalenda, di 1989 ia fɔ di Kɔmɔn Ɛra (CE) ɛn Anno Domini (.AD) nem, di 989 ia fɔ di 2nd mileniɔm, di 89 ia fɔ di 20th sɛntinari , ɛn di 10 ɛn las ia insay di 1980s tɛn ia. 1989 na bin wan tɔnin pɔynt na pɔlitikal istri wit di "Rɛvɔlɔshɔn dɛm fɔ 1989" we dɔn dɔn kɔmyunizim na Istan Blɔk na Yurop, we bigin na Polan ɛn Ɔŋgaria, wit ɛkspiriɛns dɛm fɔ sheb pawa we kam to ed wit di opin fɔ di Bɛlin Wɔl insay Novɛmba, 1989. di Vɛlvet Rivɔlɔshɔn na Chɛkoslovakia ɛn we dɛn pul di kɔmyunis diktetaship na Romɛnia insay Disɛmba; di muvmɛnt bin dɔn insay Disɛmba 1991 we dɛn bin pul di Sɔviɛt Yuniɔn. Di rivɔlɔshɔn dɛn we dɛn bin mek agens di kɔmyunis gɔvmɛnt dɛn na Istan Yurop bin mɔs bi, bɔt di ia bak, di Chaynish gɔvmɛnt bin stɔp di 1989 Tiananmen Square protest dɛn na Pekin. Na di ia fɔ di fɔs Brazilian prɛsidɛnt ilɛkshɔn insay 29 ia, frɔm we di soja gɔvmɛnt dɔn insay 1985 we bin rul di kɔntri fɔ pas twɛnti ia, ɛn i bin mak di ridimokrasi prɔses in las pɔynt. Dɛn bin pik F. W. de Klerk fɔ bi Stet Prɛsidɛnt fɔ Sawt Afrika, ɛn in gɔvmɛnt bin pul di apartheid sistɛm smɔl smɔl fɔ di nɛks fayv ia, ɛn i bin dɔn wit di 1994 ilɛkshɔn we bin mek di lida fɔ di Afrikan Nashɔnal Kɔngres lida we bin de na jel, Nɛlson Mandela, kam na pawa. Di fɔs kɔmɛshɔnal intanɛt savis provayda dɛn bin kɔmɔt na do insay dis ia,[1][2] ɛn bak di fɔs rayt prɔpɔzal fɔ di Wɔl Waid Wɛb ɛn Nyu Ziland, Jepan ɛn Ɔstrelia in fɔs intanɛt kɔnɛkshɔn. di fכs pikin dεm we dεn bכn afta dεn dכn no di jεnεtik prεimplantεshכn dεn bin bכn am let 1989.[3]