Wp/isv/Топличско повстанје

Топличско повстанје (srb.: Топлички устанак, Toplički ustanak) было повстанје против булгарској окупације Србије в часу Првој свєтовој војны. Оно трвало од 21 февруара до 25 марца 1917 года и было јединым повстанјем в окупованом крају в часу Првој свєтовој војны. Коло 20 тысечев србов умрєли в часу повстанја и послє јего подтисканја. Повстанје было подтримано србскыми партизанами четниками.

Прва свєтова војна почела се в 1914 году с војны Австро-Мадјарије против Србије. Србија одразила 3 австро-мадјарскых напада, але в 1915 году Булгарија приступила до војны со страны Австро-Мадјарије и послє сполној операције Австро-Мадјарије, Нємечској империје и Булгарије Србија была окупована к децембру 1915 года и раздєљена меджу Австро-Мадјаријеју и Булгаријеју. Булгарија достала оземје Поморавља, кторе были цєљем булгарского национализма.^[1]

Топличско повстанје почело се 21 фебруара 1917 года послє реда антисрбскых дєјаниј, вкључајучи затворјенје србскых школ, забрану србского језыка и традициј и спаљенје книг, а такоже грабєж и арешты. Најсилну скаргу причинил почеток мобилизације мєстных србов од 18 до 50 лєт в булгарску армију. Прве боји были меджу србскыми бєглецами од булгарскых војск и булгарскыми војенными. Повстанје вкључало оземје Топлице, Јабланице, Јастребца, возходне и централне чести Копаоника. Повстанци брзо освободили Куршумилија (27 фебруара), Лебане (1 марца), Прокупље (3 марца) и Блаце (5 марца).^[2] В постанју учествовало коло 10 тысечев србов.

12 марца почела се булгарска контратака под наказом Александара Протогенова, вкључајучи македонске силы ВМРО Тане Николова.^[3] К 25 марцу поредок на окупованых оземјах Булгарије был изнова.^[4] Боје с србскыми партизанами имали час до освободженја Србије армијеју Антанты, а главны водж повстанја Коста Војинович был убиты австро-мадјарцами 25 децембра 1917 года.

Тане Николов пријме капитулацију четников послє повстанја.
Жена из Топлице показываје срасты послє булгарскых војинов, кторе марковали ју чрвеным горечим желєзом.

Източникы

↑ Charles Jelavich; Barbara Jelavich (20 septembra 2012). The Establishment of the Balkan National States, 1804–1920. University of Washington Press. str. 289–. ISBN 978-0-295-80360-9.
↑ Mladenović, Božica (2007b). Топлички устанак 1917: збирка докумената (na srbskom). Istorijski institut. str. 9–10. GGKEY:X5X73Z78UTZ.
↑ Bechev, Dimitar (2009). Historical dictionary of the Republic of Macedonia (na anglijskom). Lanham, Md.: Scarecrow Press. str. 10. ISBN 978-0-8108-6295-1. OCLC 371111086.
↑ Richard C. Hall (3 maja 2010). Balkan Breakthrough: The Battle of Dobro Pole 1918 (na anglijskom). Indiana University Press. str. 82–. ISBN 978-0-253-00411-6.

Vněšnje linky

Tutoj članok imaje prěvod iz članka "Toplica Uprising" v Vikipediji na anglijskom (spis avtorov; dozvoljeńje CC BY-SA 4.0).

[1] Charles Jelavich; Barbara Jelavich (20 septembra 2012). The Establishment of the Balkan National States, 1804–1920. University of Washington Press. str. 289–. ISBN 978-0-295-80360-9.

[2] Mladenović, Božica (2007b). Топлички устанак 1917: збирка докумената (na srbskom). Istorijski institut. str. 9–10. GGKEY:X5X73Z78UTZ.

[3] Bechev, Dimitar (2009). Historical dictionary of the Republic of Macedonia (na anglijskom). Lanham, Md.: Scarecrow Press. str. 10. ISBN 978-0-8108-6295-1. OCLC 371111086.

[4] Richard C. Hall (3 maja 2010). Balkan Breakthrough: The Battle of Dobro Pole 1918 (na anglijskom). Indiana University Press. str. 82–. ISBN 978-0-253-00411-6.

[1]

[2]

[3]

[4]