Wp/hsn/湘潭

From Wikimedia Incubator

湘潭市，因盛产湘莲嗰隻傢就又喊得作“莲城”，是中国湖南省度裡下辖的一隻地级市，位于湖南省中部偏东，湘江下游流域。如至今管辖殆岳塘、雨湖2市辖区、湘潭1县、湘乡、韶山2隻县级市，勞共5015平方千米，怕莫是湖南辖域度裡面积最細的一隻地级市，总人口有292万咁多，排殆在湖南14个市州的第12位[2]。名人荟萃是湘潭重要的人文特色，嗰里是齐白石、毛泽东、彭德怀、马英九等著名人物的故乡，同时因为作为湖湘学派及湘军的发源地而蕴含殆独特的文化传统。

狭义的湘潭市，就是講“湘潭市区”，蹬得到南宋以后的湘潭县城的基础高頭，曾作为“中国内地商埠之巨者”的商贸重镇，繁盛一时。現於今包括殆岳塘、雨湖2区，加殆一砣有279平方公里，建成区面积76平方千米也算得到度裡殆；总人口72万，其中非农业人口57万，为湖南省第5大城市。城市综合实力列国家统计局2006年版中国百强城市第83位，湖南省第3位。[3]是长株潭城市群的组成部分，2007年送批准殆成為全国资源节约型和环境友好型社会建设综合配套改革试验区。[4]