Wp/kge/Jopang
Jopang salah satu negara sei pok na di Asia Timur, sei mayoritas na dihuni Jolma Jopang, bahasa sei dipakai tiyan joda da Bahasa Jopang.
Bandera |
Lambang | ||
Peta Wilayah | |||
Samboyan: - | |||
Lagu Kebangsaan: 君が代 Kimigayo Komering: Kakuasoan sai Mulio | |||
Informasi Dasar | |||
---|---|---|---|
Ibukota | Tokyo | ||
Borak Wilayah | 377.975 km² | ||
Bahasa | Jopang | ||
Suku Bangsa | Jolma Jopang | ||
Jumlah Panduduk | 125.416.877 jiwa | ||
Agama | Shinto | ||
Pamarintah | Kaisar Naruhito Pardano Mantori Fumio Kishida | ||
Mata Uang | Yen (¥) (JPY) | ||
Zona Waktu | UTC+9 | ||
Informasi Barihna | |||
Lajur Kemudi | Kiri | ||
Kode Talepon | +81 | ||
Benua | Asia | ||
Kode Internet | .jp |
Budaya[edit | edit source]
Masakan rik Kani'an[edit | edit source]
Masakan Jopang nawarkan bumacom-macom makanan khas daerah sai makai resep tradisional rik bahan-bahan lokal. Kani'an Lawok rik Okan atawa Mie Jopang joda da kani'an pokok tradisional. Kari Jopang, samenjak tikenalko di Jopang jak British India, tikonsumsi sacara luas sampai pacak tisobut sabagai hidangan nasional, barong-barong rik ramen rik sushi . Pormin tradisional Jopang tikenal sabagai wagashi. Bahan-bahan pocak pasta rotak siyaw rik mochi tipakai. Salera sai lobih modern tikuruk Es Krim, rik Teh hujau.
Inuman populer di Jopang joda da sake, sai joda da inuman biyas sai tiseduh biasona ngandung 14–17% alkohol rik tiguwai ngaliyu'i fermentasi biyas. Bir kok tiseduh di Jopang jak akhir abad ke-17. Teh hujau tiproduksi di Jopang rik tiolah dilom bontuk pocak matcha, tigunako dilom upacara nginum teh Jopang.
Agama[edit | edit source]
Konstitusi Jopang njamin kabebasan buagama sacara ponuh. Pakiraan njajakko bahwa 84–96% panduduk Jopang nganut agama Shinto sabagai agama asli tiyan. Tapi, pakiraan sa tidasarko di jolma-jolma sai buafiliasi rik kuil, layon jumlah jolma sai bonor-bonor buiman. Lamon Jolma Jopang nganut agama Shinto rik Buddha, tiyan ngidentifikasi diri rik karua agama sina atawa nggambarko diri tiyan sabagai non-religius atawa spiritual. Tingkat partisipasi dilom upacara kaagamaan sabagai tradisi budaya lokok lamon, terutama sa'uni festival rik acara juk kunjungan kuil partamo di Tahun Baru . Taoisme rik Konfusianisme (Kong Hu Chu) jak Cina juga ngaruhi kaparcayaan rik adat istiadat Jopang.
Agama Nasrani partamo kali tikonalko guk Jopang bak misi Jesuit sai timula'i jak tahun 1549. Ganta sa, 1% sampai 1,5% panduduk Jopang buagama Kristen. Satijang abad tarakhir, adat istiadat Barat sai awalna bukahikan rik agama Kristen (tikuruk da Kahwin gaya Barat, Harani Valentine, rik Natal) kok jadi populer sabagai adat sekuler di antara lamonna Jolma Jopang.
Sakitar 90% jak tiyan sai nganut agama Islam di Jopang joda da Jolma Ratongan (migran) kalahiran asing. Di tahun 2018 tiparkirako uwat 105 Masigid rik 200.000 Muslim di Jopang, 43.000 di antarana joda da warga asli nagara Jopang. Agama minoritas barihna tikuruk da Hindu, Yahudi, Iman Baháʼí, rik kaparcayaan animisme Ainu.