Wp/dtp/Mariah Carey

Mariah Carey (nosusu ontok 27 Gomot 1969)^[2] nopo nga songulun susuminding, monunuat sinding, penerbit rakaman, pengarah video muzik om palakun Amerika Syarikat. Susuminding pop om R&B diti nopo nga songulun momiimilantoi do Anugerah Grammy.^[3] Nokoimbulai isido do kumoinsan nogi ontok 1990 id siriba do tapanai eksekutif Columbia Records om EMI. Tommy Mottola om nokosiliu do tulun kumoiso i nakalantoi limo sinding kumoiso dau sabaagi bontugan carta Billboard Hot 100 AS. Kalapas do pisasawaan dau miampai di Motola ontok 1993, piipiro siri rakaman hit popogirot kedudukan dau sabaagi susuminding di bobos alaku id Columbia. Tumanud majalah Billboard, isido nopo nga songulun artis 1990-an di bobos nakalantoi id Amerika Syarikat ^[4].

Suminowoli i Carey do kogumuan ahal kokomoi imej om muzik dau kalapas do pitongkiadan dau miampai di Mottola ontok toun 1997, om pinointutun dau o roromu-roromu hip hop id suang do album dau. Nokoinsiriba o kepopularan dau ontok minongiduan yau do Columbia ontok toun 2001, om tinaam do Rekod Virgin ontok toun di sumusuhut sabap do kakasahan fizikal om ginawo dau di nonuan do publisiti di agayo om nogi koporomitan di oluhoi kumaa Glitter, projek filem om runut tuni dau. Ontok toun 2002, Pada tahun 2002, Suminain i Carey do iso pibatasan miampai do Island/Def Jam om kalapas do iso timpu do au nakalantoi, minimbulai yau id suang muzik pop ontok toun 2005 miampai popohimagon do album kohopod dau, The Emancipation Of Mimi.

Ontok toun 2000, pinungaranan di Anugerah Muzik Dunia i Carey sabaagi artis tondu di alaku montok sogigisom. ^[5]. Nakapangarakam isido do rekod single di bobos ogumu numbur koiso id Amerika Syarikat montok songulun artis solo (17 ngangaawi). Suai ko' mantad kinalantaion-kinalantaion komersil dau, ointutunan nogi isido montok rolou bunga sinding, sinodu rolou, kuasa rolou, om kopomogunaan tingkat suara siulan om asaru boroson sabaagi susuminding di abantug kopio montok sogigisom. Sundung do ingkaa, minoboros o piipiro pengkritik do goos-goos di Carey montok popointalang toilaan suminding dau nopo nga minamaraag do tinori dau montok popolombus emosi di kopipio maya sinding dau. ^[6]^[7]