Wp/kiu/San Francisco
From Wikimedia Incubator
Template:Suke San Francisco (bıwane: San Fransisko) yew bacarê Dewletê Amerikayê Yewbiyayeya. San Francisco mıntıqa ra zımeyê eyaletê Kalifornia dero. Rocawanê (ğerbê) San Franciscoy dı Okyanuso Pasifik esto.
Contents |
[edit] Tarix
Tewr raver dı Postesuri (İndiani) sero cıwiyaye bi. Serra 1776 dı İspanya ra zaf muhaciri amey San Francisco u inan yew koloni/mıstemera vıraştê. Feqet wextê Cengê Amerika - Meksika (1845–1948), Amerika San Francisco guret. 1849 ra ver bacarê San Franciscoy qıçkek bi. Serra 1849 dı merdumê San Franciscoy madenê zerni diyo u xeylê Ewropayıcan u Çini amey San Francisco. O dem ra pey, bacar biya zaf gırd. Serra 1906 dı, yew zelzeley gırdi San Francisco kerd xırabe. Ewro San Francisco biyo yew merkezê iqtısad u zagon (kultur)ê Dewletê Amerikayê Yewbiyayey u dınya. San Francisco dı bına u banê zaf berzi (asmên-resay) estê.
[edit] İklim u Nıfus
İklimê San Franciscoy zey ê Deryayê Sıpêyo, ayamê (hewa) xo honıko. Semedê Okyanuso Pasifik ra, ayam ne zaf germo ne zi zaf serdo. Zımıstani de zaf varan vareno. Erdê San Franciscoy her daim keweyo (kıhoyo). Nıfusê bacarê San Franciscoy 799.263 sera, labelê nıfusa metropolê San Franciscoy 7 milyoniya. Zaf mıxtelıf mılleti tede estê: Şarê Ewropayıc (% 49), şarê Asyayıc (%30) şarê Meksikayıc (% 14) şarê Postesuran (İndiani) (%0.5). İşğalê şaranê Ewropa ra vet aşirê Postesuran tey mendê.
[edit] İqtısad
San Francisco merkezê iqtısadê Dewletê Amerikayê Yewbiyayey u dınyayo. Silicon Valley (Derey Silikoni), Google, Yahoo, Apple u xeylê şırketanê komputerani San Francisco de ronışteyê. Universıtey Standfordi u Universitey Kaliforniya, Berkeley bacarê San Franciscoy derê.
